လျှပ်စစ်နှင့် ဘောလုံးမှသည်…

အင်္ဂလန်ဘောလုံးဒိုင်လူကြီးတွေကို အခု ၂၀၁၈ ကမ္ဘာ့ဖလားမှာ ပါဝင်ကိုင်တွယ်ခွင့် ပြုတော့မှာ မဟုတ်ဘူးလို့ ကမ္ဘာ့ဘောလုံးအဖွဲ့ချုပ်က ကြေငြာလိုက်ပါတယ်။ ဒါဆိုရင် ကျွန်တော်တို့ မျက်နှာသိတွေဖြစ်တဲ့ မိုက်ကယ်အိုလီဗာတို့၊ မာတင် အက်ကင်ဆန်တို့၊ အန်သိုနီ တောလာတို့ကို ရုရှမှာ မမြင်ရတော့ဘူးပေါ့နော်။ ဒီနှစ် ကမ္ဘာ့ဖလားဟာ ရုရှနိုင်ငံမှာ ကျင်းပမှာလေ။

***

အခုရက်ပိုင်း မိုးလေးတအေးအေးဆိုတော့ မိတ်ဆွေများရော အခုစာရေးသူကျွန်တော်ပါ အားလုံးလက်ငင်းခံစားကြရတာက လျှပ်စစ်မီး ခဏခဏ ပျက်တဲ့ ပြဿနာပါ။ ဒီလျှပ်စစ်မီး ပြဿနာဟာ အခုမှ ဖြစ်တာတော့ မဟုတ်ပါဘူး။ တော်တော်ကြာကြာ ကာလတွေကတည်းက ဖြစ်ခဲ့တဲ့ ပြဿနာပေါ့။ ယခင် ဦးသိန်းစိန်အစိုးရလက်ထက် မန္တလေးမှာ မီးတွေပျက်လို့ ဖယောင်းတိုင်ထွန်း ဆန္ဒပြကြတော့ လျှပ်စစ်ပိုင်းက တာဝန်ရှိသူတစ်ယောက် ပြောခဲ့တဲ့စကားက “မီးလာဖို့ မိုးနတ်မင်းကြီးထံမှာသာ ဆုတောင်းပါ” ဆိုလား။ ဒါနဲ့ အဲဒီကာလ ကာတွန်းတွေကရော၊ လူမှုကွန်ယက်တွေမှာပါ ဒီစကားအတွက် လှောင်ပြောင်တာတွေ၊ မကျေမချမ်းပြောသံတွေ ညံသွားခဲ့ဖူးတာ အခုမှတ်မိပါတယ်။

ထိုစဉ်အချိန်ဟာ ရွေးကောက်ပွဲအကြိုကာလတွေလည်း ဖြစ်တော့ ဒီအတွက် မဆီမဆိုင် နိုင်ငံရေးအမြတ်ထုတ်တဲ့ အတိုက်အခံနိုင်ငံရေးသမားတွေလည်း ရှိခဲ့တာပေါ့။ တကယ်တော့ မြန်မာ့လျှပ်စစ်မီးဟာ မြန်မာ့နိုင်ငံရေးအသုံးချခံ ထိုးလုံးတစ်ခုအဖြစ် ရှိနေခဲ့တာ ကြာပါပြီ။ “ဒီမိုကရေစီရရင် မီးက အလိုလိုရလာမှာပါ” တို့၊ နိုင်ငံရေးဟောပြောဖို့လုပ်နေတုန်း မီးပျက်သွားချိန် “လျှပ်စစ်မီးမှန်အောင်လုပ်ရမယ်” ဆိုပြီး လူထုကိုစာရေးပြကာ နိုင်ငံရေးလက်ခုပ်သံ ချူတာတို့ဟာ ကျန်ခဲ့တဲ့ အတိတ်ထဲက လျှပ်စစ်မီးနဲ့ ပတ်သက်လို့ သတိရစရာတွေပါ။ ဘာလို့ သတိရစရာ ဖြစ်လဲဆို အဲဒီလို ပြောခဲ့သူတွေ အခု အစိုးရဖြစ်ချိန် ပစ္စက္ခကာလမှာကို လျှပ်စစ်မီးက “မိုးညိုပျက်” ဖြစ်နေသေးတာကိုး။ ဒါက လျှပ်စစ်မီး ကဏ္ဍ။ စာရေးသူက ကောင်းသည်ဆိုးသည် မပြောလိုပါ။

တစ်နေ့က မိတ်ဆွေဆောက်လုပ်ရေးသမားတစ်ယောက် ပြောတာ သတိထားမိသည်။

“အခု အစိုးရပိုင်းက လူတွေဟာ စီးပွားရေးသမားဆို ခရိုနီဆိုပြီး အပြစ်မြင်တတ်တဲ့ အငုံ့စိတ်ခံ ရှိကြတယ်ဗျ၊ ကျွန်တော်တို့ ဒီအလုပ်ကို လုပ်တာ ကြာလှနေပြီ။ တင်ဒါခေတ်ဦးကာလကတည်းက လုပ်ခဲ့တာ။ ကျွန်တော်တို့ နိုင်ငံရဲ့ ဆောက်လုပ်ရေး တင်ဒါ ကဏ္ဍက ဘာမှ စနစ်တကျရှိသေးတာ မဟုတ်ဘူး။ တက်လာတဲ့ လူကြီးရဲ့ အာဘော်နဲ့ လုပ်ရတာပဲ”

“ကျွန်တော်တို့ကို ခိုးတယ် ခိုးတယ်ပြောကြတယ်။ ကျွန်တော်တို့ဟာ ပရဟိတလာလုပ်တာမှ မဟုတ်တာပဲဗျာ၊ စီးပွားရေးပဲ ကိုယ်တွက် အမြတ်ကျန်အောင် လုပ်ရတာပေါ့”

ထို့နောက်တော့ သူက ဆောက်လုပ်ရေးတင်ဒါ ကဏ္ဍ၏ စနစ်မကျသေးသည့် အကောက်အခွန်ပုံစံတွေ၊ ကြိုတင်ငွေပေးသွင်းရသည့် ပုံစံတွေနှင့် အလုပ်တစ်ခုရဖို့ ဘယ်သို့ဘယ်ပုံ လိုက်ကြရပုံတွေ ကုန်ကျစရိတ်တွေအကြောင်း လုပ်ငန်းနှင့် ဆက်ဆိုင်ရာ အဖြာဖြာကို ဆောက်လုပ်ရေးသမားရှုထောင့်မှ ရှင်းပြပါသည်။ သူပြောတော့လည်း ဟုတ်သလိုလိုပင်။ ဟုတ်သလိုလိုဆိုရတာက အခုစာရေးသူဟာ ဆောက်လုပ်ရေးပိုင်း နားလည်သူ မဟုတ်၍ အနေကံသဘောဆိုရခြင်းသာ။

ဒီတော့လည်း မြန်မာပြည်ရဲ့ အစိုးရဆိုင်ရာ ဆောက်လုပ်ရေးကဏ္ဍတွေဟာ ဖရိုဖရဲပေါ့။ အရည်အသွေးကလည်း ရွက်ကြမ်းရည်ကြိုပေါ့။ ယခုစာရေးသူက ကောင်းသည်ဆိုးသည် မပြောလိုပါ။

သူတို့တွေ ဒီလိုပြော၊ ဒီလိုတွေ ညည်းကြတော့ လွှတ်တော်ထဲမှာရော အမတ်တွေဟာ ဘယ်လိုနေကြပါမလဲလို့ တွေးရင်း သူငယ်ချင်း အမတ်တစ်ယောက်ကို သတိရလာမိပြန်ပါတယ်။ သူက အရင် ပြည်သူ့ကျန်းမာရေးမှာ လုပ်နေတဲ့ ဆရာဝန်ပေါက်စ။ စေတနာလေးကောင်းတယ်။ လူငယ်ပီပီ အမှန်တရားအတွက် တိုက်လိုခိုက်လိုစိတ်ရှိတယ်။ ကျောင်းကျန်းမာရေး စစ်ဆေးရေးတွေဘာတွေ သူသွားတော့ ကျောင်းဈေးတန်းက တရုတ်မုန့်တွေနဲ့ ပတ်သက်ပြီး သူ့ထံက ဆူညံဆူညံအသံတွေ စကြားလာရတယ်။ နောက်တော့ နိုင်ငံရေးမျိုးရိုးအခံလေးလည်း ရှိတော့ ဒါကို အကြောင်းပြုလို့ အစိုးရကို ပြစ်တင်မောင်းမဲရင်း ရွေးကောက်ပွဲကာလမှာ အလုပ်ကထွက်၊ နိုင်ငံရေးဘက်ခုန်ကူးရင်း လွှတ်တော်ထဲရောက်သွားတော့တာပေါ့။ အခုထိတော့ ကျွန်တော့်သူငယ်ချင်း တရုတ်မုန့်အမတ်လေးထံက ဘာအဆိုတွေတင်သွင်းပြီးလို့၊ သူ့ရဲ့ဘယ်စွမ်းဆောင်ချက်နဲ့ ကျောင်းက ကလေးတွေ ကျန်းမာရေးအတွက် အကျိုးပြုပြီးပြီ မကြားမိသလို၊ ကျောင်းဈေးတန်းတွေမှာလည်း သူအရင်က မကြိုက်ခဲ့တဲ့ တရုတ်မုန့်တွေကို ဖောချင်းသောချင်း ရောင်းချနေကြဆဲပါပဲ။ ဒီမှာ ကျွန်တော်က ကရုဏာဒေါသောနဲ့တွေးမိတာ ကျန်းမာရေးဌာနအတွက် ဆရာဝန်ကောင်းတစ်ယောက် နစ်နာသွားသလို၊ လွှတ်တော်ထဲမှာ အမတ်ကောင်းတစ်နေရာစာ နစ်နာသွားတယ်လို့။

သို့သော် ဒီနိုင်ငံရေး ဖြစ်စဉ်ကြီးနဲ့ ခေတ်အဆက်ဆက် နားရည်ဝအောင် အသွင်းခံထားရတဲ့ မဟုတ်တမ်းတရား နိုင်ငံရေး သဘောတရားကြီးကို ကျွန်တော်က ဘာပြောပိုင်ပါမည်နည်း။ သူတို့မှာလည်း သူတို့အကြောင်းပြချက်နဲ့ သူတို့ ရှိပေမပေါ့။

တစ်နေ့က မီးခဏခဏပျက်သော လျှပ်စစ်ဌာနမှာ ဖြေရှင်းသံသဲ့သဲ့ကြားရသည်။

“မီးကိုလုံးဝမဖြတ်ချင်ပါ ၊ Generation ကျ frequency ကျ လာလို့ system stability ပျက်ပြီး တစ်ပြည်လုံးမှောင်ကျမသွားအောင် ဖြတ်ခိုင်းရတာပါ “ တဲ့။

“တချို့ လူတွေက The nature of power grid ကို သဘောမပေါက်တော့ မီးပြတ်ရင် LDC (Load Dispatching Center)ကိုပဲ အပြစ်တင်တာတွေ အကြိမ်များစွာ ကြုံခဲ့ရပါတယ် ၊ တကယ်မလွယ်တဲ့အလုပ်ဆိုတာ ကိုယ်တိုင်လုပ်ကြည့် မှ သိနိုင်ပါတယ်” တဲ့။

“NCC ( National Control Center ) က ဝန်ထမ်းတွေမှာ  မြို့တော်ကြီးတွေမှာ နေရတယ်ဆိုပေမဲ့ ရုံးနဲ့အိမ် အိမ်နဲ့ ရုံး ကလွဲလို့ ဘယ်မှ မသွားနိုင်ပါ ၊သင်္ကြန်တောင် သူများတွေလိုလွတ်လွတ်လပ်လပ် မပျော်နိုင်ကြပါ ၊ တခါတလေ Break down recovery ပြန်မဖြစ်တာကြောင့် ရုံးမှာအိပ်လိုက်ရတာတွေလဲ ရှိပါတယ်” တဲ့။

စာရေးသူလည်း ဝန်ထမ်းဖြစ်ပါသည်။ သူတို့ဘက်က ဒီစကားကြားတော့ ကိုယ်ချင်းစာမိသလိုလိုပါ။ မြန်မာပြည်ဝန်ထမ်းဘဝ တယ်လည်း ခက်တာကိုး။

ဒီလိုပဲ ဆက်တွေးကြည့်တော့ တစ်မင်းတက် တစ်စနစ်ပြောင်း၊ တစ်လူကြီးအာဘော်၊ ဟိုကွေ့ဟိုတက်နဲ့ လှော်၊ ဒီကွေ့ဒီတက်နဲ့ခတ် နေရရှာသော ဆောက်လုပ်ရေးတင်ဒါသမားတွေကိုလည်း ကိုယ်ချင်းစာမိသည်။ သူတို့ဟာ ဒီလိုခေတ် ဒီလိုစနစ်ကြီးထဲမှာ ရှဉ့်လည်းလျှောက်သာ ပျားလည်းစွဲသာဖြစ်အောင် အဆောက်အဦးကို အရည်အသွေးလေး နှိမ့်မိပေမပေါ့။ ကျွန်တော် ရွဲ့ပြောခြင်း မဟုတ်ပါ။ အမှန်ပင် ကိုယ်ချင်းစာပါသည်။ တကယ့်မြေပြင်အခြေအနေဆိုတာ အလုပ်လုပ်ဖူးသူချင်းမှ နားလည်တာမျိုး။

ဒီလိုဆို လွှတ်တော်ထဲက ကိုယ့်သူငယ်ချင်း တရုတ်မုန့်အမတ်နှင့်အတူ သူတို့တူရာတူရာ တစ်သိုက်ကိုရော။ ကိုယ်ချင်းစာပါသည်ခင်ဗျာ။ သူတို့တွေမှာ အခုမှ လုပ်သက်နုနုဖြစ်တဲ့အပြင်၊ တကယ့်မိုးကျရွှေကိုယ်အစစ်တွေမို့ အရင်ဒါမျိုးမှ မလုပ်ဖူးတော့ စစချင်းအစိုးရတစ်သက် လုပ်ရခက်ချင်ခက်နေမှာပေါ့။ ပြီးတော့ ကျွန်တော်မမြင်မသိနိုင်တဲ့ အခြားအခက်အခဲတွေလည်း ရှိချင်ရှိနေဦးမှာပေါ့။ ဒါကြောင့် မှန်းဆပြီး ကိုယ်ချင်းစာပါသည်။

ကဲဒီလိုဖြင့် အခြားကဏ္ဍများကိုလည်း ချဲ့တွေးကြပါဦးစို့။

ဥပမာ ကျန်းမာရေးကဏ္ဍ။ ကျွန်တော်တို့ ဘယ်အခြေရှိပါသနည်း။ နောက် ပညာရေး၊ ပြည်ထဲရေး စသည်၊ စသည်။ အားလုံးကို ကိုယ်ချင်းစာပါသည်ခင်ဗျာ။

***

ဘောလုံးဝါသနာအိုးများအားလုံးက ဒီဘက်နှစ် အင်္ဂလိပ်ဒိုင်လူကြီးများ၏ အငြင်းပွားဆွယ် ဆုံးဖြတ်ချက်အမှားများအကြောင်း သိကြပါသည်။ သို့သော် ဘောလုံးဆိုတာ တစ်ဖက် ၁၁ ယောက်နှင့် ၂၂ ယောက်ကစကားသည့် ပွဲ။ ပြီးတော့ ကမ္ဘာ့အဆင့်ပွဲတွေမှာ အင်မတန်မာယာများသော ကစားသမားတွေရဲ့ လှည့်ကွက်တွေကို မိအောင် မြင်အောင် ကြည့်ဖို့ဆိုတာ မလွယ်။ ဒီတော့လည်း ဒိုင်လူကြီးတွေဟာ မှားတဲ့အခါ မှားပေမပေါ့။ ဒိုင်လူကြီးတွေနေရာက ဝင်ကြည့်ပြီး ကိုယ်ချင်းစာလိုက စာနိုင်ပါသည်။ အကယ်၍ ဘောလုံးပွဲတစ်ပွဲမှာ ဒိုင်လူကြီးသာ မပါလျှင် ဘာဖြစ်သွားပါမည်နည်း။ ပြီးတော့ ဒိုင်လူကြီးတွေရဲ့ တစ်ပွဲလုံးစာ ဆုံးဖြတ်ချက်တွေမှာ အမှားနှင့်အမှန် အမှန်ကသာ များကြောင်း အားလုံးသိမည်ပင်။

သို့သော် ကမ္ဘာ့ဘောလုံးအဖွဲ့ချုပ်ကြီးကတော့ ဘောလုံးလောက တိုးတက်ဖို့ ဒီလိုမမြင်ပါဘူးတဲ့။ ဒိုင်လူကြီးတွေ စည်းကမ်းအမှန်တွေအတိုင်း ဆုံးဖြတ်ပေးတာ တာဝန်ပါတဲ့။ တကယ်လို့ တစ်ခုခုမှားပြီး ဆုံးဖြတ်တယ်ဆိုရင်တော့ အဲဒါ တာဝန်လစ်ဟင်းတာပါပဲတဲ့။ ဒါကြောင့် အမှားများတဲ့ အင်္ဂလန်ဒိုင်တွေကို ဒီနှစ့်ကမ္ဘာ့ဖလားမှာ တာဝန်မပေးတော့ဘူးတဲ့။ ဘာလို့ဆို ဘောလုံးလောကကြီး တိုးတက်ဖို့ပါတဲ့။

ဪ… သူတို့လောကမှာ ကျေးဇူးခံကျေးဇူးစားဆိုတဲ့သဘောတွေထက် တာဝန်နဲ့လုပ်ဆောင်နိုင်မှုသဘောတွေက ကဲပေသကိုး။

အောင်မျိုးသူလွင်

၃၀၊၀၅၊၂၀၁၈

ဗုဒ္ဓဟူး

၀၄း၄၃