ဒီကလေးဟာ စိတ်ကြီးရင် အော်ဟစ်ပစ်တတ်တာတော့ ကျွန်တော့်ကို တူတယ်ဗျ။ ငိုလည်းမငိုဘူး။ သူကအော်တာ။ ချေးသေးစိုလို့ အလိုမကျရင် စွတ်အော်ပြီး၊ အနှီးဝတ်လေးလဲပေးလိုက်ပြီဆို ငြိမ်သွားပါရော။ ဒါပေမယ့် သူက ဒီလိုပဲ အလိုမကျတိုင်းအော်တယ်ဗျာ။ တစ်ခါတလေလည်း အလုပ်ပင်ပန်းလွန်းရင် စိတ်မရှည်လို့ ဟိုဘက်ကုတင်၊ ဒီဘက်ကုတင်အိပ်ရင်း နင်တို့သားအမိ နားငြီးတယ်ဟေ့လို့ ကျွန်တော်က ထထပြန်အော်လို့ သူ့အမေနဲ့ကျွန်တော်နဲ့ ပြဿနာ တက်ရတာက ရှိသေး။ သူ့အမေက ကျွန်တော့်ကိုပြောတယ်။ ကိုကြီးက အဖေစိတ်ကို မရှိဘူးတဲ့။
အေးဗျာ။ သူပြောတာလည်း ကျွန်တော် မနာပါဘူး။ သမီးလေး လာတော့မယ်လို့ တံခါးလာခေါက်စက ရုပ်ရှင်တွေထဲကလို နေမထိထိုင်မသာ ပျော်သွားတာမျိုး ကျွန်တော် မဖြစ်ဘူးဗျ။ ကလေးတစ်ယောက်တာဝန်ကို ဘယ်လိုရယ်လို့တွေးရင်း ခေါင်းတွေပူလာတာပါပဲဗျာ။ ကိုယ့်အတွေးနဲ့ ကိုယ်ငြိမ်သွားတဲ့ ကျွန်တော့်ကို သမီးမေမေက စိတ်ကောက်တယ်လေ။ ဟင် ဘာလို့ကောက်တာတုန်းဟ ဆိုတော့ တော်တော်နဲ့မဖြေဘူး။ မိန်းမတွေဟာ သိပ်ခက်တယ်ဗျာ။ နောက်တော့မှ ဒီမင်္ဂလာသတင်းကို ကျွန်တော်က ပျော်ဟန်မပြလို့တဲ့။ အေးဟာ ငါလည်း တစ်ခါမှ ကလေးမရဖူးတော့ စိတ်ထဲတစ်မျိုးကြီးဖြစ်သွားတယ်လို့ ကိုယ်က တောင်းပန်လိုက်မှ သူနဲ့ကိုယ်ထသတ်ရမတတ် စကားတွေများရပြန်ပါပေါ့လား။ ဒီဒုက္ခတွေ မိန်းမ မယူဖူးတဲ့ကောင် ဘယ်သိလိမ့်မတုန်း။
အဲဒီတုန်းက သမီးက သူ့မေမေဗိုက်ထဲက ထွက်လာဖို့ လပိုင်းအလို။ သမီးမေမေကို ဆိုင်ကယ်နောက်မှာတင်ပြီး အိမ်ကိုပြန်တော့ ၊ ဟိုရှေ့နားမှာ ယဉ်ထိန်းတွေ လိုင်စင်စစ်နေလို့ ရပ်ဖို့အရှိန်လေးလျော့နေတုန်း၊ ဗြုန်းဆို ကိုယ့်ရှေ့ကနေ ရုတ်တရက် ပြန်လှည့်ပြေးတဲ့ ငနဲတစ်ကောင်ရဲ့ ဆိုင်ကယ်က ကျွန်တော်တို့ဆိုင်ကယ်ကို ခါးလည်က ဖြတ်တိုက်လိုက်ပါရောလား။ သမီးမေမေက နောက်ကနေ ကြောက်ကြောက်နဲ့ တအားအော်တယ်။ ရင်ထဲလည်း ပူသွားတာနဲ့အတူ ဆိုင်ကယ်ကို လဲမသွားအောင်ထိန်းနေတုန်း၊ ငနဲက သူ့ဆိုင်ကယ်သူ ဟန်ချက်ပြန်ထိန်းပြီး မောင်းပြေးမယ်လုပ်ပါရော။ ကံဆိုးကံကောင်းပေါ့။ အဲဒီနားလမ်းထောင့်က တက်စီသမားတွေက ဒီကောင့်ဆိုင်ကယ်ကို ဖြတ်ဖမ်းဆွဲထားတယ်။ ကျွန်တော်လေ စိတ်တိုလွန်းလို့ အဲဒီအကောင်ကို အင်္ကျီလည်ကုပ်ကကိုင်ပြီး ဆွဲလာမိတာပဲ။ သမီးမေမေနားရောက်မှ ဘာဖြစ်သွားသေးတုန်းမေးတော့ မခိုက်မိဘူးတဲ့။ ဆိုင်ကယ်ခြေနင်းခုံကို တိုက်မိသွားတာဆိုတော့ ခြေနင်းခုံကောက်ကွေးသွားတယ်။ ကံကောင်းတာက သမီးနဲ့ သမီးမေမေဘာမှ မဖြစ်လို့ ကျွန်တော်တို့ ကံကောင်းသလို၊ ဒီကောင်လည်းကံကောင်းပါတယ်။ နို့မိုဆို ကျွန်တော် ဘာလုပ်မိမလဲ ကျွန်တော်လည်း တွေးမရဘူး။ ဘဝမှာ အဲဒီလောက် သတိလက်လွတ် စိတ်တိုသွားဖူးတာ အကြိမ်ရေ နည်းနည်းပဲရှိတယ်။
သမီးနဲ့က အိမ်မှာလည်း သိပ်အားရအောင် မတွေ့ရပါဘူး။ နေ့ခင်း ကျွန်တော်ထမင်းစားအားချိန်ဆို သမီးကအိပ်နေတာ များတယ်။ တာဝန်နားတဲ့ ရက်တွေလောက်ပဲ တစ်နေကုန်တွေ့ရတာ။ အလိုလိုနေရင်းမှ အားမရပါဘူးဆို သမီးမေမေက ရုတ်တရက် သွေးနုသားနုနဲ့ မတက်မဖြစ် သင်တန်းတစ်ခုတက်ရဖို့ ဖန်လာပါရောလား။ ဒီတော့ သမီးလေးခမြာလည်း ဖေဖေကိုထားပြီး မေမေနဲ့ မန္တလေးမှာ အိမ်လေးတစ်လုံးငှားပြီး သင်တန်းတက်နေရ ရှာတယ်။ ကျွန်တော်ကတော့ ကျွန်တော့်အလုပ်ရှိရာ ကျွန်တော့်မြို့လေးမှာပေါ့။ အခါတိုင်းလို အလုပ်အားရင် ဘီယာဆိုင်တွေဘာတွေ မသွားချင်ဘူးဗျာ။ သမီးလေးဆီ ပြေးသွားချင်တယ်။ ဒီကလေးမဟာ အိပ်မှာရှိတော့သာ ညညနားငြီးအောင်အော်တာ၊ မရှိတော့ လွမ်းသားဗျ။ သူနဲ့ကိုယ်တွေ့တာဖြင့် နှစ်လတောင်မပြည့်သေး။
သမီးမေမေနဲ့ ကိုယ်နဲ့ကတော့ လူချင်းသာဝေးနေတာ အခါတိုင်းလို တဂွမ်ဂွမ်၊ တဂျိန်းဂျိန်းပါပဲ။ တစ်ခါတလေများ လက်ကိုင်ဖုန်းကို ပေါက်ခွဲပစ်ချင်မိသည်။ ငယ်ငယ်က အဖေနဲ့အမေရန်ဖြစ်ရင် စိတ်ညစ်ခဲ့ဖူးတာ သတိရပြီး၊ သမီးရှေ့မှာတော့ ဆင်ခြင်ရမယ်လို့လည်း တွေးမိသည်။ သမီးလေးကျောင်းနေရင် ကိုယ့်တုန်းကလို မချို့ငဲ့အောင်လည်း စိတ်ကတွေးပြီး ပိုက်ဆံကို ပိုရှာဖို့စိတ်တင်းရသည်။ အခါတိုင်းလို မထင်ရင် မထင်သလို ပြောတတ်သော ကျွန်တော့်အကျင့်ကိုလည်း သမီးလေးကိုငဲ့ပြီး ပြင်ရဦးမည်။ သမီးက သူ့ဖေဖေကို ချစ်ချစ်မချစ်ချစ် သူ့ဖေဖေကြောင့်တော့ အမျိုးတွေကြား မျက်နှာမငယ်စေလို။ ကျွန်တော့် ကိုယ်တွေ့တော့ ဖခင်မေတ္တာဆိုတာ မြင့်မိုရ်တောင်တွေဘာတွေ မဟုတ်ပါဘူး၊ အဲဒီလောက်လေး ပါပဲ။ အခုတော့ လက်တွေ့အားဖြင့် သမီးလေးစာဖတ်တတ်လာရင် လက်လှမ်းမီရာမှာ မသိမသာထားပြီး မြှူဆွယ်ဖို့ ကျွန်တော့်စာအုပ်တွေနဲ့ စာအုပ်စင် ခပ်လတ်လတ်တစ်ခု အိမ်မှာပြင်ထားသည်။ ဒါလည်း သူလမ်းလျှောက်တတ်လို့ မျောက်ရှုံးနေအောင် ဆော့ရင် ကျွန်တော့်စာအုပ်တွေ ဖြဲပစ်မှာ စိုးတာလည်း ပါတာပေါ့။
သူစာဖတ်တတ်လျှင်တော့ ရွှေသွေး၊ တေဇ၊ မိုးသောက်ပန်းနဲ့ ကာလပေါ် ကလေးဖတ်စာပေတွေ ဝယ်ပေးရမည်။ ဖတ်လိုလျှင်လည်း ဖတ်စေပေါ့။ အတင်းအကြပ်တော့ မဖတ်စေပါဘူး။ ကျွန်တော်က သမီးကို ကိုယ်တိုင်က ဘာဖြစ်ချင်ပြီး၊ ဘာဝါသနာပါသည်ကို သိပြီး၊ ထိုအတိုင်းရဲရဲလျောက်တတ်ဖို့သာ လမ်းပြပါမည်။ ထို့ထက်ပို၍ ကျွန်တော်တတ်နိုင်သည်လည်း မထင်ပါ။ သို့သော် အခုတော့ တအဲအဲအော်တတ်သော ကျွန်တော့်သမီးကို လွမ်း၍ ဤစာကိုရေးပါသည်။ သမီးကတော့ အဖေဆိုတာလည်း နားလည်ဦးမည်မဟုတ်၍ လွမ်းတတ်သေးမည်လည်း မဟုတ်ပါ။ ဒီတစ်ခါ အားရက်မှာတော့ သမီးဆီလိုက်သွားပြီး ပေါင်ပေါ်တင်ပွေ့ကာ ချော့မြှူရင်း၊ နွေးခနဲ့ခံစားလိုက်ရသော စိုစွတ်မှုမှာ၊ ကိုယ့်အပေါ်သူ ရှူရှူပေါက်ချပြီဟု အော်ဟစ်ပြောရင်း တဟားဟားရယ်ရပေဦးမည်။ ကျွန်တော် သမီးကို ချစ်ပါသည်။
အောင်မျိုးသူလွင်
၁၃/၀၇/၂၀၁၅
တနင်္လာ
ညနေ ၀၅:၀၁
