၂၀၁၈၊ မသစ်တသစ်ဖြစ်လာပြီဖြစ်သော အစိုးရလက်ထက်တွင် ဝန်ကြီးချုပ်က လျှပ်စစ်နှင့်ပတ်သက်ပြီး မိန့်ခွန်းတစ်ခုမှာ ဤသို့ထည့်ပြော၏။
“ကျွန်တော်တို့ အစိုးရရဲ့ နှစ်နှစ်တာကာလအတွင်းမှာ ကျေးရွာပေါင်း မြောက်မြားစွာကို မီးလင်းအောင် ဆောင်ရွက်ပေးနိုင်ခဲ့ပြီ ဖြစ်ပါတယ်” တဲ့။
အခု မအေးတို့ ထနောင်းဖူးရွာကြီး လျှပ်စစ်မီးလင်းလာပြီ။ ရွာနီးချုပ်စပ်တွေလည်း လျှပ်စစ်မီးတွေ ဝင်းလို့။ မအေးက ဒါကို ကောင်းသည်၊ ဆိုး၏ မဝေဖန်အားပါ။ မနက်ဖြန် မအေးရဲ့လင်၊ ထနောင်းဖူးကျေးရွာအုပ်စုရဲ့ မီးလင်းရေးကော်မတီခေါင်းဆောင် ကိုစိုးညွန့်ကြီး မြို့တက်ရဦးမှာမို့ နေ့ခင်းစာအတွက် ထုတ်ပိုးပေးလိုက်ဖို့ ပြင်ဆင်ချက်ပြုတ် နေရတာလေ။
ထနောင်းဖူး၊ ထနောင်းတိုင်၊ ဝက်လွတ်၊ ရှားတောနှင့် ထန်းပင်ကုန်းဆိုတဲ့ ရွာလေးတွေအစုကို ထနောင်းဖူး ကျေးရွာအုပ်စုခေါ်သည်။ ဒီထနောင်းဖူး အုပ်စုကို လျှပ်စစ်ရောဂါ ငန်းဖျားနာတက်အောင် စသယ်လာတာက မအေး လင်တော်မောင် ကိုစိုးညွန့်။
“မှတ်မှတ်ရရ အဲဒါ သမ္မတကြီး ဦးသိန်းစိန်လက်ထက်က ပေါ့တော်” ဟု မအေးက မကြာမကြာ ခပ်ဆောင့်ဆောင့်လေသံဖြင့် ဆိုတတ်သည်။
မအေးသည် နိုင်ငံရေး နားမလည်ပါ။ သို့သော် လူကြီးတွေရဲ့ စေတနာကိုတော့ ယုံကြည်၏။ သူတို့ရဲ့ စေတနာကို လင်တော်မောင် ကိုစိုးညွန့်ပါးစပ်က ပြောလို့ ပြန်ကြားရသည်မှာ
မင်းတို့ကျေးရွာတွေ မီးလင်းဖို့ မင်းတို့ကိုယ်တိုင်ပဲ ကိုယ်ထူကိုယ်ထ စိုက်ထုတ်လုပ်ကြဟေ့၊ ငါတို့ကလိုအပ်တဲ့ ခွင့်ပြုမိန့်အပိုင်းတွေ၊ ဥပဒေပိုင်းတွေနဲ့ တာဝန်ယူမတဲ့။
ဒါနဲ့ အရပ်ရပ်အနယ်နယ်ပါပဲ။ အို... ပြောရရင် မအေးတို့ တိုင်းဒေသကြီး တစ်ခုလုံးပဲဆိုကြပါစို့ရဲ့။ ဒါပေမယ့် မအေးသေချာသိတာ ကိုယ့်လင်ကိုယ်တိုင် ပါဝင်ပြီး တက်တက်ကြွကြွဆောင်ရွက်နေတဲ့ ဒီထနောင်းဖူး ကျေးရွာအုပ်စု မီးလင်းရေးဆောင်ရွက်ချက်တွေ ပါပဲ။
ကျေးရွာတစ်ခု မီးလင်းဖို့ဆိုတာ လွယ်မှတ်လို့။ လျှပ်စစ်မီးရှိတဲ့ မြို့ကနေ သွယ်ရမယ့် ရွာအရောက်၊ မီးတိုင်တွေစိုက်ရတယ်။ ဓာတ်အားကြိုးတွေ သွယ်ရတယ်။ နောက်တော့ ၃၃ ကေဗွီ၊ ၁၁ ကေဗွီအစရှိတဲ့ ဓာတ်အားခွဲရုံလေးတွေ ဆောက်ရတယ်။ ဒါအတွက် အစစ ကုန်ကျစရိတ်ကို မီးလင်းချင်တဲ့ ရွာထဲက အိမ်ထောင်စုတွေ အချိုးကျ မျှခံပေါ့။ ငွေအားနှင့်တွန်းမှ ရွေ့မည့် အရွေ့မို့ အိမ်ထောင်စုအလိုက် ခွဲတမ်းကျ မျှခံကြရသည်။ လူအများနှင့်လုပ်ရသည့် အလုပ်မို့ လွယ်တော့ မလွယ်လှပါ။ တချို့လည်း ငွေကြေးမတတ်နိုင်၍၊ တချို့ကလည်း ကတ်ဖိုးကတ်ဖဲ့လုပ်သည့်သဘော ငွေကြေးမထည့်ဝင်ကြတာမျိုး ရှိ၏။ သို့သော် ရပ်ရွာမီးလင်းရေး အင်မတန်စိတ်အားထက်သန်နေကြသည့် ကျေးရွာမီးလင်းရေး ကော်မတီအဖွဲ့သားများက ဒါတွေကို ဂရုစိုက်မနေအားပါ။ မီးလင်းချင်သည့် အိမ်တွေက ငွေကိုကောက်သည်။ တစ်အိမ်လျှင် ငွေကျပ်သုံးသိန်းခွဲနှုန်း။
ကော်မတီက ယုံကြည်သည်မှာ အခုနေ မထည့်ဘဲ နေကြသည့် အိမ်ထောင်စုတွေဟာရော ကျေးရွာမီးလင်းလာတော့၊ သူများအိမ်လျှပ်စစ်ရ ရချင်လာကြမှာပဲလေ။ ဒီတော့ကျ သူတို့လည်း သုံးသိန်းခွဲငွေကို မမြင်တော့ဘဲ ထည့်ချင်လာကြတော့မှာပေါ့။ အခုနေတုန်းတော့ လျှပ်စစ်မီတာ တပ်ချင်သည့် အိမ်ထောင်စုတွေက ငွေကျပ်သုံးသိန်းခွဲကို အလီလီ အရစ်ကျခွဲကာထည့်ဝင်ကြသည်။ ကိုစိုးညွန့်တို့က ကောက်ခံရပြီးသမျှ ငွေကလေးဖြင့် တနိုင်တပိုင် မီးတိုင်စိုက်တာတွေ၊ ဓာတ်အားခွဲရုံဆောက်တာတွေ လုပ်ကြရသည်။ နောက်ဆို ဒီထနောင်းဖူးအုပ်စုမှာ မီးလင်းတော့မှာကိုး။
အဆင်များပြေချင်တော့ ဓာတ်အားခွဲရုံအတွက် လျှပ်စစ်ပစ္စည်းတွေ၊ ဓာတ်အားပေးစက်တွေကို အကြွေးစနစ်ဖြင့်ရတာ ရှိသည်။ အရစ်ကျပေါ့။ စိုးညွန့်တို့ အိမ်ထောင်စုတွေထံက ငွေကြေးခွဲတမ်းကောက်ခံရရှိတာကလည်း အရစ်ကျဆိုတော့ အဆင်ပြေလှပေါ့။ မြို့ကနေ ရွာအရောက် လျှပ်စစ်ဓာတ်အားလိုင်း သွယ်တန်းစရိတ်ဟာ အင်မတန်ကြီးသော်လည်း တကယ်လို့ရွာမှာ လျှပ်စစ်မီးရလာသော် အခုနေ ကတ်သတ်ပြီး ငွေမထည့်သည့် ရွာတွေကလည်း သူများရွာ မီးလင်း၊ လင်းချင်လာမည့် စိတ်ကြောင့် ငွေကြေးထည့်ဝင်လာကြမည်။ အခုနေ ငွေမထည့်သည့် အိမ်ထောင်စုတွေလည်း ထည့်ဝင်လာကြတော့မည်။ ထိုအခါ မိုးပေါက်များသော် အင်းအိုင်တွေတောင် ပြည့်သေးတာ၊ ဒီလျှပ်စစ်ပစ္စည်းတွေ ဈေးကြီးတာလောက်တော့ ဒီတောင်ကို စိုးညွန့်တို့ကော်မတီ ဖြိုပါ့မယ်၊ မြင့်မိုရ်မို့လားပေါ့။ ‘နည်းရောင်း၊ များရောင်းတောင်းပြည့်’ သဘော။ အလီလီအရစ်ရစ် ငွေထည့်ပြီးလုပ်လာလိုက်တာ အခုဆို စိုးညွန့်တို့ရွာကြီး မီးလင်းတဲ့အခြေဆိုက်ပါပြီ။
ဒီမှာ ပြောစရာက ရှိလာသည်။ စိုးညွန့်တို့ ဒီ ကျေးရွာမီးလင်းရေး လျှပ်စစ်စီမံကိန်းကို စလုပ်ခဲ့တာ ခရစ်နှစ် ၂၀၁၄ ခုနှစ်။ ကျေးရွာအုပ်စုတစ်ခု မီးလင်းဖို့အရေး အလုပ်လုပ်ရပုံတို့ကို အထက်မှာ ဆိုခဲ့ပြီ။ လူအမျိုးမျိုး၊ စိတ်အထွေထွေ၊ အတန်းအစားအလွှာလွှာ ရှိကြ၊ နေထိုင်ကြသော ဒီကျေးရွာအုပ်စုတွေမှာ မီးလင်းရေးလုပ်ကြသော စိုးညွန့်တို့လို လူတွေအတွက် ထိုစဉ်ကာလ အစိုးရက ဥပဒေဖြင့် ကာကွယ်အကူအညီ ပေးထားတာရှိသည်။ ထိုဥပဒေကား “၂၀၁၄ ပြည်ထောင်စုလျှပ်စစ်ဥပဒေ ပုဒ်မ ၅၂” ပင်တည်း။ ထို ဥပဒေအရ “ခွင့်ပြုမိန့်ရရှိသူ၏ ခွင့်ပြုချက်၊ သဘောတူညီမှုမရပဲ မည်သူမျှ မီးချိတ်ဆက်သွယ်တန်းခွင့်မရှိ” ဟု ပြဋ္ဌာန်းထားတာကြောင့် အကယ်၍ စိုးညွန့်တို့ကျေးရွာအုပ်စုမှာ မီးလင်းလာခဲ့သော် ဒီဓာတ်အားလိုင်းတလျှောက် စိုးညွန့်တို့ မီးလင်းရေးကော်မတီ၏ သဘောတူညီမှုဖြင့်သာ မီးသွယ်ယူခွင့်ရမှာဖြစ်ပါတယ်။ ဒီအကာအကွယ်ကြောင့်သာ စိုးညွန့်တို့မှာ ဒီလောက်အထိ ခရီးပေါက်ခဲ့တာ။
တကယ်လို့ ကျေးရွာတွေမှာ မီးလင်းလာခဲ့ရင် အခြားလင်းချင်သော ကျေးရွာများမှ၊ တစ်နည်းဆိုရသော် ငွေကြေးကောက်ခံစဉ်က ဝိုင်းဝန်းထည့်ဝင်ကြခြင်း မပြုသည့် ကျေးရွာများမှ လျှပ်စစ်မီးသွယ်တန်းလိုသော်၊ စိုးညွန့်တို့ မူလဆောင်ရွက်ခဲ့ကြသူ ကျေးရွာမီးလင်းရေး ကော်မတီထံမှာ ခွင့်ပြုချက်တောင်းရမည်။ ထိုအခါ စိုးညွန့်တို့ ကော်မတီက အချိုးကျငွေကို ထည့်ဝင်စေမည်။ ထိုအခါ စာချုပ်စာတမ်းဖြင့် အကြွေးယူထားသည့် ဓာတ်အားခွဲရုံဆောက်လုပ်ရေးမှ စက်ပစ္စည်းအကြွေးတွေ၊ ဓာတ်အားလိုင်းကြိုးအကြွေးတွေလည်း ကျေပြီဖြစ်သည်။ ပြည်ထောင်စုလျှပ်စစ်ဥပဒေ ပုဒ်မ ၅၂ကား ထိုကဲ့သို့ ကိုယ်ထူကိုယ်ထသမား ကျေးရွာမီးလင်းရေး ကော်မတီများကို အကူအညီ အကာအကွယ်ပေးထားလေ၏။ ထို့ကြောင့် စိုးညွန့်တို့လူတစ်စုလည်း ဥပဒေအကာအကွယ်အောက်မှာ လုပ်ရဲကိုင်ရဲ၊ ကျေးရွာမီးလင်းရေး ရဲရင့်ခဲ့ကြလေသည်။ ထိုရဲရင့်မှုဖြင့် တစ်နေ့တစ်လံ ပုဂံဘယ်မရွေ့ စိတ်ဓာတ်ဖြင့် ကြိုးစားလာခဲ့ကြရာ ၂၀၁၄ မှာစခဲ့သည့် လျှပ်စစ်မျှော်လင့်ချက်၊ ၂၀၁၈ နှစ်အဝင်မှာ လူလားမြောက်လေရာ၊ ကော်မတီခေါင်းဆောင် စိုးညွန့်ကြီးလည်း လျှပ်စစ်မီးလင်းရေး ကော်မတီလူကြီးအဖြစ် တရားရုံးရောက်ရလေတော့သည်။
အသို့နည်း။ ထို ၂၀၁၄ မှ အခု ၂၀၁၈ ခုနှစ်အတွင်း မင်းပြောင်းမင်းလွဲ ဖြစ်သည်။ ဟိုတုန်းက အတိုက်အခံသည် အခု အစိုးရဖြစ်လာသည်။ အစိုးရ၏ ကြွေးကြော်သံကား “ပြောင်းလဲချိန်တန်ပြီ” ဖြစ်၏။ အခု အစိုးရသည်လည်း အရင်အစိုးရနည်းတူ ပြည်သူတွေကို စေတနာရှိပါသည်။ ထို့ကြောင့် ကျေးရွာတွေ မီးလင်းစေချင်တာလည်း အစိုးရဆန္ဒပေါ့။
စိုးညွှန့်တို့ရွာကြီး မီးတွေလင်းတော့ ယခင် ကတ်သပ်ပြီး ပိုက်ဆံမထည့်ခဲ့သည့် ရွာနီးချုပ်စပ် တစ်ရွာနှစ်ရွာဟာ စိုးညွန့်တို့မီးလင်းရေး ကော်မတီထံ မျှော်လင့်သလို ရောက်မလာကြပါ။ သူတို့သည် အစိုးရသစ်ထံ သွားကပ်ကြ၏။ စိုးညွန့်တို့နိုင်ငံတော် အစိုးရသည် ၂၀၁၄ ခုနှစ် စိုးညွန့်တို့ မီးလင်းရေးစလုပ်ကြတုန်းက အတိုက်အခံဘဝသာ ရှိသေးသည်။ ထိုအတိုက်အခံသည် ထိုစဉ်က အစိုးရအပေါ် အတိုက်အခံတို့၏ သဘော၊ အမြင်မကြည်ပါ။ ဒီသဘောကို စောကြောမိသော တောသား လူလည်တစ်စုက အစိုးရသစ်ထံ သွားကပ်ပြီး အစိုးရဟောင်းနှင့် လုပ်ထားသည့် မီးလင်းရေးလုပ်ငန်းစဉ်ထဲမှ လျှပ်စစ်မီးကို သွယ်ခွင့်တောင်းသည်။ ထိုအခါ အစိုးရသစ်ကလည်း “၂၀၁၄ ပြည်ထောင်စုလျှပ်စစ်ဥပဒေ ပုဒ်မ ၅၂” အား၊ အမိန့်ညွှန်ကြားချက်ဖြင့် ပယ်ဖျက်ကာ၊ ပိုက်ဆံမထည့်သော ကျေးရွာများလည်း မီးသွယ်ခွင့်ပေးလိုက်လေရာ၊ စိုးညွန့်တို့ တစ်သိုက် ပြဿနာတက်ရရှာလေတော့သည်။
ကဲ…ဘယ်မလဲ လျှပ်စစ်ပစ္စည်းကြွေး ဆပ်ရမယ့်ငွေ။ ယခင် ငွေစိုက်ထားပြီး အရစ်ကျပေးနေကြသူတွေကလည်း သူများ တစ်ပြားမှ မပေးတဲ့ရွာတွေတောင် ရနေတာ၊ ငါတို့က ဘယ့်နှာကြောင့် ငွေဆက်ပေးနေကြမလဲဟု တွေးကြသည်။ အတွေးအတိုင်း တကယ်လည်း မပေးကြတော့။ ဒီမှာ လစဉ်အလီလီဆပ်နေရသော စာချုပ်နှင့်လက်မှတ်ထိုးယူထားသည့် ပစ္စည်းဖိုးငွေတွေ မဆပ်နိုင်၍ တရားစွဲခံရသည်။ ထိုအတွက် “၂၀၁၄ ပြည်ထောင်စုလျှပ်စစ်ဥပဒေ ပုဒ်မ ၅၂” ကိုအားကိုးကာ၊ မီးအလကားသွယ်ထားသော ရွာတွေထံ မီးဆက်မသွယ်ဖို့ သွားတားမြစ်ကြသည်။ လျှပ်စစ်သွယ်ထားတာ လာတားရကောင်းလားဟု ဟိုဘက်ရွာတွေက တရားပြန်စွဲတာ ခံရပြန်သည်။
အစိုးရသစ်၏ သဘောကား အရင်လူတွေ ဘယ်လိုခက်အောင်လုပ်ထားစေ ကျေးရွာမီးလင်းရေးသာ ပဓာနဟူသော စေတနာတည်း။
ထိုစေတနာကြောင့် “ကျေးလက်မီးလင်းရေးမူဝါဒများတွင် ကျေးလက်ဒေသများရှိ ဓာတ်အားဖြန့်ဖြူးရေးစနစ်များ အားလုံးသည် နိူင်ငံတော်ဓာတ်အားဖြန့်ဖြူးရေးနှင့် ပက်သက်၍ စီမံခန့်ခွဲပိုင်ခွင့်ရှိသည့် သက်ဆိုင်ရာဌာန အဖွဲ့အစည်း၏ စီမံခန့်ခွဲမှုအောက်တွင်သာရှိစေရန်” ဟုဆိုကာ
“ကျေးရွာမီးလင်းရေးကော်မတီ၊ ပုဂ္ဂလိကများက တည်ဆောက်ပြီးသော ၃၃ကေဗွီ၊ ၁၁ကေဗွီဓာတ်အားလိုင်းများကို ဓာတ်အားပို့လွှတ်သည့်အချိန်တွင် လျှပ်စစ်နှင့်စွမ်းအင်ဝန်ကြီးဌာနသို့ ပြန်လည် လွှဲပြောင်းပေးရမည်ဖြစ်ပြီး”
“ ယင်းဓာတ်အားလိုင်းမှ ထပ်ဆင့်ဓာတ်အားချိတ်ဆက်ရယူခြင်းကို လျှပ်စစ်နှင့်စွမ်းအင်ဝန်ကြီးဌာနက နည်းပညာအရ စိစစ်၍ ခွင့်ပြုပေးနိူင်ကြောင်း” ဟု အမိန့်ညွှန်ကြားချက် မူအသစ်ပြန်လည် ချမှတ်လိုက်လေသည်။
“၂၀၁၄ ပြည်ထောင်စုလျှပ်စစ်ဥပဒေ ပုဒ်မ ၅၂” ကို ပြင်ဆင်ပယ်ဖျက်လိုက်သည့် ထို အမိန့်ညွှန်ကြားလွှာကြောင့် ယခင်အစက ငွေကြေးထည့်ဝင်ခြင်း မပြုခဲ့၊ မပြုနိုင်သည့် ရွာတွေ အစိုးရတန်ခိုးဖြင့် မီးထိန်ထိန်လင်းကြလေသတည်း။
ယခင် ငွေးကြေးထည့်ဝင်ထားကြသည့် ကိုယ်ထူကိုယ်ထသမား ရွာသားတွေကလည်း “ငွေမထည့်တဲ့လူတွေတောင် မီးရနေမှ ငါတို့ငွေတွေ ပြန်ထုတ်ပေး” ဟုဆိုကာ မီးလင်းရေးကော်မတီထံ အရေးဆိုပြန်တောင်းလေ၏။ သို့သော် မီးလင်းရေး ကော်မတီမှာ ထုတ်ပေးစရာ ငွေဟူ၍ ခြူးတစ်ပြား မရှိပါ။ ပေးစရာ အကြွေးတွေသာ ပတ်လည်ဝိုင်း၍နေလေည်။
ထိုသောအခါ…
၂၀၁၈ ခုနှစ်မှာ မသစ်တသစ်ဖြစ်လာပြီဖြစ်သော အစိုးရလက်ထက်တွင် ဝန်ကြီးချုပ်က လျှပ်စစ်နှင့်ပတ်သက်ပြီး မိန့်ခွန်းတစ်ခုမှာ ဤသို့ထည့်ပြော၏။
“ကျွန်တော်တို့ အစိုးရရဲ့ နှစ်နှစ်တာကာလအတွင်းမှာ ကျေးရွာပေါင်း မြောက်မြားစွာကို မီးလင်းအောင် ဆောင်ရွက်ပေးနိုင်ခဲ့ပြီ ဖြစ်ပါတယ်” တဲ့။
အခု မအေးတို့ ထနောင်းဖူးရွာကြီး လျှပ်စစ်မီးလင်းလာပြီ။ ရွာနီးချုပ်စပ်တွေလည်း လျှပ်စစ်မီးတွေ ဝင်းလို့။ မအေးက ဒါကို ကောင်းသည်၊ ဆိုး၏ မဝေဖန်အားပါ။ မနက်ဖြန် အကြွေးမဆပ်နိုင်၍၊ သူများရွာမီးသွယ်တာ တားမိ၍ ပုဒ်မပေါင်းများစွာဖြင့် တရားစွဲခံထားရသော မအေးရဲ့လင်၊ ထနောင်းဖူးရွာအုပ်စုရဲ့ မီးလင်းရေးကော်မတီခေါင်းဆောင် ကိုစိုးညွန့်ကြီးတို့အုပ်စု မြို့နယ်တရားရုံးမှာ “ရုံးချိန်း” ရှိတယ်ကိုး။
အောင်မျိုးသူလွင်
၀၈၊၀၇၊၂၀၁၈
တနင်္ဂနွေ
နံနက် ၀၉း၁၂
No comments:
Post a Comment