မနေ့ညနေပိုင်းက တောင်ခြေမှာ မိတ်ဆွေတစ်ယောက်အလာကို ဆိုင်ကယ်ပေါ်ကဆင်းပြီး မတ်တပ်ရပ်စောင့်နေတုန်း ကျွန်တော့်ရှေ့လမ်းပေါ်ကနေ ကောင်လေးတစ်စု ဆိုင်ကယ်ဖြတ်မောင်းသွားပါတယ်။ မန္တလေးမှာက ဒီလို လမ်းသရဲဆန်ဆန် ဆိုင်ကယ်အုပ်စုလေးတွေ အခုနောက်ပိုင်း များများလာပါတယ်။ ဒီကောင်လေးတွေအုပ်စုဟာ လူလေး ငါး ဆယ်ယောက်၊ ဆိုင်ကယ်ကိုယ်စီ၊ ဆံပင်ဖြူနီကြောင်ကြား၊ ထူးထူးဆန်းဆန်းအပြင်အဆင်နဲ့ အခု ကောင်မလေးပေါက်စတွေ အလန်းလို့ ပြောကြမယ့် စတိုင်တွေနဲ့ပေါ့။ ကျွန်တော် သူတို့ကို ရပ်ကြည့်နေတုန်း၊ အရှေ့တော်တော်လွန်သွားကာမှ သူတို့ အုပ်စုထဲက ဆိုင်ကယ်တစ်စီးက ဗြုန်းဆို ကျွန်တော်ရှိရာဘက်ကို ပြန်ကွေ့လာပါရော။ သူကွေ့လာတော့ အခြားဆိုင်ကယ်တွေပါ ကွေ့လိုက်လာတော့တာပေါ့။
"ဘဲကြီး ခင်ဗျား စောစောက ခင်ဗျား ဘာကြည့်တာတုန်း"
ဗုဒ္ဓေါ။ ကျွန်တော် သိလိုက်ပါပြီ ဒီကောင်လေးတွေ ကျွန်တော့်ကို ပြဿနာရှာပြီဆိုတာ။ ဒီကောင်တွေမျက်စောင်းက အကြောင်းသုံးပါး ရွေးတာမဟုတ်။ လက်ရဲဇက်ရဲ သူတို့ အကြောင်း ကျွန်တော် ကောင်းကောင်းသိပါတယ်။ ဒါပေမယ့် သူတို့ကတော့ ကျွန်တော့်အကြောင်း ဘာမှ သိရှာကြပုံ မရပါဘူး။
တစ်ချိန်က ဝါးရင်းတုတ်ဖိုးကေဆိုတာကို ကြားဖူးရင်၊ သူ့နည်းပြ ကိုဝင်းထွန်း(လယ်/ဆည်)ဆိုတာ ကျွန်တော်နဲ့ အိမ်ချင်းကပ်နေသွားဖူးတာမို့ ကျွန်တော်က မြန်မာ့လက်ဝှေ့ကို အနည်းအကျဉ်းသင်ဖူးပါတယ်။ အပြင်မှာ ရန်မဖြစ်ပါဘူးလို့ ပဋိညာဉ်ခံပြီးမှ သင်ရတာပါ။ ငယ်ငယ်က အဖေသင်ပေးခဲ့တဲ့ သိုင်းပြောင်းပြန်လည်း ကျွန်တော်က မဆိုစလောက်တတ်ပါသေးတယ်။ သိုင်းပြောင်းပြန်ဆိုတာ အခြားကိုယ်ခံပညာတွေလို တိုက်ခိုက်နည်းကို သင်ရတာ မဟုတ်ဘဲ၊ သတ်ဖြတ်နည်းကို သင်ရတာမျိုးပါ။ ကျွန်တော့်အဖေဆိုရင်တော့ လက်နက်မပါတာတောင် တုတ်ကိုင်လူ လေးငါးယောက်ကို အသာလေး တစ်ခဏအတွင်း ဖြိုပစ်နိုင်တဲ့ အထိစွမ်းပါတယ်။
ကျွန်တော့်ကို ဘာကြည့်တာတုန်းမေးတဲ့ ခပ်စွာစွာကောင်လေးကို ကြည့်ပြီး ကျွန်တော်ပြောလိုက်ပါတယ်။
"မင်းမဟုတ်ဘူး၊ ဟိုဘက်ကကောင်"
ကျွန်တော်ညွှန်ပြတဲ့ကောင်လေးက ယခုကောင်လေးထက် ကိုယ်လုံးကိုယ်ပေါက် ပိုတောင့်ပြီး၊ သူ့ကြွက်သားတွေ ပေါ်အောင်လည်း တီရှပ်လက်ပြတ်ခပ်ကြပ်ကြပ်ကို ဝတ်ထားပါတယ်။
"အေး ကျုပ်ဆိုတော့ ခင်ဗျားကြီးက ဘာပြောချင်တာတုန်း"
ကောင်လေးက အတင့်ရဲစွာ ရှေ့တိုးလာပါတယ်။
ကျွန်တော်က သူ့တို့အဖွဲ့ကို အလျှဉ်းဂရုပြုဟန်မပြဘဲ တိုးလာတဲ့ကောင်လေးကိုပဲ ရဲရဲကြီးတစ်ခွန်းထဲ ပြောချလိုက်ပါတယ်။
"မင်းလက်မောင်းက တက်တူးမိုက်တယ်ကွ"
ကျွန်တော့်ရဲ့ ပြတ်သားတဲ့စကားကို ကြားတော့ ကောင်လေးကိုယ်ရှိန်တန့်ပြီး ကြောင်သွားပါတယ်။
"ဒီမှာကြည့်ကွ၊ ငါ့လက်မောင်းကို"
တစ်ဆက်တည်း ကျွန်တော်က ကျွန်တော့်အင်္ကျီလက်မောင်းကို ပင့်တင်လိုက်ပါတယ်။
"ဟင် ဘာတက်တူးမှလည်း မရှိဘူး"
"တက်တူးတင်မရှိတာမဟုတ်ဘူးကွ၊ သေချာကြည့် ငယ်ငယ်က ကျောက်ဆေးထိုးထားတဲ့ အမာရွတ်ပါမရှိတာမောင်"
"အဲဒီတော့"
"ငါက နာမှာကြောက်တယ်လေကွ၊ ငယ်ငယ်ကဆို ကျောင်းမှာ ကျောက်ဆေးလာထိုးတိုင်း နာမှာကြောက်လို့ ကျောင်းလစ်ပြီး ပုန်းနေခဲ့တော့ အခုထိ လက်မောင်းမှာ အမာရွတ်နဲ့တူတာဆိုလို့ ခြင်ကိုက်ဖုတောင် မရှိတာသာကြည့်"
"ဒါပေမယ့် မင်းတို့လို တက်တူးလေးတွေတော့ ငါကြိုက်သကွ၊ နို့ပေတဲ့ အနာခံပြီး မင်းတို့လိုမထိုးရဲတော့၊ အဲဒါ အခုလို လှတပတ ထိုးထားတဲ့ လူတွေ့ရင် မလွတ်တမ်းကြည့်မိတာပဲဟေ့၊ ဒါနဲ့ မင်းတို့ကအခု ဘာလို့ ပြန်လှည့်လာတာလဲ၊ ငါ့ကို သိလို့လား"
"ဘဲကြီး ခင်ဗျား သောက်ဆန်းကြီးတွေ သိပ်ပြောတတ်တယ်။ ကြိုက်သွားပြီ၊ အခုကျုပ်တို့ အဖွဲ့နဲ့ လိုက်ခဲ့မလား၊ ရေကူးကန်ဘက်သွားမလို့"
ကျွန်တော်လိုက်မသွားတော့ပါ။ ကျွန်တော် မတောက်တခေါက် တတ်ထားသော မြန်မာ့လက်ဝှေ့ပညာနှင့် သိုင်းပြောင်းပြန်တိုက်ကွက်များကို ထုတ်မသုံးလိုက်ရသည်ကိုပင် ဒီကောင်လေးတွေ ကံကောင်းရန်ကောဟု ကြံဖန်ကျေးဇူးတင်လိုက်ရပါသည်။
ကျောင်းသား ဘဝတစ်လျှောက် ရန်ပွဲပေါင်းများစွာတွင် ထိုမတောက်တခေါက် ပညာများကို အသုံးပြုခဲ့သည်မှာ သင်္ကြန်တွင်း ဒုလ္လဘဝတ်တိုင်း လူမြင်ကွင်းထွက်လာလေ့ရှိသော ကျွန်တော့်ခေါင်းမှ အမာရွတ်များက သက်သေပင်ဖြစ်သည်။ အကယ်တိ ကောင်လေးများသည် ကျွန်တော့်စကားကို နားမထောင်ဘဲ ရှေ့ဆက်တိုးလာခဲ့သည် ရှိသော် ယခုနေ ထိုကောင်လေးများသည် ဆေးရုံတွင် လူနာမေးရသော ဒုက္ခတစ်ခုကို မှန်မှန်ကြီးရက်ဆက် ပြုနေရပေတော့မည်။ သူ့မိဘများလည်း ကျွန်တော့်အတွက် ဆေးဖိုးမကုန်ကြ၍ ကံကောင်းသွားကြရှာပါသည်။
ကျွန်တော့်ကိုလည်း သူတို့က ၄င်းတို့ထိုင်နေကျ ဘီယာဆိုင်နှင့်အချိန်ကို ပြောပြ ဖိတ်မဏ္ဍက ပြုသွားကြသောကြောင့် လမ်းကြုံလျှင် ဖရီးဝင်ကစ်နိုင်သော အခွင့်တစ်ခုတိုးလာပြီ ဖြစ်၍ ကျွန်တော်လည်း ကံကောင်းပါသည်။ လောကသည် သာယာပေစွတကား။
အောင်မျိုးသူလွင်
၂၃/၀၅/၂၀၁၅
စနေ
ည ၁၀:၀၈
No comments:
Post a Comment