(၁)
“ဟဲ့… နင်က နိုးနိုးချင်း အရက်သောက်တယ်ဆိုမှတော့ ဘယ်အချိန် ဆေးက သောက်သတုန်းဟဲ့”
“နင်တို့နဲ့တော့ ငါ သေသာ သေချင်တော့တာပဲ၊ ဆေးကို အဲလိုသောက်တော့ နင် ဒုက္ခရောက်မှာပေါ့ဟဲ့၊ နင့်အိမ်ကဟာတွေကရော နင့်ကို ဘာမှ မပြောဘူးလား”
ဤသို့ အစရှိသော ဆူသံပူသံ သောသောညံကို မနက်ခင်းတိုင်း ပြုနေသူကား အောင်မြေသာစံ ဒေသန္တရကျန်းမာရေးရုံး၊ တီဘီဌာနမှ သူနာပြုဆရာမကြီး ဒေါ်ကြည်တင် ဖြစ်ပေသည်။ ဒေါ်ကြည်တင့်လေသံကား ကိုယ့်တူကိုယ့်သား ကိုယ်အမျိုးအရင်းကို ပြောနေသလို စီးစီးပိုင်ပိုင် ရှိလှသည်။ သို့သော် သူ့အပြောခံရသော တစ်ဖက်လူ၏ ပြန်ပြောသံမှာ မူကား လျှော့တိလျှော့ရဲ နိုင်လှပေသည်။
“အိမ်က ရှိတော့ဘူးလေ ဆရာမ၊ ဟိုတစ်လောက ဂေါ်နဲ့ထိုးပစ်တဲ့ အထဲ ပါသွားပြီ”
“ငါ့ ကို မဟုတ်က ဟုတ်ကတွေ လျှောက်မပြောစမ်းပါနဲ့ဟယ်၊ နင်အခုတောင် ဒီလောက်နံဟောင်နေတာ၊ မူးနေပြန်ပြီ မို့လား၊ မူးမူးနဲ့ လျှောက်ပြော မနေစမ်းနဲ့”
မပြောနဲ့ ဆိုတော့လည်း တစ်ဖက်က အရက်သမား၏ အသံကို နည်းနည်းမှ မကြားရတော့ပါ။ မကြားဆို အရက်သမားဟာ လူနာထိုင် ခွေးခြေခုံပေါ် ငုတ်တုတ်ကြီး စောင်းနေမှကိုး။ ဒီလူ့ခမျာ မနေ့ညက အရှိန်ကို ဖြေရင်း များလေသလား။ တီဘီဆေးရဲ့ ဒဏ်ကို ခံနိုင်လောက်တဲ့အထိ သူ့အားမရှိလေ သလား။ ကမ်းနားလမ်းက ကျူးတွေဖျက်တဲ့အထဲ သူ့အိမ်ပါသွားတယ်ဆိုမှ အိမ်ယာနေရာ အခက်အခဲကြောင့် ဥတု ချွတ်ယွင်းလေရော့သလား။ သတ္တဝါတစ်ခု ကံတစ်ခုမို့ ရှိစေတော့၊ ဤစာရေးသူ ဓာတ်ခွဲမှူးကိုယ်တိုင်သော်မှ ဝန်ထမ်းလိုင်းခန်းမရ၍ နေ့စဉ် အသွားအပြန် မိုင်လေးဆယ်ကျော် ဆိုင်ကယ်မောင်းပြီး ရုံးတက်နေရသူ ဖြစ်ရာ၊ ဒီလူ နေစရာမရှိတာကို ဘယ့်နှယ့်မှ မကယ်နိုင်ပါ။
(၂)
“ဟဲ့… ငါ့သားလေးရဲ့၊ မင့်နှယ့်ကွယ် အိမ်ပြန်ပါလား။ ဆရာမတို့က လွှဲစာရေးပေးလိုက်မယ်၊ ရန်ကုန်ကိုပြန်နော်။ ပြီးတော့ အမေ့ဆီ ပြန်နေ ငါ့သားရဲ့။ ဆရာမက ဆေးကုမပေးချင်လို့ မဟုတ်ဘူး။ မင်း ဒီဆေးသောက်ရင် အလုပ်က နားရမှာ။ အခန့်မသင့်လို့ ဆေးနဲ့မတည့်ရင် အိမ်ရာထဲ တစ်လ ကိုးသတင်း လှဲနေရနိုင်တယ်။ ဆေးသောက်ရမှာကလည်း တစ်ပတ်နှစ်ပတ် မဟုတ်ဘူး လ(၂၀) တောင် သားရဲ့၊ ကိုယ့်အမေ ရင်ခွင်လောက် ဘယ်ဟာမှ မကောင်းဘူး”
ထုံးစံအတိုင်း ဆရာမကြီး ဒေါ်ကြည်တင်၏ နံနက်ချိန်ခါ တေးသံသာပင် ဖြစ်ပါသည်။ နို့… ဒီတေးသံသားက ပျော့လှချေလား။ ပျော့ဆို ဒေါ်ကြည်တင် အခုပြောနေရသူ ကောင်ကလေးကား အသက် (၂၀) စွန်းစွန်းအရွယ် ဖြူဖြူဖျော့ဖျော့လေး။ သူတို့ ပြောနေကြသော စကားတို့ကို ဤမှာဘက် သုံးထပ်သားလေးသာ ခြားသောဓာတ်ခွဲခန်းထဲမှ အတိုင်းသားကြားနေရ၍ ဓာတ်ခွဲမှူးက နားလည်လိုက်သည်မှာ ဒီကောင်လေးဟာ သူ့ပါတနာခေါ် အမျိုးသားအဖော်နဲ့ နေတာ။ သူဟာ သူ့ချစ်သူ အဲဒီ ကောင်လေးအတွက် သူ့ဆွေသူ့မျိုး သူ့မိဘတွေကိုတောင် စွန့်ပြီး ထွက်လာခဲ့တာတဲ့။ သူတို့နှစ်ယောက်ဟာ အခု မန္တလေး၊ အောင်မြေသာစံမြို့နယ်ထဲက ရပ်ကွက်တစ်ခုမှာ အိမ်ငှားနေကြတာတဲ့။ အခု ကောင်လေးက ဆေးကုမ္ပဏီကြီးတစ်ခုမှာ အရောင်းမြှင့်တင်ရေး လုပ်တယ်။ နောက် သူ့လက်တွဲဖော် ကောင်လေးကတော့ တက္ကသိုလ်တစ်ခုမှာ စာသင်တယ်ဆိုလားပဲ။ ဒါသည် ဒီဘက်ခန်းက ဓာတ်ခွဲမှူး သိကြား နာလည်လိုက်သမျှ သူ့တို့အကြောင်း။
“အိမ်ပြန်ပါ သားလေးရယ်” ဆိုတဲ့ ဒေါ်ကြည်တင်၏ ချော့မော့ပြောဆိုသံနှင့်
“ရတယ် ဆရာမ၊ ကျွန်တော် ဒီမှာပဲ နေပြီး ဆေးကုမယ်၊ ကျွန်တော် အမေ့အိမ်မပြန်ချင်ဘူး၊ ကျွန်တော့်ချစ်သူနဲ့ပဲ ဒီမှာနေမယ်။ ကျွန်တော်တို့နှစ်ယောက် ဆိုးအတူကောင်းအဖက် နေကြမယ်လို့ သန္နိဋ္ဌာန်ချထားပြီးသား၊ ကျွန်တော်တို့မှာ ရှေ့ဆက်ရမယ့် ရည်မှန်းချက်တွေ ရှိသေးတယ်” ဟူသည့် ကောင်ကလေး၏ ငြင်းဆိုတောင်းပန်သံတို့ကား သူတို့ရဲ့ တစ်နာရီကျော်ကြာ ဆွေးနွေးသံတွေထဲမှာ တဝဲလည်လည် ထပ်နေကြသည်။ ဒေါ်ကြည်တင်ကား အကြမ်းရော အနုပါရသည့် စွယ်စုံတီဘီမင်းသမီးကြီးပါတည်း။ သို့သော် စွယ်စုံကြီးမှာလည်း သူ့အပူနှင့်သူ။
သူကြမ်းရသည်မှာ သူ့လူနာတွေ ခြောက်လဆေး မှန်မှန်သောက်ဖို့။
သူနုရသည်ကား လ (၂၀) ကုရမည့် သူ့လူနာလေး ဆေးပတ်အပြည့် သက်သက်သာသာ ကုသမှုခံနိုင်ဖို့။
အောင်မြေသာစံမြို့နယ်ဆိုသည်မှာကား မန္တလေးမြို့ကြီးကို ၂၆ ဘီလမ်းမှ ထက်ခြမ်းခြမ်းချလိုက်သောအခါ မြောက်ဘက်တလွှား အကုန်ပါသည်မို့ - ကဲ မန္တလေးအကြောင်းသိသူများက ဆက်စဉ်းစားကြည့်ကြစမ်းပါ ခင်ဗျာ၊ အင်မတန် နာမည်ကြီးသည့် ကျွဲစွန်းတို့ ညောင်ကွဲတို့၊ အိုးဘိုထောင်ကြီးရှိသည့် အိုးဘိုးဘက်အခြမ်းတို့၊ နတ်စင်လေးများ စီချထားသလို လူနေအိမ်လေးတွေ ပြွတ်သိပ်ကျပ်ညပ်နေသည့် မတ္တရာ-မန္တလေး မီးရထားလမ်းဘေး ရပ်ကွက်တွေရယ်၊ ဘီယာချက်စက်ရုံအပိုင်းက ပျံကျရပ်ကွက်လေးများရယ်ကြောင့် ပီဘိကျက်သရေ မင်္ဂလာရှိလှပါပေသည်။
တရံရောအခါ တီဘီဆေးသောက် လူနာတစ်ယောက် ချက်ချင်းမတ်တပ် ပျောက်သွားသော ဟူ၏။ ပျောက်တော့လည်း ဆေးဆက်မသောက်၊ လူမတွေ့ပေါ့လေ။ အဲဒီလို စာရင်းထဲ ထည့်လိုက်ရတယ်။ သို့သော် နောက် လအနည်းငယ်အကြာ ထိုလူပြန်ပေါ်လာပြန်ရော ဟူ၏။ ဒေါ်ကြည်တင် နည်းနည်းတော့ တင်းသွားလေပြီ။
“ဟဲ့… နင်က ဘယ်သွားနေလို့ ဆေးကို ဆက်မသောက်ရတာတုန်း၊ သွားမယ်ဆိုလည်း ပြောသွားပေါ့။ နင်ရောက်တဲ့အရပ်နဲ့ အနီးဆုံး ဌာနမှာဆေးထုတ်လို့ရအောင် လုပ်ပေးမှာပေါ့။ အခုကျ နင်က ငါတို့ကို မခန့်လေးစားနဲ့။ အဲ… အေးအေး ကျုပ်တို့ကို မခန့်လို တော့မှာ ဘာမှ မဖြစ်ဘူးတော်၊ တီဘီဆေးကို မခန့်လေးစား လုပ်ရင်တော့ တော့ အဲဒါ ဆေးယဉ်သွားလိမ့်မယ်။ အဲဒီကျမှ အကုန် ဒုက္ခများကုန်မှာ”
“ကျွန်တော် ထောင်ကျသွားတာ ဆရာမ”
ဒေါ်ကြည်တင် စိတ်ဆိုးနေရာမှ သက်ပြင်းချလိုက်ရသည်။
“နင်က ဘာလုပ်လို့ ထောင်ကျသတုန်း”
“ဆိုင်ကယ်ရိုက်လုလို့”
“ဟဲ့… နင်ဟယ် သူများကို အဲဒီလို ဘာလို့လုပ်ရတာလဲ၊ နင်လည်း မကောင်းပါဘူး၊ သူများလည်း အနာတရ ဖြစ်အောင်”
ဒါသည် ဒေါ်ကြည်တင့်စတိုင်ဖြစ်သည်။ ဘယ်အချိန်ဖြစ်ဖြစ်၊ ဘယ်သူ့ကို ဖြစ်ဖြစ် သူ့စိတ်နှလုံးဖြူဖြူကြီးနှင့် ချင့်နှိုင်းပြီး တွေးခေါ်ဆုံးမတတ်သည်။
“မိန်းမက ပိုက်ဆံလိုတယ်ဆိုလို့ ဆရာမ”
“ဟဲ့… အဲဒီတော့ နင်အဲလို ဆိုင်ကယ်ရိုက်လုလိုက်တော့ အဆင်ပြေသွားရောလား၊ နို့ နေပါဦး နင်အဲဒီ ဆိုင်ကယ် ပြန်ရောင်းတော့ ပိုက်ဆံက ဘယ်လောက်ရသတုန်းဟဲ့ ကောင်လေး”
“ခြောက်သောင်းရတယ် ဆရာမ”
“အဲဒါ နင့်မိန်းမကို ပေးလိုက်ရောလား”
“ပေးတာပေါ့”
“ပြီးတော့ နင်ထောင်ကျရောပေါ့”
“အထဲမှာ ခဏပဲနေခဲ့ရတာ ဆရာမ”
“အေးပါ အေးပါ အခု လွတ်လာပြီဆိုတော့ သလိပ်ပြန်စစ်နော်။ ဆေးမှန်မှန်သောက်၊ အခု ဘယ်မှာနေသလဲ။ မိန်းမအိမ်မှာပဲလား၊ အပိုင်ဆရာမ (ရပ်ကွက်အလိုက် တာဝန်ယူရသော သူနာပြုဆရာမ) ကို ပြောထားပေးမယ်၊ ဆေးသေချာသောက်၊ ကြားလား”
“မိန်းမက ကျွန်တော် အထဲရောက်နေတုန်း နောက်လင်ယူသွားပြီ၊ အခု နေစရာမရှိသေးဘူးဆရာမ၊ ဆေးပတ်ပြည့်တော့ ကျွန်တော်ပဲ လာလာထုတ်မယ် ဆရာမ”
ဒေါ်ကြည်တင် ခေါင်းကုတ်သွားရသည်။ အဘယ့်ကြောင့်နည်း။ ဒီလူဟာ အိမ်ခြေယာခြေမှ မရှိတာ၊ ဒီဆေးကို မှန်မှန်လာထုတ်ပါမယ် မပြောနိုင်။ အခု စိတ်ပါလို့ လာထုတ်သည်။ တော်ကြာနေ သူစိတ်မပါတော့လို့ သို့မဟုတ် အကြောင်းတစ်ခုခု ရှိလို့ လာမထုတ်တော့ဘူးဆို ဘယ့်နှယ့်လုပ်ရမှာပါလိမ့်။ နို့… ဒီလို ဆေးကို စွတ်ကယ်စွတ်ကယ် သောက်နေမှဖြင့် တီဘီပိုးက ဆေးကိုယဉ်သွားရင် မခက်ပါလား။ ဒါကြောင့်ပြောပါတယ်။ စွယ်စုံတီဘီမင်းသမီးကြီးမှာလည်း နေ့စဉ် အပူတွေနဲ့ပါဆို။
(၃)
အောင်မြေသာစံ ဓာတ်ခွဲမှူးအောင်မျိုးကတော့ ဒီနံနက်ချိန်ခါ တေးသံသာတို့၊ နေ့လယ်နေ့ခင်း ဆူကြမယ် အော်ကြမယ်တို့ဆိုတဲ့ အစီအစဉ်တွေကို ရိုးဟိုးဟိုး နေပါပြီ။ တစ်ခါတလေများ သူ့လူနာတွေက ဆေးမှန်မှန်မထုတ်တာတို့၊ သလိပ်မှန်မှန်လာမစစ်တာတို့ ပြောမရဆိုမရ လက်ပေါက်ကတ်တာတို့ကြုံရရင် သက်သက် ကုလားမနိုင် ရခိုင်မဲပြီး
“ဟဲ့… အောင်မျိုးသူလွင်ရဲ့ နင့်ဓာတ်ခွဲခန်း အဖြေတွေက နောက်ကျလှချည်လား၊ ဒီမှာ လူနာတွေက တန်းစီနေပြီဟဲ့” ဆိုတာမျိုး ဒီဘက်က လူကို လာလာမဲသေးတာရယ်။
သို့သော် ကိုယ့်အစ်မကြီးရဲ့ စေတနာကိုနားလည်တဲ့ ဓာတ်ခွဲမှူးလေးကတော့ ပီယဝါစာ ချစ်ဖွယ်သော စကားနဲ့ပဲ အမြဲတမ်းတုန့်ပြန်တတ်တာပါ။
“အစ်မကြီး၊ ကျုပ်ကလူဗျ၊ ကုလားဘုရားမဟုတ်ဘူး။ လက်က နှစ်ဖက်ပဲ ပါတယ်”
ဒီတော့ကျလည်း အစ်မကြီးဒေါ်ကြည်တင်ဟာ ချစ်စရာတော့ကောင်းသား။
“အေးပါ ခွေးကောင်လေးရယ်၊ ငါသိပါတယ်” ဆိုပြီး သူ့လူနာတွေကို သူဆက်ဟောပြောနေပါရော။
အစ်မကြီး ဒေါ်ကြည်တင် ဘယ်လောက်ဟောဟော အရေးမစိုက်သူတစ်ဦးကတော့ ရှိပါသည်။
သူကား အိုးဘိုကဆရာဝန်ကလေး ဒေါက်တာအောင်ကိုကို။
ဆရာဝန်မို့ သူနာပြုကြီးစကား နာမထောင်လိုဟု အယူမမှားကြပါနှင့်။ တကယ်သော် ဆရာဝန်ကလေး ဒေါက်တာအောင်ကိုကိုမှာ ဆေးယဉ်ပါးတီဘီလူနာဖြစ်ပြီး၊ ထိုးဆေးများနှင့် ကုသမှု ခံယူထားရရာ ထိုလူနာမျိုးတို့၏ ဖြစ်နေကျအတိုင်း အကြားအာရုံထိခိုက်ကာ နားကောင်းကောင်း မကြားတော့ပါ။ အမှန်အတိုင်း ပြောရသော် နားကြားကိရိယာကို ဖြုတ်ထားလျှင် သူဘာမှ မကြားရတတ်ပေ။
အို… ဆရာဝန်လည်း ဆိုသေးရဲ့၊ တီဘီဖြစ်သလား။
ဒေါက်တာအောင်ကိုကိုမှာ ဆေးကျောင်းပြီးလို့ သူ့ကိုယ်ပိုင် ဆေးခန်းလေးဖွင့်ထားရင်း သူကုသသော လူနာတစ်ဦးဦးထံမှ တီဘီရောဂါ အကူးခံလိုက်ရခြင်း ဖြစ်ပေသည်။ တီဘီဆိုတာ အသက်ရှုလမ်းကြောင်းကတစ်ဆင့် ကူးတဲ့ရောဂါ မဟုတ်လား။ ဒေါက်တာအောင်ကိုကိုတို့လို ဆေးခန်းသေးသေးလေးထဲ လူနာပေါင်းစုံနှင့် ဆက်ဆံရသော ဆရာဝန်လေးမျိုးအဖို့ သူလည်းလေ လူသားအစစ်ကြီးမို့ ဘယ်မှာ မကူးဘဲ ရှိနိုင်ပါမလဲ။ ကူးတာပေါ့။
ဒါကတော့ ဟုတ်ပါပြီရဲ့၊ ဘာကြောင့် ဆေးယဉ်ပါးတီဘီအဆင့်ထိ ရောက်ရသလဲလို့လည်း မေးချင်ကြမယ်ထင်ရဲ့။ ဟုတ်တယ်လေ။ ဆရာဝန်။ ဆေးအကြောင်းသိတယ်။ အစက ဖြစ်ကတည်းက ဆေးခြောက်လ မှန်မှန်သောက်မယ် ထင်စရာမို့လား။ သို့သော် ဒေါက်တာအောင်ကိုကို့အား ကူးစက်ခဲ့သော တီဘီရောဂါပိုးမှာ ဆေးယဉ်ပါးတီဘီ ဖြစ်နေသူ လူနာထံမှ တိုက်ရိုက်ကူးထည့်လိုက်သည့် ဆေးယဉ်ပါးတီဘီပိုးများ။ ထိုသောအခါ ဒေါက်တာ အောင်ကိုကိုမှာ ချက်ချက်မတ်တပ် လူကောင်းကြီးမှ ဆေးယဉ်ပါးတီဘီ လူနာ ဖြစ်ရရှာတော့သည်။ သူများကို ကုပေးနေသည့် ဆရာဝန်လေးဘဝမှ ချက်ချင်းကြီး နာတာရှည်လူနာ ဖြစ်ရရှာတော့သည်။
အောင်မြေသာစံမြို့နယ်မှာ လစဉ် တီဘီလူနာ အသစ် ၄၅ ဦးမှ ၅၀ ဦးအကြား တိုးတက်လျက်ရှိသည်။ အဲဒီ လူတွေထဲမှာ ဆေးယဉ်ပါးတီဘီလူနာတွေလည်း ပါရဲ့။ ကဲ… ဒီလူနာတွေဟာ ဘယ်ကလာသလဲ။ ရိုးရိုးလေးဖြေကြည့်ရင် သူတို့အိမ်၊ သူတို့ရပ်ကွက်၊ သူတို့အလုပ်တွေက လာတာပေါ့။ တီဘီဟာ မျိုးရိုးလိုက်သော ရောဂါမဟုတ်လို့ မွေးရာပါတော့ မဟုတ်ပေ။ သို့သော် အခန့်မသင့်လျှင် သေရာတော့ ပါတတ်ပေသည်။
ဆရာဝန်လေး ဒေါက်တာအောင်ကိုကိုအား တစ်ယောက်ယောက်မှ တီဘီကူးလိုက်ခြင်းဖြစ်သည်။ ဒေါက်တာ အောင်ကိုကိုဟာ ဆေးခန်းကျဉ်းကျဉ်းလေးထဲ အနေများခဲ့သူ မဟုတ်လား။ ထို့အတူ ယခုစာ အထက်ပိုင်းတွင်ရေးပြခဲ့သည့် သူ့ချစ်သူနှင့် မခွဲနိုင်၍ ဆေးယဉ်ပါးတီဘီရောဂါကို သူ့ချစ်သူနှင့်အတူ ရင်းစီးခံပါတော့မည် ဆိုသည့် ကောင်ကလေးအားလည်း တစ်နေရာရာမှ တစ်ယောက်ယောက်က မရည်ရွယ်သော်လည်း အမှတ်တမဲ့ လက်ဆောင်ပေးလိုက်မိခြင်း ဖြစ်ရပေမည်။ ဒီကောင်လေးဟာ ဆေးကုမ္ပဏီဝန်ထမ်းမို့ လေအေးပေးစက်တပ်အခန်းထဲ အနေများခဲ့မှာပေါ့။ ပြီးတော့ အရောင်းမြှင့်တင်ရေးဆိုတော့ လေအေးပေးစက်တပ် အခန်းတွေထဲမှာ လူအတော်များများနှင့် ပြောဆိုဆက်ဆံခဲ့ဖူးပေလိမ့်မည်။ တီဘီပိုးဟာ လေအေးပေးစက်တပ် အခန်းတွေထဲမှာဆို တော်တော်ကြာကြာကြီးကို အသက်ရှင်နေထိုင် ကူးစက်နိုင်တာကလား။
ဆရာမကြီး ဒေါ်ကြည်တင်ကတော့ ဘယ်သူ့မှာ တီဘီရောဂါဖြစ်ဖြစ်
“ဆေးကုလို့ မပြီးမချင်း နင်အလုပ်က ခဏနားလိုက်နော်” လို့ စေတနာဖြင့် ပြောလေ့ရှိပါသည်။
အကြောင်းရင်းကား
သူတို့မှ တဆင့် အခြားလူတွေကို ပြန်လည် မကူးစက်စေဖို့လည်း ပါပေ၏။
သို့သော် ဒေါ်ကြည်တင်ကား သူနာပြုဆရာမကြီး တစ်ဦးသာလျှင်ဖြစ်ပြီး အာဏာပိုင်တစ်ယောက်တော့ မဟုတ်ပါ။
ထိုအခါ စားဝတ်နေရေးအတွက် ရုန်းကန်နေရသော လက်ဖက်ရည်အဖျော်သမား တီးဆရာလေးကို မောင်မောင်စိုးက သူ့တီဘီရောဂါကို အကုသခံနေတုန်းကာလ အလုပ်မှ မနားလိုပေ။ ကွမ်းယာသည်လေး စိုးထွန်းကလည်း တီဘီကုလက်စနှင့် ကွမ်းယာ ဆက်ရောင်းသည်။ ထို့အတူ စူပါမာ့ကက်ကြီးတစ်ခုမှ အရောင်းစာရေးမလေးကလည်း အလုပ်မနားလိုပေ။
ကျောင်းမုန့်ဈေးတန်းမှာ အသုတ်ရောင်းသည့် ဒေါ်တိုး။ ရုပ်ရှင်ရုံကြီးတစ်ခုမှာအ လုပ်လုပ်သည့် ကိုမျိုးမင်း။ နာမည်ကြီးထမင်းဆိုင်ကြီးက စားပွဲထိုးမလေး မမဇော်။ သွားဘက်ဆိုင်ရာ ဆေးတက္ကသိုလ်မှ ဒုတိယနှစ်ကျောင်းသား ကိုမင်းသူ။ ဘဏ်ဝန်ထမ်းလေး ကိုကိုနိုင်။ အစိုးရဌာနဆိုင်ရာ ရုံးကြီးတစ်ခုမှ ဦးမြင့်နိုင်။
အကြောင်းကြောင်းကြောင့် သူတို့ တီဘီရှိ၍ ကုနေရင်းတန်းလန်း အလုပ်မနားခဲ့ကြပါ။
တီဘီသည် လေမှတဆင့် ကူးသောရောဂါဖြစ်သည်။ တီဘီလူနာ စကားပြောစဉ်၊ ချောင်းဆိုး နှာချေစဉ် တီဘီပိုးများသည် ဆိုင်ရာအပေါက်မှ ထွက်လာပြီး လေထဲပျံ့နှံ့ ကူးစက်တတ်ခြင်းဖြစ်ရာ သူတို့ကိုလည်း ထိုသို့ အကူးခံခဲ့ရခြင်းဖြစ်ပါသည်။
အောင်မြေသာစံ ဒေသန္တရာကျန်းမာရေးဌာနမှာတော့ လစဉ်လူနာဦးရေးက တစ်စတစ်စ တိုးလျှက်ရှိပေသည်။
“လေဝင်လေထွက် ကောင်းတဲ့နေရာမှာ နေပါ။ လူထူထူကို မသွားပါနဲ့” ဟူသည့် ဆရာမကြီး ဒေါ်ကြည်တင်၏ တီဘီတရားဟောသံကို နေ့စဉ်နေ့တိုင်း သုံးထပ်သားလေးသာခြားသည့် ဓာတ်ခွဲခန်းထဲမှ ဓာတ်ခွဲမှူးက ကြားမိပြီး ပြုံးပါ၏။
ဓာတ်ခွဲမှူးသည် သူနာပြု ဆရာမကြီးကို လှောင်လို၍ မဟုတ်ပါ။
ထိုအသံများသည် ဟိုမှာဘက် ပြတင်းနှစ်ပေါက်သာရှိသော ပုအိုက်အိုက်အခန်းလေးထဲမှ ဒေါ်ကြည်တင်သည် လူနာပေါင်းများစွာနှင့် စကားပြောနေစဉ် ထွက်လာခြင်းဖြစ်ပြီး၊ ထိုအသံများကို ဒီမှာဘက် ပြတင်းပေါက် တစ်ပေါက်သာရှိသည့် ရှည်ကျဉ်းကျဉ်း ဓာတ်ခွဲခန်းထဲတွင် လူနာတို့ကို သလိပ်ပိုးစစ်ပေးနေရသည့် ဓာတ်ခွဲမှူးက နားတော်ခံလိုက်ရသည် ဖြစ်သောကြောင့်သာ။
မေတ္တာဖြင့်-
အောင်မျိုးသူလွင်
၀၂၊၁၀၊၁၈
အင်္ဂါ
ည ၀၈း၀၉
No comments:
Post a Comment