နယ်မြို့လေးမို့ နံနက်ကိုးနာရီခွဲ ဆယ်နာရီအထိ နှင်းတွေဝေတုန်း။ ဆေးရုံဝင်းထဲမှ ရိုးတံကျဲကျဲ စိန်ပန်းပင်အောက်က ကွပ်ပျစ်မှာ ကျွန်တော် ထိုင်နေမိသည်။ ကျွန်တော့်နောက်ဘက် အပေါ်နားကျကျမှာ ဆေးလိပ် မသောက်ရ ဆိုင်းဘုတ်တစ်ခုရှိပြီး၊ ကျွန်တော့်လက်ထဲမှာ မီးညှိလက်စ ဆေးလိပ်တစ်လိပ် ပြာတန်းလန်းနှင့် ရှိပါသည်။ ကျွန်တော်သည် ထိုဆိုင်းဘုတ် ကို အာဏာဖီဆန်ပြုပြီး ဆေးလိပ်သောက်နေသည် မဟုတ်ရမူပဲ၊ လွတ်လပ်စွာ ဆေးလိပ်သောက်နေကြသော အခြားလူများနှင့်အတူ လိုက်လျောညီထွေ နေနေ ခြင်းသာ ဖြစ်ပါသည်။
ဆေးရုံထဲမှ ရှည်မျောမျောမိန်းမတစ်ယောက် ထွက်လာသည်။ သူ့လက်ထဲမှာ ခပ်ပေါ့ပေါ့ ကြိမ်ခြင်းတစ်ခုဆွဲထားပြီး၊ သူ့နောက်မှာ တရုတ် မွေးပွစောင်အထုပ်တွေ၊ တိုလီမောက်စအထုပ်ကြီးငယ်တွေကို မနိုင့်တနိုင် ဆွဲလာနေသော အသက်ကြီးကြီးမိန်းမတစ်ယောက် ပါလာပုံအရ သူတို့ဒီနေ့ ဆေးရုံမှဆင်းခွင့်ရတာ ဖြစ်မည်။
ရှည်မျောမျော မိန်းမသည် လူနာဖြစ်ရမည်။ အသက်ကြီးကြီး မိန်းမသည် လူနာစောင့်ဖြစ်ရမည်။ ရုပ်ရည်အဆက်အရ သူတို့နှစ်ယောက်သည် သားအမိဖြစ်နိုင်သည်။ သူတို့သည် ကျွန်တော်ထိုင်ပြီး ဆေးလိပ်သောက် နေသော စိန်းပန်းပင်ဘယ်ဘက်နားက သီးပင်အောက်မှာ ထိုင်ပြီး တစ်ခုခုကို စောင့်နေကြဟန်ရှိသည်။ ဒီမြင်ကွင်းမျိုးက ကျွန်တော်တို့ဆေးရုံလေးမျိုးမှာ ခကြာခဏမြင်ရတတ်တာမျိုး။
"ဟာ… အရီးတို့ ဒီနေ့ဆင်းတော့မလို့လား"
များမကြာမီ တိုရိုတာဗီဂို ကားဖြူလေးတစ်စင်း ဆေးရုံဝင်းထဲ မောင်းဝင်လာပြီး၊ စောစောက စောင့်နေသော ရှည်မျောမျောမိန်းမ သားအမိအနီး ရပ်သွားကာ အထဲမှ လူကလှမ်းမေးလိုက်သည်။ ထို့နောက် ထိုလူ ကားပေါ်မှ ဆင်းလာသည်။
နယ်ဆေးရုံတွေမှာ တောသူတောင်သားတွေ ဆေးရုံလာတက်သည့် အခါ ဒီလိုပဲ မြို့မှ မကင်းရာမကင်းကြောင်းလူတွေ အခုလို လူနာလာမေးနေကျ။ ဒါသည်လည်း သိပ်မဆန်း။ အခုလူလည်း လူနာလာမေးတာသာ ဖြစ်ရမည်။ သို့သော် သူလူနာလာမေးသည့်နေ့သည် တိုက်တိုက်ဆိုင်ဆိုင် လူနာဆေးရုံမှ ဆင်းသည့်နေ့ဖြစ်နေသည်။ လူနာမေးဖို့ဟာ တစ်ရက်တစ်ရက်နှင့် မလာဖြစ်ဘဲ နောက်ကျသွားရင်းက အခုလိုဆေးရုံးဆင်းရက်ထိ ရောက်သွားတာ ဖြစ်နိုင်သည်။ သို့မဟုတ် လူနာသည် သူထင်သလောက် ဆေးရုံမှာ မကြာဘဲ စောဆင်းရတာလည်း ဖြစ်နိုင်သေးသည်။
ဒီဆေးရုံမှာ လုပ်သက်လေးနှစ်ကျော် ကြာပြီဖြစ်သော ကျွန်တော့် အတွေ့အကြုံအရ ထိုရှည်မျောမျောမိန်းမ၏ လူနာပုံပန်းကိုကြည့်ပြီး ဘာရောဂါ ဖြစ်လို့ လာတက်သည်ကို ခန့်မှန်းနိုင်ပါသည်။ ဆရာဝန်တွေအခေါ် အဘောရှင်း။ အရပ်သားနားလည်အောင် ပြောရလျှင် ကိုယ်ဝန်ပျက်လို့ ရောက်လာတာ။ ဒီနယ်တကြောမှာက အရပ်လက်သည်မနိုင်သော ဒီလိုကိစ္စတွေက ဆေးရုံကို အခုလိုမကြာမကြာ၊ တစ်နေ့တစ်ခါ နှစ်ခါ ရောက်လာကြမြဲ။ တောသူတောင်သား များအတွက် ဤနည်းသည် ရိုးရာသားဆက်ခြားနည်း တစ်ခုဖြစ်သည်။
"အရီးတို့ ဘယ်ကိုပြန်မတုန်း၊ ကျွန်တော်ဆိုက်ကားငှားပေးလိုက်မယ်"
ကားပေါ်ကလူကလှမ်း ပြောသံကြားရသည်။
"ဟယ်… မလုပ်ပါနဲ့၊ ဘယ်ကသာ၊ အားနာစရာကြီး"
"မဟုတ်ဘူးအရီး၊ ဘာမှ အားနာစရာမရှိဘူး၊ အထုတ်တွေအပိုးတွေ မနိုင်မနင်းနဲ့ဟုတ်စာ"
ပြောရင်းဆိုရင်း ကားပေါ်ကလူသည် ရှေ့မှဖြတ်သွားသော ဆိုက်ကား သမားကို လက်ယပ်ခေါ်သည်။
"မလုပ်နဲ့ မောင်ထွန်းမြင့်၊ အရီးတို့သွားရမှာ နီးနီးလေးရယ်၊ စာသင်ကျောင်းရှေ့နားက ကားဂိတ်တင်၊ ဒီလောက်နဲ့ ဒီလောက်ခရီး တို့တောသူတောင်သားတွေ လမ်းလျောက်သွားလို့ရနေတာဟာ၊ အလကား ပိုက်ဆံကုန်ရအောင်"
ဆိုက်ကားသမားက ဘေးမှရပ်စောင့်နေသည်။ ကားဆရာက ထိုနှစ်ယောက်ကို ဆိုက်ကားပေါ်တက်ဖို့ ပြောသည်။ ထိုအပြောသည် "တို့က တောသူတောင်သား၊ အလကားကွယ်၊ ပိုက်ဆံကုန်ရအောင်၊ တို့လမ်းလျှောက် နိုင်ပါတယ်" ဆိုသော အငြင်းနှင့် ပယ်ချခံရသည်။
ဆိုက်ကားစီးမယ်၊ မစီးဘူး သူတို့ အကြေအလည်ငြင်းခုန်နေကြတာ အတော်ကြာပါသည်။
"တကယ်ဆို ကျွန်တော်လိုက်ပို့ချင်တာအရီး၊ ဒီနေ့ သွားစရာလေး ရှိနေလို့ အချိန်မရလို့သာ၊ တက်ပါအရီးရာ၊ ကျွန်တော်လည်း သွားရတော့မယ်"
ကားသမားက အနည်းငယ်လောဆော်လိုက်သည်။
"သွားပါ မောင်ထွန်းမြင့်ရယ်၊ အရီးတို့ဘာသာ လမ်းလျောက်သွားပါမယ်။ မင်းဆိုက်ကားဆရာလည်း ပြန်လွှတ်လိုက်၊ ဘယ်… ဒီခရီးနဲ့ ဒီခရီးကို ဆိုက်ကားစီးရမယ်လို့"
ကားဆရာသည် နာရီကိုတစ်ချက်ငုံ့ကြည့်ပြီး ထွက်သွားဟန်ပြုသည်။
"အကိုရာ စောစောစီးစီး ကျွန်တော်ဈေးဦးတောင်မပေါက်သေးဘူး၊ အခုလိုကြီးခေါ်ပြီးမှတော့ မငှားဘဲ ဈေးဦးမချိုးပါနဲ့"
ဒီဆိုက်ကားဆရာကို ကျွန်တော်သိပါသည်။ သူ့နာမည် ကိုသိန်းတင်။ သူသည် ဆေးရုံနားတစ်ဝိုက်မှာ ဂိတ်ထိုးပြီး ဆိုက်ကားနင်းစားသူဖြစ်သည်။ အခုလို သူပြောတော့ သူ့လိုဈေးဦးပေါက် အယူမရှိသော်လည်း သူ့နေရာက ခံစားပြီး ကိုယ်ချင်းစာမိသည့်ခဏ သူ့ကိုစာနာသည်။ သို့သော် ညည ကျွန်တော့် တာဝန်ချိန်များမတော့ အရေးကြီးလူနာအတွက် ဆေးဝယ်ထွက်သူ လူနာရှင်များအပေါ် ကိုသိန်းတင် ဆိုက်ကားခ ပိုတောင်းတတ်တာလည်း ကြုံဖူးမှတ်မိနေသည်။
"အို… ဒီနားနဲ့ ဒီနားကွယ် မလိုက်ပါဘူး၊ နေနေ"
အသက်ကြီးကြီး မိန်းမကတော့ ဇွတ်ငြင်းသည်။
"ဒါဆိုလည်းဗျာ၊ ခေါ်ပြီးမှ မလိုက်တော့ဘူးဆိုလည်း ကျွန်တော့်ကို အကြွေတစ်ရာလောက်တော့ ဈေးဦးပေါက်ပေးခဲ့ပါလားဗျာ၊ တကယ့်ကို ဈေးဦးပေါက်ကြီးမို့လို့ပါ"
ဆိုက်ကားဆရာက ကားပေါ်မှလူကိုကြည့်ပြီး ပြောပါသည်။ ကားသမားက ပိုက်ဆံအိတ်ကိုနှိုက်ပြီး အကြွေရှာရာ နှစ်ရာတန်တစ်ရွက် ထွက်လာသည်။ ခပ်သုတ်သုတ်ပင် ဆိုက်ကားဆရာကို ထုတ်ပေးပြီး
"အရီး၊ ဒါဆိုလည်း သွားပြီနော၊ နောက်မှတွေ့မယ်" ဆိုကာ ကားပေါ်တက် မောင်းထွက်သွားသည်။
ဆိုက်ကားဆရာလည်း သူရသော နှစ်ရာတန်လေး ပုဆိုးခါးပုံစကြားမှာလိပ်ပြီး နင်းထွက်စပြုလေသည်။ ကျွန်တော်က ကုန်သွားသော ဆေးလိပ်ကို အောက်ပစ်ချပြီး၊ နောက်တစ်လိပ်ကို မီးညှိရန် အစပြုလိုက်သည်။ အခုဆေးလိပ်ဗူးတွေမှာ ရောဂါသည်ပုံကြီး ကပ်ထားတာ နည်းနည်းတော့ စိတ်အနှောက်အယှက် ဖြစ်ပါသည်။
"ဟေ့ဟေ့… သူငယ်၊ နေဦး"
အသက်ကြီးကြီးမိန်းမက ဆိုက်ကားနင်းသူကို လှမ်းခေါ်သည်။ ဆိုက်ကားလေး ရပ်သွားပြီး ဆိုက်ကားဆရာက နောက်သို့ ဆိုက်ကားသမား လည်ပြန် ကြည့်သည်။
"ဒီကနေ ကျောင်းကြီးရှေ့ကိုဆို ဘယ်လောက်ပေးရမတုန်း"
"ခုနစ်ရာပါ အဒေါ်"
သူသည်နောက်တစ်ခါ ဈေးလန်သွားမှာလည်း ကြောက်ပုံရသည်။ အခါတိုင်းဆို ဒီခရီးမျိုးကို သူတစ်ထောင်လောက် တောင်းတတ်တာ ကျွန်တော်သိသည်။
"ဒီခရီးနဲ့ ဒီခရီး နီးနီးလေးကို ငါးရာထား"
ဆိုက်ကားဆရာ တစ်ချက်တွေသွားပြီး လက်ခံလိုက်တာတွေ့ရသည်။
"အင်းဗျာ၊ တက်တက်အဒေါ်"
သူသည် အောက်ကိုဆင်းပြီး စောစောက ရှည်မျောမျောမိန်းမထံမှပါ ခြင်းတွေ ပလုံးတွေ စောင်တွေပါ ဆိုက်ကားပေါ်မတင်နေတာ တွေ့ရသည်။
ထို့နောက် ဆိုက်ကားလေးသည် တရွေ့ရွေ့ ဆေးရုံဝင်းထဲမှ ဘီးလှိမ့်အထွက်၊ သူတို့လူတစ်စု ကျွန်တော့်ရှေ့နားက ဖြတ်အသွားမှာ အသက်ကြီးကြီး မိန်းမက ဆိုက်ကားဆရာကို ပြောလိုက်သံကို ကြားရသည်။
"စောစောက မောင်ထွန်းမြင့် မင်းကိုပေးသွားတာ နှစ်ရာဆိုတော့ အခုငါတို့က သုံးရာပဲ ထပ်ပေးရတော့မှာပေါ့နော"
ဆိုက်ကားဆရာ သိန်းတင်သည် အားပြုနင်းနေရင်းမှ ပါစင်ဂျာဟု သူသုံးနေကျ၊ သူ့ဆိုက်ကားပေါ်က ခရီးသည်နှစ်ခုကို ငုံ့လို့ကြည့်သည်။
"ဟုတ်တယ်လေကွယ်၊ မဟုတ်ဘူးလားလို့"
ထို့နောက် ကိုသိန်းတင်က ဆိုက်ကားကိုအားပြုနင်းလိုက်ရင်းမှ ကျွန်တော့်ကို ပြုံးပြပါသည်။ သူ့အပြုံးကို ဘာရယ်လို့ ဘာသာမပြန်တတ်သေးခင်ပင် ကျွန်တော်ကလည်း ဝတ္တရားအရ ပြန်လည် ပြုံးပြပြီး ဖြစ်နေသည်။
ကျွန်တော်သည်လည်း တောသူတောင်သားမျိုးရိုးက ဆင်းသက်လာသူမို့ အနည်းငယ်အားနာတတ်သော အခံလေး ကျန်နေသေးဟန် ရှိပါသည်။ တကယ်ဆို သူ့အပြုံးက ဘာကိုဆိုလိုမှန်း သိပြီးမှ၊ လေးလေးစားစားနှင့် အဓိပ္ပါယ်ပါပါ ပြန်ပြုံးပြသင့်သည် မဟုတ်ပါလော။
အောင်မျိုးသူလွင်
၂၃၊၁၂၊၂၀၁၆
သောကြာ
ည ၀၇း၂၅
