မနန်းကိုချစ်လို့ပါ

တစ်ခါတလေလည်း အစိုးမရတဲ့ ကိုယ့်စိတ်ကို အံ့ဩ ဒေါသဖြစ်မိရင်းက သူ့ကို ဆက်ချစ်နေမိသည်။ သူဆိုတာ ကျွန်တော့်နှလုံးသားရဲ့ ဘာသာတရားတစ်ခုလို ခံစားချက်ပြဋ္ဌာန်းတဲ့ အပြုအမူတိုင်းကို စိုးမိုးခြယ်လှယ်နေသူပေါ့။ ကျွန်တော်စာတွေဘယ်လောက် ဖတ်ဖတ် နှလုံးသားက ကိုးကွယ်မိတဲ့ အဲသည် ဘာသာတရားကို ကားမတ်ပြောခဲ့သလို ဘိန်းပါပဲလို့ မဆိုဝံ့ခဲ့တာတော့ သေချာသည်။ အသိစိတ်က ဘယ်လိုပင် လက်မခံချင်လည်း နှလုံးသားက သူ့ဆီမှာ ခေါင်းဝှေ့ချင်ခဲ့ဆဲ။

အချစ်လေပြင်းတွေ တိုက်လို့ တလိမ့်လိမ့် အပြေးလာခဲ့ရတဲ့ ကျွန်တော့်နှလုံးသား ခံစားချက်လှိုင်းတွေကို သူသည်ဘယ်တုန်းကမှ သောင်ပြင်ကမ်းစပ်က သဲနုနုတွေလို အမောဖြေ ချွေးသိပ်ပေးလေ့ မရှိဘဲ မာထန်ထန် ကျောင်ဆောင်တွေလို ခပ်မှန်မှန်သာ ဆက်ဆံတတ်တာမို့ သူ့နဲ့တွေ့တိုင်း ကိုယ့်အရှိန်နဲ့ကိုယ် ကိုယ်တိုင် ရင်အကွဲခံရင်း သူ့ခြေရင်းမှာ ပြန်ဆင်းခဲ့ရတာလည်း အခါခါ။ သူဆိုတာ ကျွန်တော် နှလုံးသားရဲ့ အရာရာပါလို့ ပြောလို့ရတဲ့ ပြဋ္ဌာန်းချက် တစ်ခုပါပဲ။

သူနဖူးက ဆံတံခွန်လေးနဲ့ သာမာန်ထက် ထူထဲပိရိတဲ့ နှုတ်ခမ်းလေးကပြုံးလိုက်တိုင်း လိုက်ပြုံးတတ်တဲ့ မျက်ဝန်းတစ်စုံရဲ့ အတွဲအစပ်မိမိ တိုက်စစ်မှာ ကျွန်တော့် ယောင်္ကျားမာန ခံစစ်တံတိုင်းလည်း ဖရိုဖရဲဖြစ်ပြီး သူတမင်တကာ သွင်းတာမဟုတ်တဲ့ ဂိုးတွေကို ကာကွယ်ချင်စိတ်မဲ့လောက်အောင် ကျွန်တော်ဟာ ရူးသွပ်သူ တစ်ယောက်ပါ။

သူလှတယ်ဆိုတာ လူတကာ ပါးစပ်ဖျားက ရေပန်းစားသော စကားတစ်ခုမို့ ကျွန်တော့်ရင်ထဲ ထိထိခိုက်ခိုက် မဖြစ်လှပါ။ သူများတွေ ပြောကြတဲ့ သူ့ကိုယ်ပေါ်က ရှိုက်ဖိုကြီးငယ် ဘယ်နှသွယ် ဆိုတာကိုလည်း ကျွန်တော် စိတ်မဝင်စားရိုး အမှန်။ ကျွန်တော်ဆိုတာ သူ့ အကြည့်တစ်ဝင့်စာနဲ့တင် ကျဆုံးခဲ့ပြီးသူမို့ သည့်ထက်ပိုပြီး ဘာမှ မမက်ခဲ့တာ သေချာသည်။ သူငယ်တန်းမှာတင် ကျရှုံးနေသူအတွက် ပထဝီဝင် သဘောတရားတွေ တွေးစရာ မရှိသလို ကျွန်တော့် အချစ်မှာ အဲသည်လို အဖိုအရှိုက်တွေနဲ့ အလိုလိုက်တဲ့ ကိစ္စမပါ။ မနန်းသာ ကျွန်တော့ဘဝ တွေးခဲ့သူမို့ သူက ကျွန်တော့်ကို အထင်သေးလေ သလား။

တစ်ခါတုန်းကတော့ ရင်ထဲက အဖြစ်တွေကို အိတ်သွန်ဖာမှောက်မယ် ကြံဖူးပါရဲ့။ ဒါပေမယ့် အလိုမကျတိုင်း ပင့်တက်သွားတတ်တဲ့ သူ့မျက်ခုံးတွေအောက် မျက်လုံးလေးတွေက တားမြစ်တဲ့ အဓိပ္ပါယ်ကို ပြပြီး၊ သူ့နှုတ်ဖျားက ထွက်လာတဲ့ စကားက လက်ထပ်ရမယ့်သူ ရှိတယ်တဲ့။ မနန်းရယ် အဲသည်စကား ပြောတုန်းက ကျွန်တော့်ကို သနားတယ်ဆို။ အဲဒါလေး တစ်ခွန်းတော့ ကျွန်တော် ဆတ်ဆတ်ခါ နာဖူးပါရဲ့။ သနားတယ်ဆိုတာ တစ်ဖက်သားရဲ့ ဖြစ်တည်မှုကို အထင်သေးတာတဲ့။ စာရေးဆရာ တစ်ယောက်ရေးတာ ကျွန်တော်ဖတ်ဖူးပါတယ်။ ကျွန်တော့် ဖြစ်တည်မှုက မနန်းအတွက် အဲသည်လောက်တောင် မှုန်မွှားသလားဟင်။ ကျွန်တော် သည်လို စိတ်ဆိုးတော့လည်း မနန်းက ပြုံးတယ်နော်။ ဒါပေမယ့် အဲသည်အပြုံးကို ဗွေမယူနိုင်လောက်အောင် မနန်း နဖူးက ဆံတံခွန်လေးက လှလွန်းပါတယ်။ ကျွန်တော် သည်တောင်ကို ဘယ်မှာ ကျော်နိုင်ပါမလဲ မနန်းရယ်။

ဟုတ်တယ်လေ အဲသည် အပြုံးတွေပေါ့ ကျွန်တော်ချစ်ခဲ့တာ။ ဟုတ်တယ်လေ အဲသည် စကားတွေပေါ့ ကျွန်တော့် အသည်းကို ခွဲခဲ့တာ။ ဟုတ်တယ်လေ အဲသည် ဆံတံခွန်လေးပေါ့ ကျွန်တော် တစ်ကြိမ်မှ နမ်းခွင့် မရခဲ့တာ။ ခိုးခိုးရှိုက်ခဲ့ဖူးတဲ့ ကိုယ်သင်းနံ့လေးကို ပြန်ရမိသလို ခံစားရင်း မနန်းကို ကျွန်တော် လွမ်းနေခဲ့တာပါ။ 

ဖုန်းလေးတောင်မဆက် လောက်အောင်နေနိုင်တဲ့ မနန်းအသည်းက ကျွန်တော်ရှိတဲ့ မျက်နှာစာမှာပဲ မာတာလားဟင်။ အခါတစ်ရာ ပြောလည်း မနာနိုင်လောက်အောင် ထုံတဲ့ ကျွန်တော်အသည်းက မနန်းတစ်ယောက်အတွက်ပဲ ခန္တီစ တရားလက်ကိုင်ထားတယ် ဆိုတာတော့ သိစေချင်သည်။

ဘာပဲပြောပြော ဟိုလူနဲ့ ကွဲတော့ သူများတွေထင်သလို ကျွန်တော် မပျော်ခဲ့ ပါ။ သည်လို ဖြစ်လေမလား မျှော်လင့်ချက်နဲ့ မနန်းကို ကျွန်တော် ချစ်နေခဲ့တာမဟုတ်သလို ကျွန်တော့် အချစ်ဟာ ဟိုတုန်းကတည်းက မျှော်လင့်ချက်နဲ့ ကင်းပြီး ရပ်တည်နိုင်ခဲ့ တယ်ဆိုတာ မနန်းလည်း သိတယ်လေ။

အချစ်ဆိုတာ နှလုံးသားမြေက ထွက်တဲ့ ဒြပ်စင်တစ်မျိုးပါ။ တချို့က အချစ်ကို ရာဂ နဲ့စပ်ကြတယ်။ တချို့က မာန နဲ့စပ်ကြတယ်။ ကျွန်တော့် အချစ်မှာ မာနကင်းသလို ရာဂလည်း ရှင်းခဲ့ပါတယ်။ ကျွန်တော်ဟာ အချစ်ကို လောဘနဲ့ စပ်ပြီး မသာယာတဲ့ အိမ်ထောင်တစ်ခုကို ထူထောင်လိုသူ မဟုတ်သလို၊ သောကနဲ့ စပ်ပြီး ပရိဒေဝမီးကို လက်သပ်မွေးနေသူလည်း မဟုတ်ပါဘူး။

ဒြပ်စင်ဆိုတာ သူ့ပင်ကိုယ်သဘောမှာကိုက တန်ဖိုးထိုက်ပြီးသားရယ်မို့ ကျွန်တော်ဟာ အချစ်ကို လက်စွပ်ကွင်းလေးလုပ်ပြီး မနန်းလက်သူကြွယ်လေးမှာ ကိုယ်တိုင် စွပ်ပေးချင်ခဲ့ ပါတယ်။ ဒါပေမယ့် မနန်း လက်မခံလို့ ကျွန်တော့် အချစ်တွေ နေရာမှားပြီး အမှိုက်လို ဖြစ်မှာလည်း စိုးတာပေါ့။ အချစ်ဆိုတာ နှလုံးသားမြေ တစ်ခုလုံး အုတ်အော် သောင်းနင်း ရှာပါမှ တစ်ခါ တစ်လေသာ တွေ့ရတတ်တာမျိုးလေ။

ကျွန်တော် တို့ နှစ်ယောက် ကြားမှာ မာနတွေလည်း ကျွန်တော် မခု ခဲ့ပါ။ ခါချသော်လည်း မမှုခဲ့ပါ။ မနန်းလည်း သိပါသည်။ ကျွန်တော်ဆိုတာ ကိုးကွယ်တဲ့ ဘာသာတရားမှာ အချစ်လို့ ခေါင်းစဉ်တပ်မယ်ဆို ပြဋ္ဌာန်းမယ့် ကျမ်းစာ တစ်အုပ်လုံး မနန်းနာမည်တွေ နဲ့ပဲ ပြည့်နေမယ့် သူပါ။ သည်တစ်ခါ မနန်း ကျွန်တော့် ငြင်းလေဦးမလား။ 

ဒါတော့ ကျွန်တော်လည်း မသိပါ။ သနားတယ် အဆိုမခံရဖို့ မျှော်လင့်သည်မှ အပ ကျွန်တော့်မှာ အချစ်နဲ့ ပတ်သက်ပြီး၊ တစ်နည်း မနန်းနဲ့ ပတ်သက်ပြီး မာနဟူ၍ မြူမျှ မရှိပါ။ 

ထိုအတွက် အကြောင်းပြချက်က တစ်ခုသာ ရှိပါသည်။

ကျွန်တော် မနန်းကို ချစ်လို့ပါ။ (အတွဲ(၃၀)အမှတ်၉ စက်တင်ဘာလထုတ် ရုပ်ရှင်တေးကဗျာမဂ္ဂဇင်း)

အောင်မျိုးသူလွင်

၁၃/၀၇/၂၀၁၄

တနင်္ဂနွေ

နေ့ ၁၂:၄၀

ပံ့သကူသား

သန်းကျော် တစ်ယောက် ပြုံးစိ ပြုံးစိ နှင့် ကျွန်တော့်အိမ်လာသွားသည်။ အခါတိုင်း အင်မတန် နှမြောတတ်သူက ညနေ ဆရာ နဲ့ ခိုင်ထူးကို ဆိုင်မှာပြုစုချင်လို့ ဆိုတော့ ကျွန်တော် နည်းနည်း တော့ အံ့ဩသွားသည်။ ကိုယ်ထင်တဲ့ အတိုင်းပဲ ဖြစ်နေလားဆိုပြီး သည်ကောင့်ကို မေးလိုက်မည် ကြံစဉ်မှာပင် သူကောင်းသားက ညနေမှ ပြောမယ်ဆရာဆိုပြီး စက်သတ်မထားသော သူ၏ အသစ်စက်စက် ပုဇင်းခေါင်း (နောက်ဘီးယက် ထွေလာတစ်မျိုး) ပေါ် ခုန်တက်ပြီး ပြန်မောင်းထွက်သွားသည်။ ဒီကောင် အခု မြို့ထဲက ဆောက်လုပ်ရေးလုပ်ငန်းတစ်ခုမှာ ခေါက်ပြတ်နှင့် သဲတိုက်ရောင်းနေသည် ကြားသည်။

သန်းကျော်က အေးသီတာကို အသေအလဲ ကြိုက်သည်။ အဲသည်အကောင်ဟာ ကိုယ့်ကိုထိုးမယ့် နဖားကြိုးကို ကိုယ်တိုင် ဝင်ကျစ်နေတဲ့ အကောင်ဟု ခိုင်ထူးက ရံခါ သန်းကျော်ရှေ့မှာပင် သမုတ်တတ်သည်။ သို့သော် သန်းကျော်ကပင် အရေထူသလော မပြောတတ်။ ခိုင်ထူးစကားကို နည်းနည်းမျှ အလေးမထား။ အေးသီတာမှ အေးသီတာ တန်းတန်းစွဲကြိုက်သည်။ ကြိုက်လိုက်သမှ ရှစ်တန်းကျောင်းသား ဘဝကတည်းက ပင်ဖြစ်သည်ဆိုသည်။ အေးသီတာကတော့ သန်းကျော်ကို 'တိုင်မှတ်လို့ပင် နှပ်မသုတ်ချင်' ဟု ပြောဖူးသည် ဆိုသည်။ ဒါက ကျွန်တော် သည်မြို့ကို မရောက်ခင်က သူတို့ဇာတ်လမ်းကို ခိုင်ထူးပြောပြ၍ သိရသည်များဖြစ်သည်။

အမှန်တော့ ကျွန်တော်လည်း သန်းကျော်ကို အေးသီတာနှင့် မဖြစ်စေချင်ပါ။ သန်းကျော်က ရိုးသားသလောက် ကြိုးစားသူဖြစ်သည်။ သူ့အားနည်းချက်ဆိုလို့ ကပ်ကပ်သတ်သတ် 'ကပ်စီးနှဲ' တတ်သည်သာ ရှိသည်။ ပြီးတော့ သည်ကောင်က အားလျှင် စာလေးဘာလေးလည်း ဖတ်တတ်သည်။ သူ့ဟာသူ ဝယ်ဖတ်သည်တော့မဟုတ်၊ ကျွန်တော့်ဆီက ဂျာနယ်အဟောင်းတွေ လာလာယူပြီး ဖတ်သည်။ ဘာပြောပြော ကျွန်တော် သန်းကျော်ကို သဘောကျမိသည်။

အေးသီတာကတော့ သူ့အိမ်က ဆင်းရဲသလောက် တောက်တောက် ပပ ဝတ်နိုင်စားနိုင်သူ ဖြစ်သည်။ သူက သူမြေစာရင်း ရုံးမှာ စာရေးမ လုပ်သည်။ ဆိုင်ကယ်ဆိုလည်း ထိုင်းနိုင်ငံလုပ် အကောင်းစားမှ စီးသည်။ လှတာလည်း တော်တော်လှသည်။ ထို့ကြောင့်ပင် သန်းကျော်ကလည်း တန်းတန်းစွဲသည် ထင်သည်။ သို့သော် အေးသီတာက သန်းကျော်ကို ပြန်မကြိုက်။ ကြိုက်၍ လည်း မဖြစ်။ သူအခုလို ခပ်စုတ်စုတ် ရပ်ကွက်လေးမှာ လူနေခြုံကြား မှ ရွှေပေါ်မြတင် ဝတ်စားသွားလာ နိုင်အောင် ဦးဂနိုင်မင်းက နောက်ကွယ်ကနေ ထောက်ပံ့ထားသည်။ ဒါကို လူတိုင်းနီးပါး သိသည်မို့ သန်းကျော် မသိဘူးဆိုတာလည်း မဖြစ်နိုင်။ သို့သော် သန်းကျော်သည် ဘယ်နံရောအခါမှ အေးသီတာ မကောင်းကြောင်းကို မပြော။ တစ်ယောက်ယောက် ကပြောလာလျှင်လည်း သူသည် ထိုစကားဝိုင်းမှ မသိမသာပင် ဖယ်ကျဉ်သွားတတ်သည်။

ခိုင်ထူးက ဦးဂနိုင်မင်း ၏ လက်စွဲတော်ဖြစ်သည်။ သူသည် မယက ရုံးဟု ကျွန်တော်တို့ နှုတ်ကျိုးစွာ ခေါ်ဆဲ ဖြစ်သော ထွေအုပ်ရုံးမှ ညစောင့်ပင် ဖြစ်သော်လည်း သူ့ကို ထွေအုပ်ရုံးမှာ သိပ်မတွေ့ရတတ်ပေ။ သူ့ကို အခါအားလျှော်စွာ ဦးဂနိုင်မင်းနှင့် တွဲခုတ်လာသည်ကို မြင်ရတတ်သည်။ ထွေအုပ် ဥက္ကဋ္ဌကို ဦးဂနိုင်မင်းက သူတို့ အခေါ် အိပ်ကပ်ထဲ ထည့်ထားသည်ဆိုသည်။ အများနားလည်အောင် ယခုခောတ်စားသော စကားလုံးတစ်ခုကို သုံး၍ ပြောရလျှင် ဦးဂနိုင်မင်းသည် ကျွန်တော်တို့ မြို့မှာတော့ ခရိုနီ အကြီးစားတစ်ယောက်သာ ဖြစ်သည်။ ထို့ကြောင့် ခိုင်ထူး ရုံးမှာမရှိတာ ကိစ္စမရှိ။ ဦးဂနိုင်မင်း လိုချင်တာကို လိုချင်သည့် အချိန်မှာ ဆောင်ကျဉ်းပေးနိုင်ဖို့သာ အရေးကြီးသည်။ သည်အတွက် ခိုင်ထူးမှာ ငွေရွှင်သည်။ လူလေးစားသည်။ မည်သူမျှ သူ့ကို ညစောင့်ဟူ၍ မခိုးမခန့် မလုပ်ရဲ။

ဦးဂနိုင်မင်း လိုအပ်ချိန်တွင် ခိုင်ထူး ဆောင်ကျဉ်းပေးရသူ များထဲတွင် အေးသီတာလည်း အပါအဝင် ဖြစ်သည်။ ကျွန်တော်က ခိုင်ထူး အတွင်းကျကျ တစ်တစ်ခွခွ ပြောပြသမျှကို နားထောင်ပြီး ဦးဂနိုင်မင်းအပေါ် မကျေနပ်စိတ်ရှိမိသလို အေးသီတာလို မိန်းကလေးကိုလည်း သန်းကျော်နှင့် ဘယ်နည်းနှင့်မျှ မဖြစ်စေလိုပေ။ တကယ်တော့ သန်းကျော်သည် မိန်းမကောင်းလေးနှင့်သာ တန်သူဖြစ်သည်ဟု ကျွန်တော်က တွေးထားသည်။ သို့သော် သန်းကျော်ကတော့ အေးသီတာကို သာကြိုက်သည်။

အခုတလော အေးသီတာ အကြောင်းတွေ ခိုင်ထူးထံမှ မကြာခဏ ကြားရသည်။ ဂနိုင်ကြီးနှင့် သိပ်မဆင်မပြေ ဟူ၏။ အေးသီတာ တစ်ယောက် သန်းကျော်ကို ယခင်က တိုင်မှတ်လို့ပင် နှပ်မသုတ်ချင် ခဲ့သော်လည်း ယခုသော် ယုံမှတ်လို့ အရိပ်ခိုချင်လေသလော မသိ၊ သိသိသာသာ မျက်နှာသာ ပေးလာတာလည်း တွေ့ရသည်။ ကောင်မဟာ အရွယ်ကျလာပြီ ဆိုတော့ ဂနိုင်ကြီးက ပစ်ပြီလေဗျာ ဟု ခိုင်ထူးက ဆိုသည်။ သုံးဆယ် စွန်းစွန်းအရွယ်ဟာ ပန်တော်ကျ ဖြစ်သင့်သလား ကျွန်တော် မဝေခွဲတတ်ပါ။ သို့သော် အလျှင်ကတည်းက အေးသီတာသည် မွှေးလို့ ဈေးပေးကာ အဝယ်ခံခဲ့ရသည် ဖြစ်သော်လည်း လူကြားသူကြားမှာ ပန်ဖို့ မဟုတ်။ ဦးဂနိုင်ကြီး အိပ်ယာပေါ်မှာ ခေါင်းနောက်ပြေ ထိုးသော ပန်းတစ်စည်းထဲမှ တစ်ပွင့်မျှသာ။ သည်တော့လည်း မွှေးတုန်းပန်ပြီး နံတယ်ထင်သောအချိန် အပစ်ခံရပေမည်။

သို့သော် ခရေလို အကြွေပန်းကိုမှ ကောက်ယူလိုသူများလည်း ရှိပေသေးသည်။

"ကျွန်တော် နဲ့ အေးသီတာ ယူတော့မယ် ဆရာ"

သန်းကျော် စကားဆုံးတော့ ဘာမျှ မထူဆန်းသော စကားတစ်ခုကို ကြားလိုက်ရသလို ခိုင်ထူးက ဖင်ဆီခံ မီစွဲလုလု ဆေးလိပ်ကို ပြာခွက်ထဲ ထိုးချေကာ ခပ်မဆိတ်ပင် စကားမဆို။ ကျွန်တော် သန်းကျော်ကို အားတုံ့အားနာစွာပင် အင်း ကောင်းပါတယ်ကွာ ဟု စိတ်မပါ လက်မပါ စကားထောက်မိသည်။ ကျွန်တော့် ပုံစံကို ကြည့်ပြီး သန်းကျော်က အမေးစကား ဆိုသည်။

"ဆရာက သဘောမတူဘူးလား ဆရာ"

ကျွန်တော် မှာ ဖြေစရာ စကားလုံး မရှိပါ။ သို့သော် နောက်တစ်ကြိမ် အားနာစွာပင်

"အဲသည်လို တော့လည်း မဟုတ်ပါဘူး၊ ငါက"

"မင်း မှာ ချို(ဂျို) ပေါက်နေပြီလား ဟေ့ကောင်"

ခိုင်ထူးက ဒေါသနှင့် ဝင်ပြောသည်။

"ဘာလို့ ချို(ဂျို) ပေါက်ရမှာ တုန်းကွ"

"ဟ မင်း အဲသည် ကောင်မ အကြောင်း မသိဘူးလားကွ"

"သိတယ်"

ဤ 'သိတယ်' ဟူသော စကားကို သန်းကျော်သည် ခပ်လေးလေးသာ ဆိုသည်။ သူဘာတွေ တွေ နေသည် မသိ။ ကျွန်တော် ဝင်ထိန်းမှ ဖြစ်တော့မည်ဟု ထင်ပြီး တစ်ခုခုပြောဖို့ ပါးစပ်ပြင်လိုက်စဉ်မှာပင်

"ဆရာကရော ဘယ်လိုထင်လည်း ဆရာ"

"မင်းတို့ချင်း ကြည်ဖြူတယ်ဆို ပြီးတာပါပဲ ကွာ"

"သိပ်တော့ သဘောမတူ ဘူးပေါ့ဆရာ"

ကျွန်တော် သူကျေနပ်အောင် မည်သို့ဆိုရမည်ကို စဉ်းစားနေစဉ်မှာပင်

"အေးသီတာက သူ့ဘဝမှာ တစ်ခါမှ မချစ်ဖူးဘူး တဲ့ဆရာ။ ဆရာတို့ပြောတဲ့ ဂနိုင်ကြီးဆိုတာလည်း သူက ချစ်တာမဟုတ်ဘူး၊ မလွှဲသာလို့သာပါ။ ဒါ ကျွန်တော် သိပါတယ်။ သူ တခြား ဘယ်ကောင်လေးနဲ့ ဖြစ်တာများ ဆရာကြားဖူးတုန်း၊ သူ့ဘဝမှာ အချစ်နဲ့ ပတ်သက်ပြီး ကျွန်တော်က ဈေးဦးပေါက်ပါ။ ဈေးဦးပေါက်မို့ ပိုပိုသာသာ အခုကျွန်တော့်ကို တစ်ခါတည်း မင်္ဂလာဆောင်ဖို့ ပါ ပြောလိုက်တာပဲ။ ကျွန်တော် သူ့ကို ချစ်တယ်ဆရာ၊ ယုံလည်း ယုံတယ်"

"ဈေးဦးပေါက်လား ဈေးပေါင်ကျိုးလား မင်းဟာမင်းပဲ သေချာအောင် လုပ်ပါဦးကွာ၊ ဂနိုင်ကြီးသာ မပစ်ရင် မင်း သူ့ကို ရပါမလား၊ မင်းနေ့တိုင်း စာဖတ်နေတဲ့ ဦးနှောက် က အခု ဘယ်ရောက်သွားတုန်း"

"ခိုင်ထူး တော်ပြီကွာ။ သူတို့ချင်း အဆင်ပြေဖို့ပဲ လိုတာကို"

ကျွန်တော် ခိုင်ထူးကို ဝင်ဟန့်လိုက်သည်။ ခိုင်ထူး ဆက်မပြောတော့ပါ။ တကယ်တော့လည်း ခိုင်ထူးနှင့် သန်းကျော်ဆိုတာ ကျွန်တော်နှင့် မသိခင်ကတည်းက ငယ်ပေါင်းတွေဖြစ်သည်။ ထို့ကြောင့် ခိုင်ထူးက သန်းကျော်ဘက်က မခံချင်စိတ်ဖြင့် ဤမျှ ပြောနေခြင်းဖြစ်သည်။ သို့သော် မသောက်စဖူး သောက်ပြီး တော်တော်မူးနေပြီဖြစ်သော သန်းကျော် ပါးစပ်ကို ကျွန်တော် မတားနိုင်ပါ။

"သူပစ်လို့ ငါရတယ်ဆိုတော့လည်း ဘာဖြစ်လည်းကွာ၊ အဲသည်တော့ အေးသီတာက ပံ့သကူ သားလေးပေါ့ကွာ၊ ဟုတ်ဘူးလား၊ ပံ့သကူ သင်္ကန်းဆိုတာ မြတ်တယ်ရယ်လို့ ဘုရား ရဟန်းတော် ကြီးများတောင်မှ အမြတ်တနိုးဝတ်ရုံ ကြသေးတာပဲ၊ အေးသီတာက ပံ့သကူ လေးဆိုတော့ အပြစ်ကင်းတာပေါ့၊ အဲသည်တော့ ငါကလည်း အမြတ်တနိုး တစ်သက်လုံး ပေါင်းရမှာပဲ၊ ကဲ မကောင်းဘူးလားကွာ၊ ကိုယ်ချစ်တဲ့လူကို ယူရဲတာလည်း သတ္တိခေါ်တယ်ကွ"

ထိုနေ့က အိမ်ပြန်ရောက်သည် အထိ သန်းကျော်စကားများ ကျွန်တော့်နားထဲမှာ မထွက်ပါ။ ပန်းများကို မွေ့ရာ လုပ်ပြီး မိမိကိုယ်မှ ဖြစ်သော ရာဂ ပုတ္တလေးကို ခဏတာ ချော့သိပ်ကြ သူများ ရှိသလို၊ ပန်တော်ကျ ကိုပင် တစ်ပွင့်တန် မြတ်မြတ်နိုးနိုး ရင်ဘတ်မှာထိုးပြီး ယုယချင်သူ သန်းကျော်လို လူမျိုးတွေလည်း ရှိပေသေးသည်။

ဟိုတုန်းကတော့ သန်းကျော်ကို သက်သက် အပေါ်သွားမရှိသော ဇာတ်ကသည်ဟု သူအစား ကျွန်တော် ရှက်သည်။ အခုတော့ သူပြောသော အချစ် အဘိဓမ္မာကို ကိုယ့်ဟာကိုယ် အနုလုံ အဋိလုံ ဆင်ခြင်သုံးသပ်ရင်း မိမိကိုယ်ကို လိပ်ပြာရှက်သည်။

အောင်မျိုးသူလွင်

၂၆/၀၆/၂၀၁၄

ကြာသပတေး

ညနေ ၀၃:၁၇

စာဖတ်နေသူကြီး

အားအားရှိ ဖေ့ဘွတ်ပေါ်တက်ပြီး ပေါပြနေတော့ အချို့က ကျွန်တော့်ကို ပေါတောတော ထင်နေကြတယ်။ တကယ်တမ်း ကျွန်တော့်မှာ တစ်နေ့ စာဖတ်ချိန် ငါးနာရီလောက်ရှိပါတယ်။ တကယ့် စာကြီးပေကြီးတွေချည်းပဲ ဖတ်တာပါ။ အချိန်ဇယားနဲ့ကိုချပြီး တစ်ရက်ကို စာအုပ်ငါးအုပ်လောက်မှ မပြီးရင် ကျွန်တော်မအိပ်ပါဘူး။ ဒီမှာ ကျွန်တော် ပြောချင်တာက စာအုပ်စာပေမှာက သူ့အဆင့်နဲ့သူ ရှိပါတယ်။ တချို့စာအုပ်တွေက ဖတ်ရလွယ်ပါတယ်။ တချို့စာအုပ်တွေက ဖတ်ရခက်ပါတယ်။ ဘယ်လိုစာအုပ်တွေက ဖတ်ရလွယ်ပြီး၊ ဘယ်လိုစာအုပ်တွေက ဖတ်ရခက်တယ်ဆိုတာကို ကျွန်တော့်အတွေ့အကြုံနဲ့ ယှဉ်ပြီး နောက်ပိုင်းမှာ ရှင်းပြပေးသွားပါမယ်။

ကျွန်တော့်ရဲ့ စာဖတ်နည်းကို ကျွန်တော့်အဖွားဆီက ရတာပါ။ ကျွန်တော်တို့ဟာ မျိုးနဲ့ရိုးနဲ့ကို ဉာဏ်ကောင်းကြတာပါ။ အဖွားက ဘာသာရေးလည်းလိုက်စားတော့ ထီပေါက်အောင် ကိုးနဝင်းပုတီးစိတ်ပါတယ်။ တစ်ဆက်တည်းမှာပဲ ခေတ်လည်းအင်မတန်မီတဲ့ အဖွားဟာ အဲဒီတုန်းက နာမည်ကြီးနေတဲ့ တီဗွီက အခန်းဆက်လွှင့်ပေးတဲ့ ချစ်စံအိမ်ကိုရီးယားကားကိုလည်း မလွတ်တမ်းကြည့်ပါသေးတယ်။ ကိုးနဝင်းနဲ့ ချစ်စံအိမ်ကို အဖွားဟာ အချိန်မတိုက်အောင် စီမံခန့်ခွဲနိုင်ပါတယ်။ သိပ်တော်တဲ့ အဖွားပါ။ 

တစ်ရက်တော့ ပညာရှိသတိဖြစ်ခဲ ဆိုတာလို အဖွားဟာ ပုတီးစိပ်ချိန်မှာ မစိပ်မိတော့ ချစ်စံအိမ်နဲ့ ပုတီးစိပ်ချိန် သိပ်ကပ်သွားပါတယ်။ ပုတီးကလည်း အပတ်ရေ မပြည့်ဘဲ ရပ်မိရင် အဓိဋ္ဌာန်ပျက်မှာမို့ မစိပ်လို့ မရပါဘူး။ ချစ်စံအိမ်ဇာတ်ကားကလည်း ခုနစ်နာရီဆို လာမှာမို့ အချိန်နဲ့အချိန် ကြည့်ရတာမျိုးပါ။ ဒီတော့ အဖွားဘာလုပ်ပါသလဲ။ သင်္ခနုပ္ပတ္တိဉာဏ်ကောင်းတဲ့ အဖွားဟာ အိမ်မှာ ရှိသမျှ အမေ့ပုတီး၊ အဖွားပုတီး၊ နှမလေးပုတီး၊ ပုတီးဟောင်း၊ ပုတီးမကောင်းတကောင်းတွေ အကုန်စုကိုင်တဲ့ပြီး လေးငါးကုံး ထပ်စိပ်ပစ်လိုက်ပါတော့တယ်။ အခါတိုင်း တစ်ခေါက်ပဲပြီးမယ့် ကြာချိန်အတွင်းမှာ ငါးကုံးထပ်စိပ်တော့ ငါးပတ်ပြီးတယ် ပြောလို့ရတာတာပေါ့။ ဒီတော့ အချိန်တိုအတွင်း ပုတီးအပတ်ရေလည်းပြည့် ကိုရီးယားကားလည်း မလွတ်ပါဘူး။ ဒီလိုတော်တဲ့ အဖွားရဲ့မြေး ကျွန်တော်ဟာ အဖွားပုတီးစိပ်နည်းကို စာဖတ်ရာမှာ အသုံးချတော့တာပါပဲ။

ကျွန်တော်စာဖတ်တယ်ဆိုတာ စာအုပ်အဖုံးမှာပါတဲ့ စာအုပ်နာမည်တွေချည်း ထိုင်ဖတ်ပစ်တာပါ။ တစ်နေ့ကို လေးငါးအုပ် ပြီးပါတယ်။ ခေါင်းစဉ်ချည်း ဖတ်တာများကွာ စာအုပ်ဆိုင်သွားပြီး စာအုပ်အနှောင့်လေးတွေချည်း စီဖတ်ခဲ့ရင်တောင် ရတာပဲလို့ အတွန့်တက်ချင်မလားပဲ။ ဒီလိုလည်း မဟုတ်ဘူးဗျ။ ကျွန်တော်က အရုပ်မပါရင် ဘယ်စာမှ စာချည်း မဖတ်တတ်ဘူးရယ်။ စာအုပ်တော်တော်များများ အဖုံးမှာက အရုပ်ပါတယ်လေ။ အနှောင့်မှာကျ မပါဘူး။ ပြီးတော့ ဘယ်လိုစာအုပ်တွေက ဖတ်ရခက်သလဲဆိုတာကို တစ်ဆက်တည်းပြောရရင် စာအုပ်ခေါင်းစဉ်မှာ စာလုံးဆင့်တွေပါတဲ့ ဇိနတ္ထပကာသဏီ လိုစာအုပ်မျိုးဟာ ဖတ်ရခက်ပါတယ်။ မနည်းကြီးကို စာလုံးပေါင်းဖတ်ရတာဗျာ။ အခုတောင် မမှားအောင် အသေအချာကူးထည့်ပေးလိုက်ရတယ်။ ဒါတောင် အခုထိ အသံမတွက်တတ်သေးဘူးရယ်။ ကြည်အေး ရဲ့ မီ တို့၊ ဒဂုန်တာရာရဲ့ မေ တို့လို့ စာအုပ်မျိုးကျ ဖတ်ရလွယ်တယ်။ စာလုံးမများသလို စာလုံးဆင့်တွေလည်း မပါဘူးလေ။ ဒါတောင် မေ စာအုပ်ကျ စာရေးဆရာနာမည်က ဖတ်ရခက်သေးတာ။

ဘယ်သူမှ ကျွန်တော်လောက် စာဖတ်အားကောင်းမှာ မဟုတ်ပါဘူးဗျာ။ ကျွန်တော်က နေ့တိုင်း တစ်နေ့ငါးအုပ်လောက် ပြီးအောင်ဖတ်နေတာလေ။ 

စာအုပ်နာမည်တွေချည်း ထိုင်ဖတ်နေတော့ ခင်ဗျားတို့ ပြောချင်တဲ့ စာအုပ်ပြော ကျွန်တော်က သိပြီးသားပဲ။ အဲလို စာဖတ်ခဲ့တာ။

စာဖတ်တယ်ဆိုလို့ ပြောရဦးမယ်ဗျ။ စာစာနဲ့ တကယ်တမ်းဖတ်တော့ သိပ်တွေးရတာကလား။ တချို့စာတွေကို ကျွန်တော် အချိန်ကာလတစ်ခု ကြာမှ နားလည်တာရယ်။ 

ပေါကော်လီယာဆိုလားရေးပြီး ဆရာမ ဂျူး ဘာသာပြန်တဲ့ အောက်ခြေသန်းတစ်ထောင်ဆိုတဲ့ စာအုပ်ဟာဗျာ လက်တစ်ဝါးလောက်ပဲ ရှိပြီး လက်သန်းလောက်ပဲ ထူတာမို့ ကျွန်တော်လည်း စပ်ဆော့ပြီးအတွင်းသားတွေ သွားဖတ်မိပါတယ်။ အဲဒီထဲက တိုင်းပြည်မတိုးတက်ရတဲ့ အကြောင်းလေးပါး ရေးပြထားတာ တချို့ကျွန်တော်နားမလည်ဘူးဗျ။

သူပြောတာ တိုင်းပြည်မတိုးတက်တာ ထောင်ချောက်လေးခုထဲ ပိတ်မိနေလို့တဲ့။ ထောင်ချောက်တွေက (၁) ပြည်တွင်းစစ်ထောင်ချောက် (၂) သဘာဝ သယံဇာတ ထောင်ချောက် (၃) အိမ်နီးချင်းဆိုးတွေကြား ပိတ်မိနေတဲ့ ထောင်ချောက် (၄) စီမံအုပ်ချုပ်မှု ညံ့ဖျင်းတဲ့ ထောင်ချောက် တဲ့။ ဒီမှာဗျာ ကျန်တာတွေ ကျွန်တော်နားလည်ပါတယ်။ 

သဘာဝသယံဇာတက ဘာလို့တိုင်းပြည်ဆင်းရဲစေသလဲ ပေါ့။ ကျွန်တော်လုံးဝ မှကို နားမလည်ပါဘူးဗျာ။ သယံဇာတရှိရင် ချမ်းတောင် ချမ်းသာရမှာမို့လား။ အခုတော့ သယံဇာတကြောင့် ဆင်းရဲတယ်ဆိုတော့ နားမလည်ပေါင်ဗျာ။ ဒီလိုနဲ့ နေလာလိုက်တာ ဟော တစ်နေ့က စာရေးဆရာ ဦးဘုန်း(ဓါတု) က ဒေါ်အောင်ဆန်းစုကြည်ဟာလည်း တိုင်းပြည်ရဲ့ သယံဇာတလို့ ရှင်းပြလိုက်မှ သယံဇာတကြောင့် တိုင်းပြည်မွဲတယ်ဆိုတာကို နားလည်တော့တယ်။ အဲဒီလို သယံဇာတကြောင့်ကိုးဗျ။ တော်လိုက်တဲ့ ပေါကောလီယာဗျာ။ 

စာအုပ်စာပေဆိုတာ အဲလိုပါဆို။

ဒီတော့ စာဖတ်ကြပါဗျာ။ ကျွန်တော့်လောက် မဖတ်နိုင်ရင်တောင် ကျွန်တော့်ကို စံထားပြီးသာ စာဖတ်ကြပါ။ ကျွန်တော်ဆို အခုစာဖတ်သက်ရင့်တော့ စာတွေလည်း ရေးနိုင်နေပြီလေ။ ဟိုတုန်းက ကတည်းကကျွန်တော်ရေးတဲ့ စာတွေဟာ သိပ်မြင့်တော့ လူတွေနားမလည်ကြဘူးဗျ။ စာဖတ်သက်ကလည်း ကွာတာကိုး။ ပထမဆုံးရေးဖြစ်တာတော့ ရည်းစားစာတွေဗျ။ မရယ်နဲ့လေ။ ရည်းစားစာပေမယ့် ကျွန်တော်က စာတအားဖတ်တော့ အဆင့်မြင့်မြင့်ရေးတာရယ်။ ဒါကြောင့် ဘယ်ကောင်မလေးမှ နားမလည်တော့ ရည်းစားစာမှန်းတောင် သိကြတာမဟုတ်ဘူးလေ။ သူတို့ကတော့ အရှက်ပြေ ပြောကြရှာပါတယ် ကိုအောင်မျိုးကြီး လက်ရေးက သဲမြေပွပွထဲ ခွေးလက်သည်းခြစ်ထားသလိုပဲမို့ ဘာမှကို ဖတ်မရပါဘူးတဲ့။ ထားပါလေ။ အိုင်ကျူနိမ့်တဲ့လူတွေဟာ ဒီလိုပါပဲ။ ဟော နောက်တော့ ရတနာရှိရာ ပုလဲလာဆိုတာလို ကျွန်တော့်စာတွေကို နားလည်တဲ့ ကလေးမဟာ ကျွန်တော့်ရည်းစား ဖြစ်ပါရောလား။ ကျွန်တော်လည်း ကျွန်တော့် အိုင်ကျူမြင့်ရည်းစားစာကို နားလည်ပြီး အဖြေပြန်ပေးတဲ့ အဲဒီ အမြုတေလေးကို တခါတည်းဆွဲစိလိုက်တာပေါ့။ 

ဒါမျိုးလက်လွတ်ခံလို့ မဖြစ်ဘူးလေ။ သူလေးဟာ အခုအိမ်မှာ ကျွန်တော့် မိန်းမဖြစ်နေပေါ့။ ဒီတော့မှ သူ့ကို ပြန်မေးရတယ်။ မိန်းမ မင်းငါပေးတဲ့ ရည်းစားစာကို ဘယ်လိုနားလည်တုန်းလို့။

ယောင်္ကျားက မိန်းမကို လူလစ်တုန်းလာပေးမှတော့ ရည်းစားစာဆိုတာ သိတာပေါ့ အကိုရယ်၊ ရှည်ရှည်ဝေးဝေးဖတ်ကြည့်မနေပါဘူး၊ ကျမကြိုက်တော့ အဖြေပြန်ပေးလိုက်တာပဲလေ မဟုတ်လို့ ဖတ်ကြည့်ရအောင်လည်း ကျမက စာမှမတတ်ဘဲ အကိုရဲ့တဲ့။ အင်းလေ စာတစ်ပုဒ်ကို မဖတ်ဘဲ အဓိပ္ပါယ်ကောက်နိုင်တဲ့ မဒမ်အောင်မျိုး အိုင်ကျူဟာ ဘယ်နိမ့်လိမ့်မတုန်း။ ဒါကြောင့်ပဲ ကျွန်တော့်လို စာဖတ်အားကောင်းတဲ့ ကောင်ရဲ့မိန်းမဖြစ်လာတာပေါ့။

ဒီတော့ ပြောချင်တာက စာဖတ်ကြပါဗျာ။ သဘောပေါက်စေချင်တာက အပြင်မှာ မိသားစုတစ်ခုရဲ့ အဓိကကျတဲ့ အလုပ်တွေကို လုပ်နေရလို့ ပင်ပန်းမှုတွေကို တစ်ခဏတာ အပန်းဖြေတဲ့အနေနဲ့ ဖေ့ဘွတ်ပေါ်မှာ လျှောက်ပေါပြနေလို့ ကျွန်တော့်ကို ပေါတောတော မထင်ကြပါနဲ့။ တကယ်တမ်း ကျွန်တော်ဟာ စာသိပ်ဖတ်သူပါ။ တစ်နေ့ကို စာဖတ်ချိန် ငါးနာရီလောက်ရှိပါတယ်။ စာအုပ် လေးငါးအုပ်ရဲ့ ခေါင်းစဉ်တွေချည်း စာလုံးပေါင်း ဖတ်နေရုံနဲ့ ငါးနာရီကြာသလားကွာလို့ ခင်ဗျားက စောဒကတက်မလို့လား။ အဲဒါပဲလေ။ ခင်ဗျားမှ မသိတာ။ ကျွန်တော်စာဖတ်တယ်ဆိုတာ ကလေးထိန်း အနှီးလျှော်ရင်း ဖတ်ရတာဗျ။ မိန်းမက အလုပ်သွားတော့ အိမ်မှာ ကျွန်တော်က ကလေးထိန်း အနှီးလျှော်ရတယ်လေ။ 

မရယ်ပါနဲ့ မိတ်ဆွေ။ ပုခက်လွှဲတဲ့လက်ဟာ ကမ္ဘာကြီးကို ကိုင်လှုပ်နိုင်တယ်လို့ စာအုပ်ထဲမှာ ပါတယ်မဟုတ်လား။ ကျွန်တော်စိတ်ဆိုးလာရင် အကုန်ကိုင်လှုပ်ပစ်မိလိမ့်မယ်။

အောင်မျိုးသူလွင်

၁၄၊၀၆၊၂၀၁၅

တစ်သောင်းတန်

တစ်လောက သမ္မတကြီးက အရက်အစား နွားနို့သောက်ဖို့ ပြောသည်။ အရက်သည် ပြည်သူ့ အပန်းဖြေ ပစ္စည်းဖြစ်၍ နွားနို့သည် ဇိမ်ခံ ပစ္စည်းမျှသာ ဖြစ်ကြောင်း သူမသိ၍သာ ဖြစ်သည်။ အခု ဒုသမ္မတက တစ်ရက် ဝင်ငွေနှစ်ထောင် ရှိလျှင် စားဝတ်နေရေး ပြေလည်စွာ နေနိုင်ပြီ ဖြစ်ကြောင်း မြွက်သည်ကြားရသည်။ သူသည် ဈေးခြင်းတောင်းကိုင် ပြီး ဈေးဝယ်ဖူးသူ မဟုတ်သလို၊ ဆန်ဈေးတက်တာကိုလည်း ဂရုထားစရာ မလိုသော လူမျိုး ဖြစ်သောကြောင့်သာ ဤသို့ အလွဲလွဲ အမှားမှား၊ ပျက်ချော်သော စကားကို ဆိုမိတာ ဖြစ်နိုင်သည်။ ကျွန်တော်သည် သူတို့ကို အပြစ်ဆိုလိုသော ကြောင့် ယခုလို ပြောသည် မဟုတ်ရပါ။

မြန်ပြည်သမုဒ္ဒရာတွင် ဆင်းရဲတွင်း ချောက်ကမ်းပါးက နက်လှသည်ဖြစ်ရာ တော်ရုံ အပေါ်ကလူများ အောက်ကို မည်သို့မျှ ထောက်၍ မမီနိုင်ပေ။ အပေါ်ဆုံးနှင့် အောက်ဆုံးအလွာကြားမှာ လက်လှမ်း မမီတာတွေ များလှသည်။ ထိုသို့ မမီကြသူများတွင် ထိုထို လူတန်းစားများ အပြင် နောက်လူတန်းစား တစ်မျိုး၏ မမီခြင်းလည်း ရှိပေသေးသည်။

. . . . . . x . . . . . x . . . . . .

သူ့နာမည်ကား စိုးကြီးမည်၏။

သူတို့ အမေများ မွေးပဲ မွေးနိုင်ပလေ။ ဆယ့်သုံးယောက်တောင်မှဆိုပဲ။ သို့သော် 'သီးမှည့် တဝင်းဝင်း၊ သီးကင်း တစ်ဖြုတ်ဖြုတ်' ဆိုတာလို ငယ်ငယ်ကတည်းက တဖြုတ်ဖြုတ်ကြွေကုန်ကြပြီး လေးယောက်သာ အဖတ်တင်သည်။ ယောင်္ကျားလေး သုံးယောက်နှင့် မိန်းကလေး တစ်ယောက် ဖြစ်သည်။ ထိုအထဲ တစ်ယောက်သာ ကျပ်ပြည့်သည်။ မိန်းကလေး ဖြစ်သည်။ ပြီးခဲ့သောနှစ်က အငယ်ဆုံး ယောင်္ကျားလေး ဆုံးသည်။ ရွာထဲ ကတော့ သူသေတာကို စိတ်မကောင်းသည့် ကြားမှပင် ဝဋ်ကျွတ်တာပဲဟု ပြောကာ ဝမ်းမြောက်ကြသေးသည် ဆို၏။

ကျန်နှစ်ယောက်ကား စိုးကြီး နှင့် မျိုးကြီး ဖြစ်သည်။ တစ်ယောက်မှ စာမတတ်။ ကျပ်မှ မပြည့်တော့ ဘယ်စာတတ်မတုန်း လို့ ပြောစရာ ရှိသော်လည်း၊ ကျပ်ပြည့်သော သူတို့နှမလည်း စာမတတ်သလို သူတို့ မောင်နှမတတွေ ငယ်ငယ်ကတည်းက ကျောင်းဆိုသဟာကို မသိ။ နှမက အိမ်ထောင်သည်။ ထိုအိမ်မှာပင် သူတို့ညီအစ်ကို ကပ်ရပ်နေသည်။ အငယ်ကောင် မျိုးကြီး က အရက်ကြိုက်သည်။ အရက်တိုက်မည်ဆိုလျှင် ဘာခိုင်းခိုင်း ဖင်ပေါ့သည်။ စိုးကြီးက မသောက်။ သို့သော် သူကိုလည်း ပဲပေး၊ နှမ်းပေ၊ နှစ်ရာပေး၊ သုံးရာပေးနှင့် တစ်ရွာလုံးကခိုင်း ကြသည်ပင်။

ကိုင်းထဲမှာ ပဲကောက်လိုက်လို့ သူများတွေ တစ်မွန်းတည့် ရှစ်ရာ ရလျှင်၊ စိုးကြီးကို ငါးရာလောက်နှင့် ပေးကာခိုင်းနိုင်သည်။ ဤသို့ ခိုင်းသောကြောင့် အခင်းရှင်ကို မတရား ခေါင်းပုံ ဖြတ်သည် မထင်သင့်။ စိုးကြီးက ကျပ်မပြည့် ဟူသည့် အတိုင်း ရံခါ သူ့ ဗီဇကို ပြတတ်သည်။ ပူလွန်းလျှင်လည်း သူရောဂါက ဖောက်တတ်သည်။ တစ်ခါက ပဲသီးကောက်ရမည့် အစား ပဲပင်တွေ နှုတ်ပစ်ဖူးသည်ဆို၏။ နောက် သူ့ကို လူတွေ ဝိုင်းစကြလျှင်လည်း မကောက်ပဲ ပြန်သွား တတ်သည်။ ထို့ကြောင့် အခင်းရှင်တွေမှာ သူ့ကို ခေါ်သာ ခိုင်းရသည်၊ အိမ်ဖြည့် သဘောမျိုးသာ။ ယုံကြည်၍တော့မရ။

မျိုးကြီးက အရက်ကြိုက် သလောက်၊ စိုးကြီးကမူ သူ့ကို မိန်းမ ပေးစားမည် ပြောလျှင် တော်တော်သဘောကျသည်။ အပျိုရွယ်ရွယ် ရှိသော မည်သည့် အိမ်မဆို၊ ဘာခိုင်းခိုင်း ဖင်ပေါ့စွာ လုပ်ပေးတတ်သည်။ ကျွန်တော် သူ့ကိုတွေ့တော့ ရေထမ်းတံပိုး တစ်ခုနှင့် တစ်နေကုန် ရေထမ်းနေတာသာ တွေ့သည်။ ကျွန်တော်နှင့် တွေ့တော့ ကိုစိုးကြီး အသက်က ငါးဆယ်ကျော်ပြီဟု သိရသည်။ သူပြော၍ သိသည်မဟုတ်။ သူနှင့်ရွယ်တူ ရွာသားများက သူ့အသက်ကို မှန်းပြီး ပြောကြခြင်းသာ ဖြစ်သည်။ ကိုစိုးကြီးသည် မိမိ အသက်ကိုမျှ သိသူ မဟုတ်ပါ။

ကျွန်တော့်ကို ဆေးရုံကဆရာ ဟု ရွာခံတွေက မိတ်ဆက်သည့်သဘော ပြောပြတော့၊ သူခေါင်းက ဘုကြီးကို ပြရှာသည်။ ကုပေးဖို့လည်း ပြောသည်။ ကျွန်တော်က ဆေးကုသည့်လူ မဟုတ်ကြောင်း ကိုစိုးကြီးကို ပြော၍ နားလည်မည်လည်း မဟုတ်။ သူသည် စကားကိုမျှ လေးလုံးကွဲသူ မဟုတ်ပါ။

သူ့ကိုခိုင်းလျှင် အနည်းဆုံး တစ်ခုခုတော့ ပေးမှ ကိုစိုးကြီးက ကျေနပ်သည်။ နည်းသည် များသည်တော့ သိပ်စောဒက မတက်။ သို့သော် ပိုက်ဆံ တန်ဖိုးကိုတော့ သိတတ်သည်။ တစ်ထောင်တန်နှင့် လဘက်ရည် သောက်လျှင် အအမ်းတော့ ပြန်တောင်း ဖို့ သိတတ်သည်။

ရွာမှာ ကြက်ချက်ချင်လျှင် ကျွန်တော် ကိုစိုးကြီးကို ခိုင်းသည်။ ဟိုဘက် ကျွန်းက ဖရဲသီးစားချင်လျှင်လည်း နေပူကျဲကျဲ သွားဝယ်ပေး တတ်သည်။ တစ်ခါတရံလည်း ညည ငှက်ကလေးဘာလေး ရိုက်ယူလာတတ်သည်။ သူများတွေက 'မင်း ဆရာလေးဆီကကျ ပိုက်ဆံ မတောင်းဘူး' ဝိုင်းစလျှင် 'သူက ဧည့်သည်လေ' ဟု ပြုံးဖြီးဖြီး အပိုးမသတ်သော မျက်နှာဖြင့် ဖြေလေ့ ရှိသည်။ ကျွန်တော်ကလည်း မပေးဖြစ်ပါ။ ကျွန်တော်ပြန်မှ သူအံ့ဩသွားအောင် များများလေး ပေးမည်ဟု ရည်မှန်းထားသော ကြောင့်ဖြစ်သည်။ ဒါကို မသိသော်လည်း ကိုစိုးကြီးကတော့ မငြီးမငြူ လုပ်ပေးရှာပါသည်။ သို့သော် ပိုက်ဆံတော့ လိုချင်ဟန်ရှိသည်။

ကျွန်တော် ပြန်မည့်နေ့က တည်းအိမ်မှာ တရစ်ဝဲဝဲ လုပ်နေသည့် ကိုစိုးကြီးကို ခေါ်ပြီး တစ်သောင်းတန် အသစ်ကလေး တစ်ရွက် ထုတ်ပေးလိုက်သည်။ သူအံ့ဩကာ ဝမ်းသာလာမည့် မျက်နှာကို ကျွန်တော် ကြည့်နေသည်။ သို့သော် ကျွန်တော်ပေးသော ပိုက်ဆံကို သူမယူပါ။

"ယူလေ ကိုစိုးကြီး"

သူက မဝံ့ မရဲနှင့် တစ်ခုခုကိုသာ ပြောချင်နေဟန် ရှိသည်။

"ဘာလို့ မယူတာတုန်း"

ကျွန်တော် သူ့ကို မေးလိုက်သည်။

"ပိုက်ဆံပဲပေးပါ"

"ဟ ဒါပိုက်ဆံလေဗျာ"

ဘေးလူတွေလည်း ဝိုင်းရယ်ကြသည်။ ကိုစိုးကြီးက မရယ်ပါ။ လူတွေ ဝိုင်းရယ်ခံရ ခြင်းသည် သူ့အတွက် ရိုးနေပြီး ဖြစ်သည်။

"ပိုက်ဆံ ပဲပေး"

သူဒါပဲ ပြောသည်။ ကျွန်တော့် လက်ထဲက ပိုက်ဆံကို သူမယူ။

နောက်တော့မှ ကျွန်တော် စိတ်မကောင်းစွာ သဘောပေါက်သွားသည်။ သူသည် တစ်သက်နှင့်တစ်ကိုယ် တစ်သောင်းတန်ကို မြင်ဖူးသူမဟုတ်။ ထို့ကြောင့် ကျွန်တော့်လက်ထဲက တစ်သောင်းတန်ကို ငွေမမှတ်။ သူ့ကို သူများတွေလိုပဲ ကျွန်တော်က ပြောင်နောက်ကာ တခုခုကို ပေးသည် အထင်ရှိသွားဟန်ရှိသည်။ မျက်နှာလည်း မကောင်း။

နောက်ကျွန်တော် ထောင်တန် ဆယ်ရွက်နှင့် လဲလှယ်ပေးလိုက်သည်။

ပိုက်ဆံများကို အမြီးပြန် ခေါင်းပြန် စီကာ စဉ်ကာ၊ တစ်ယောက်ယောက် လုယူလိုက်မှာ စိုးသည့်အလား၊ သေချာ ခါးပုံစထဲ လိပ်သွင်းရင်းက ကျွန်တော့်ကိုပင် နှုတ်မဆက်ဘဲ သူ့အိမ်ဘက်သို့ ပြေးလေသည်။

ဤသို့၊ ထိုသို့ အနှီသို့ စိုးကြီးကို ကျွန်တော်က အမတ်မင်းများ အပျော်သောက်သည် ဆိုသော အရက်သည် သိန်းလေးဆယ်ကျော် တန်သည်ဟူသော ကြာဖူးနားဝကို ဖောက်သည်ချလျှင် လက်ခံပါမည်လော။

သိန်းဆယ်ဂဏန်းချီသော လက်ပတ် နာရီရှိပါသည်ဟု ဆိုလျှင် ကျွန်တော်ကို အရူးလို့ထင်မည်လား မပြောတတ်။

မမီတာတော့ အမျိုးမျိုးရှိသည်။ နွားနို့သမား နှင့် နှစ်ထောင်တန် လူသားတို့ မမီတာက တစ်မျိုး၊ စိုးကြီး မျိုးကြီး တို့ ညီအစ်ကို တတွေ မမီတာက တစ်မျိုး၊ ဘယ်တစ်မျိုးသည် ကောင်းပါသနည်း။ သို့မဟုတ် ကျွန်တော်တို့လို ဟိုမရောက် သည်မရောက်နှင့် အောက်ကိုကြည့်ပြီး သနားသလိုလို၊ အထက်ကို မျှော်ပြီး သွားရည်ကျသလိုလို ဖြစ်နေကြသော လူတန်းစား တစ်မျိုး၏ မီချင်ယောင်ဆောင်သော ယက်ကန်၊ ယက်ကန် အဖြစ်သည်ကော ကောင်းပါ၏ လော။ ဤသို့၊ ထို့သို့၊ အနို့သို့ သာလျှင် ကျွန်တော်သည် ဉာဏ်မီသလောက် အတွေး ထောက်မိ ပါတော့သည်။

အောင်မျိုးသူလွင်

၂၂/၀၅/၂၀၁၄

ကြာသပတေး

ည ၀၉:၅၀

အဿဒကိုရှာဖွေခြင်း

"မင်း အဲဒီ သဲတင်တဲ့ မော်တော်တွေပေါ်မှာ သွားလုပ်မလား။ တစ်နေ့ (၇၀၀) လောက်ရမှာ။ နားတဲ့ရက်မှာ သွားလုပ်လေ၊ ငါပြောပေးမယ်"

ကိုကြီး မျက်နှာကို တစ်လှည့်၊ ဧရာဝတီမြစ်ထဲက သဲစုပ်မော်တော်များကို တစ်လှည့် ကြည့်ရင်းက ကျွန်တော်တွေဝေနေပါသည်။ ကျွန်တော့်မှာ ပိုက်ဆံ မရှိပါ။ သို့သော် သည်ရပ်ကွက်မှာ ကျွန်တော် ထိုသို့ အလုပ်ကြမ်းသမားများနှင့် အတူလုပ်ရမှာကို ရှက်နေသည်။

"ကျွန်တော် မလုပ်ချင်ဘူး ကိုကြီး"

မျက်နှာအောက်ချရင်းက ကျွန်တော်ကိုကြီးကို ငြင်းမိသည်။

"မင်း မန္တလေးကို လာတာ ဘာလုပ်ဖို့တုန်း၊ အပျော်လား၊ ငါဆို အရင်က ကျောက်သယ်တဲ့ ကားကြီးတွေနဲ့ လိုက်ပြီး အလုပ်လုပ်ခဲ့ရတာ၊ မင်းက ဘာရှက်နေတာတုန်း၊ ….."

ကိုကြီးစကားတွေထက် ကိုကြီးမျက်နှာက အထင်သေးရိပ်တွေက ကျွန်တော့်ကို ပိုပြီး အနေခက်စေသည်။ လုပ်မယ်လို့ ပြောလိုက်ရ အကောင်းသား ဟု ကျွန်တော်တွေးလိုက်ပြီး ကိုကြီးကို ပြန်မော့်ကြည့်လိုက်စဉ်မှာပင်

"မင်း အမေက ငါ့ကို အပ်ထားတာ၊ ငါလည်း မင်းကို အဲလို အန္တရယ်များတဲ့ အလုပ်မျိုးကို မခိုင်းပါဘူး။ မင်းစိတ်ကို စမ်းကြည့်တာပါ"

ထို့နောက် ကိုကြီးကျွန်တော့်ကို ဘာမှ မပြောတော့။ ညီအစ်ကို နှစ်ယောက် အိမ်ဘက်ကို လမ်းလျောက်ပြန်ခဲ့ ကြသည်။

ကိုကြီးက ကျွန်တော့် အမေ၏ မောင်ဝမ်းကွဲဖြစ် ၍ အမှန်မှာ ဦးလေးတော်သည် ဖြစ်သော်လည်း ကျွန်တော်က သူ့ကို ကိုကြီးလို့သာ ခေါ်ပါသည်။ ထိုစဉ်က သူသည် မန္တလေးမှာ အိမ်ထောင်ကျပြီး မန်းစည်ပင်၏ 'အဆောက်အဦး နှင့် ကုန်ရုံ ဌာန' အောက်မှ 'ကျူး' ဟု အများခေါ်သော ကျူးကျော်ခွန်ကောက်သော အရာရှိလေးအဖြစ် နှင့် အဆင်ပြေနေစ အချိန်ဖြစ်သည်။ ဆယ်တန်းပြီးစ ကျွန်တော့်ကို အမေက ကိုကြီးနှင့်တိုင်ပင်ပြီး မန်းစည်ပင်တွင် အလုပ်တစ်နေရာ ရရေးအတွက် ထွန်းလှဂိုဒေါင်ဝင်းတွင် နေ့စားအလုပ်သမား အဖြစ် သွင်းပေးလိုက်သည်။ နေတော့ ကိုကြီးအိမ်ရှိရာ (ယခင်) စိန်ပန်းက နေပူရွာမှာနေသည်။ နေ့စဉ် စက်ဘီးဖြင့် ကျုံးတောင်ဘက်တွင် ရှိသော ထွန်းလှ ဂိုဒေါင်ဝင်းကို သွားရသည်။ ကျွန်တော့် ဘဝ၏ အခက်ခဲ ဆုံးသော ကာလများ ဖြစ်သည်။

အမေက ယောကျာင်္းဆိုတာ 'တုံးဆိုတိုက် ကျားဆိုကိုက်' လောကဓံကို ခံနိုင်ရမည်ဟူသော သဘောမျိုးရှိသူ တစ်ယောက်ဖြစ်ရကား 'ကိုယ့်ထူး ကိုယ်ချွန်' သမား ကိုကြီးနှင့် ပလဲနံပ သင့်ကာ ကျောင်းစရိတ်တွေထောင်း၍ အိမ်၏ စီးပွားရေးလည်း ခြေကုန်လက်ပမ်း ကျကာစ ဖြစ်၍ ကျွန်တော်မှာ ကျောင်းသားဘဝ လက်ကြောမတင်းခဲ့လေသမျှ စည်ပင်မှာ အောင်ခြေသိမ်း အကုန်လုပ်ရတော့သည်။

အလုပ်ဝင်သည့်နေ့မှစ၍ မြောင်းဆယ်ရသည်။ လမ်းဘေး အခွန်မဆောင် ဆိုင်းဘုတ်များ လိုက်ဖြုတ်ရသည်။ တခါတရံ ထမင်းကို လမ်းဘေးမှာပင် ပုဆိုးခင်းပြီးစားရသည်။ လူမြင်လျှင် ရှက်သောကြောင့် ရဲရဲ မကြည့်ဝံ့။ နောက်တော့ ကိုယ်လို ဘဝတူတွေ ကြားမှာ နေသားကျလာသည်။ ဒါကိုပင် ကျွန်တော်နေသော နေပူရွာမှာ စည်ပင်ရုံးနှင့် အလှမ်းကွာသောကြောင့် အရပ်ထဲမှာ အရာရှိလေး၏ ညီအဖြစ် ကိုယ့်ကိုယ်ကို နည်းနည်း ခေါင်းမော့ချင်တတ်သေးသော ကျွန်တော်က အခုလို ရုံးအားရက်မျိုးတွင် ကိုကြီးက သဲမော်တော်ပေါ် အလုပ်လုပ်ရန်ပြော သောအခါ ရှက်၍ ခေါင်းခါမိသည်။

သို့သော် ကိုကြီးက အထင်သေးစကားဖြင့် ရှုံ့ချသည်ကိုတော့ ကျွန်တော် မခံလိုပါ။ နောက်ဆို ကိုကြီး ဘာခိုင်းခိုင်း လုပ်ပစ်မည်ဟုပင် သန္တိဋ္ဌာန် ချမိပါသည်။ အဘယ်ကြောင့်ဆိုသော် ကျွန်တော့်ကို အဖေ့လို လက်ကြောမတင်း ဟု အပြောခံရမည်ကို ကျွန်တော် မခံလို။ မိမိကို အပြောမခံလို၍ထက် အဖေ့ကို သူများ အပြစ်ပြောသည်ကို ကျွန်တော်မခံနိုင် သောကြောင့်ဖြစ်သည်။

ထို့နောက်တော့ ကျွန်တော်သည် "မိန်းမလိုချင် စည်ပင်ဝင်၊ ရရာစွဲမလား 'စိမ်းလန်း' (သစ်ပင်စိုက်သော ဌာန) သွား၊ မရတဲ့ အဆုံး ဘကုန်း သုံး (ဘ/၃ - မန္တလေး မြို့သစ်၏ အပျော်မယ်များ စံမြန်းရာ ရပ်ကွက်) " ဟု ကြွေးကြော်ကြသည့် သာမန်လူများ နှာခေါင်းရှုံ့ကြသော စရိုက်ကြမ်းကြမ်း မန်းစည်ပင် နေ့စားလုပ်သားတွေ ကြားမှာ ကိုယ့်ကိုယ်ကို အထာကျအောင် နေတတ်လာခဲ့သည်။

"မင်းကို တောထဲမှာ ကျားလိုက်တယ် ဆိုပါတော့ကွာ၊ အားကုန်သုံးပြီးတော့ လွတ်အောင်ပြေးဟေ့၊ မလွတ်ရင်တော့ မင်းသေမှာပဲ။ လွတ်ခဲ့ရင်တော့ ရွာပြန်ရောက်တဲ့ အခါ တောထဲမှာ ကျားအလိုက်ခံရတဲ့ အကြောင်းကို ရယ်ပွဲဖွဲ့ ပြောနေနိုင်မှာပဲ" ဟု ကိုကြီးက ကျွန်တော့်ကို စိတ်ဓါတ်မကျရန် အားပေးသည်လားမသိ သော အဆိုပါ စကား ဖြင့် နှစ်သိမ့်ဖူးပါသည်။

ကျွန်တော် ယခု ဤစာကို ရေးနေခြင်းသည် ကျားလိုက်ခံခဲ့ရသော အကြောင်းကို ပြန်ပြောပြနေသည်နှင့် အနည်းငယ်ဆင်ဆင် တူပါသည်။ လက်ရှိ ကျွန်တော့်ဘဝ အခြေအနေသည် အင်မတန် သာယာနေသည် မဟုတ်သော်ငြား၊ 'လူရိုသေ၊ ရှင်လေးစား' ဘဝတစ်ခု တွင် နေနေနိုင်ခြင်းမှာ ကျွန်တော်မနှစ်မြို့သော၊ ကျားနှင့်တူသော အတိတ်ကဘဝ၏ ဖမ်းစားမှုအောက်မှ ကြောက်ကြောက်နှင့် ခြေကုန်သုတ်ခဲ့မိသောကြောင့် ဟု ဆိုနိုင်ကောင်းရာပါသည်။ မြောင်းထဲမှ ဘဝကို လမ်းပေါ်ရောက်အောင် ကြုံးတက်ခဲ့ရသည်ကိုသာ ပြောလိုရင်းဖြစ်၍ ကျွန်တော့်ကို လက်ရှိအခြေအနေ အပေါ် မာနတက်ပြီး ဝါ၍ဆိုသည် လည်း မထင်စေလိုပါ။

ကိုကြီးသည် ယခုသော် မန်းစည်ပင်မှာ အတော်ကြီးသော ရာထူးတစ်ခုကို ထမ်းဆောင်နေပြီဖြစ်သည်။ သူက ကိုယ့်ထူးကိုယ်ချွန်သမား လူတော် တစ်ယောက်ဖြစ်သည်။ ကျွန်တော်သည် လူတော်တစ်ယောက်ဖြစ်ဖို့ ကြိုးစားသည် မဟုတ်သော်ငြား လူညံ့တစ်ယောက်အဖြစ် အနှိမ်မခံရအောင်တော့ သတိထားဖြစ်သည်။ ပင်ကိုယ်ဗီဇအားဖြင့် တော့ ကျွန်တော်သည် လူတော်တစ်ယောက် မဟုတ်မှန်း ကိုယ့်ဟာကိုယ်လည်း ရိပ်မိတတ်ခဲ့ပါသည်။

တစ်ခါတရံ လောကဓံကို လက်မြောက်ပြီး ကျွန်တော် အိမ်ပြန်လာသော အခါ အမေသည် အပြုံးနှင့် ဆီးကြိုတတ်သော်ငြား၊ အလုပ်လက်မဲ့ အဖြစ် အိမ်မှာ ကျွန်တော့်ကို ကြာရှည် မနေစေပါ။ အမေ့ဝါဒက 'အလုပ်မလုပ်သော ယောင်္ကျားသည် လူညွန့်တုံးသော' ဟူ၏။ ထို့ကြောင့် ကျွန်တော့်မှာ အလုပ်မျိုး စုံခဲ့ရသည်။ အခက်ခဲဆုံးနေ့များကို ယခုနေ ပြန်သုံးသပ်မိသော အခါ မိမိ မတွေ့ကြုံဖူးသော အခြေအနေတစ်ခု၊ အလုပ်တစ်မျိုးတွင် နေသားကျရန်ကြိုးစားရစဉ်များ၌ အစဦးရက်များသည် ပို၍ ခက်ခဲတတ်သည်ကို မှတ်မိသည်။

စည်ပင်ဝင်စက အစဆုံးရက်မှာ မြောင်းဆယ် ရတော့ လူမှာ ရှက်လွန်း၍ ခေါင်းမဖော်ဝံ့သလို၊ ရွံလှ၍ အံလိုက်ရသည်မှာလည်း လုပ်ဖော်ကိုင်ဖက်များအကြား 'ကျောင်းသား ကတော့ကွာ' ဟုဆိုကာ ရယ်စရာ ဖြစ်ခဲ့ရသည်။

တစ်ခုသော နွေနေပူပူမှာ ကျွန်တော်သည် လက်တွန်းလှည်းလေးနှင့် ကက်ဆက်ဖွင့်လျှက် ရေခဲချောင်းသည်လည်း ဖြစ်ခဲ့ဖူးသည်။ ပထမဆုံးရက်မှာ တွန်းလှည်းနှင့် အိမ်ကထွက်တော့ ရှက်လိုက်သည့် ဖြစ်ခြင်း။ နောက်တော့ အမြတ်ငွေတွေကို ကိုယ်တိုင်ရေတွက်ရင်းက ပျော်သလိုလို နေသားကျလာသည်။

နောက်ဘဝ တဆစ်ချိုးမှာ အဖြူ အစိမ်းဝတ်လျှက် အထွေထွေလုပ်သား ရာထူးလေးဖြင့် တောရွာတစ်ရွာမှာ ကျောင်းဆရာ ဘဝဖြင့်လည်း နေခဲ့ဖူးသည်။ 'ကျောင်းဆရာ လာပဟေ့' ဆိုကာ ကားခတော့ တစ်ဝက်ကြေးပဲ ရတော့မယ်ဆိုသည့် အဓိပ္ပါယ်ဖြင့် ပြုံးစိစိကြည့်ကြသော စပါယ်ယာများကို စိုးရွံ့စွာ အနေခက်ခဲ့သည်များမှာလည်း အစဦးနေ့ရက်များပင် ဖြစ်ပါသည်။ တကယ်တော့ ထိုသို့ ခံရသည်မှာ ကျွန်တော် တစ်ယောက်တည်း မဟုတ်၊ အဖြူအစိမ်းဝတ် ကျောင်းဆရာတိုင်း ပင်ဖြစ်သည်။ အပြောမခံလိုလျှင် အဖြူအစိမ်းကို အိတ်ထဲထည့်ပြီး ရိုးရိုးအဝတ်ဖြင့် ကားခ အပြည့်ပေးစီးလိုက်ရုံသာ ဖြစ်သည်။ သို့သော် ပိုက်ဆံက အရေးကြီးသည် ဆိုတော့ သူလိုကိုယ်လို ကျောင်းဆရာတွေ ကြားမှာ နေသားကျစွာ ဖြတ်သန်းတတ်လာခဲ့သည်။

တချို့အရာများကို ကျွန်တော်တို့သည် မဖြစ်မနေ ကျော်ဖြတ်ရလေသည်။ ဓါတ်ခွဲခန်းတွင် သင်တန်းတက်စက အနံ့ဆိုးလွန်း၍ ကျွန်တော်သည် အဆောင်ပြန်ရောက်လျှင် ထမင်းမစားနိုင်။ ယခုသော် တခါတရံ အလုပ်ထဲမှာပင် နေ့လည်စာ စားသည်။ ဆောင်းတွင်းတွင် ရေချိုးလျှင် ပထမဆုံး တစ်ခွက်၊ နှစ်ခွက်သာ အေး၍ ချိုးနေရင်းက နောက်ခွက်များတွင် မအေးတော့။ သို့သော် အအေးမခံလို၍ ထိုအေးသော ပထမ တစ်ခွက်နှစ်ခွက်ကို သွန်ပြီး ချိုး၍ မဖြစ်။ ထိုအေးသော ရေခွက်များကို ချိုးပြီးမှ နောက်ခွက်များတွင် ခံနိုင်ရည်ရှိသည်။ ထိုသို့ မကျော်ဖြတ်ချင်၍ ရေမချိုးဘဲ နေလျှင်လည်း တစ်နေကုန် ငြီးစီစီနှင့် နှစ်ပါးသွားရမည်သာ ဖြစ်သည်။

လက်ရှိထက် ကောင်းမွန်သော အခြေအနေတစ်ခုကို မြင်သည်ဆိုလျှင် ကျွန်တော်တို့သည် ရဲဝံ့စွာ ပြောင်းရဲဖို့ သာလိုပါသည်။ ပြောင်းလိုက်သော အခြေအနေတစ်ခုတွင် အစဦးနေ့ရက်များ၏ စိန်ခေါ်မှုကို မလွဲမသွေ ကျော်ဖြတ်ရမည်ဖြစ်ပြီး၊ ထို့နောက်တွင် လူသည် ထိုပစ္စက္ခ အခြေအနေမှ 'အဿာဒ' ခေါ် မွေ့လျှော်ဖွယ်ကို ရှာဖွေတွေ့ရှိလာပြီး၊ ဘဝတွင် နေပျော်ဖွယ်ဖြစ်လာမည် ဖြစ်ပါသည်။ ထိုအတွက် မိမိက ဘာမှ ကြောင့်ကြ စိုက်ရန်မလို။ အဘယ်ကြောင့်ဆိုသော် သတ္တဝါ၏ သဘောမှာ 'နိကန္တိ' ခေါ် ဘဝကို တပ်မက်သောစိတ် က မွေးရာပါ ပါပြီးဖြစ်သောကြောင့် ပင်။ လိုအပ်လျှင် သို့မဟုတ် ပိုကောင်းမည် ထင်လျှင် ကျွန်တော်တို့က ပြောင်းရဲဖို့သာလိုပါသည်။

အောင်မျိုးသူလွင်

၁၈/၀၅/၂၀၁၄

တနင်္ဂနွေ

ရွှေကျောင်းပြောင်ပြောင်

သူ့အလုပ်ကို မေးတိုင်း ဓါတ်ခွဲမှူးလို့ ရင်လေးတကော့ကော့ ဖြေခဲ့ဖူးသော အဖြစ်ကို သတိရသေးတော့သည်။ ဟုတ်သည်။ အနည်းဆုံးတော့ သူသည် ဓါတ်ခွဲမှူး ဖြစ်နေသေးသည်။ ဒါသည်ပင် သူ့ကိုယ်သူ ကျေနပ်စေသော နှစ်သိမ့်တွေးလေး ဖြစ်သည်။ သူက ဓါတ်ခွဲမှူး ဆိုတော့ အေးကြည်က ဓါတ်ခွဲမှူးကတော်ပေါ့။ ဒီလိုတွေးမှပဲ သူ့မိန်းမသည် ကတော်စာရင်း ဝင်နေသေးတော့သည်။ သူသည် သူ့အတွေးနှင့်သူ ပြုံးမိသည်။

အေးကြည်ကတော့ အိမ်မှာ သိပ်ပြုံးနိုင်မည်မဟုတ်ပါ။ ဒီနေ့ သမီးလေး သိပ်နေမကောင်း သောကြောင့် ဖြစ်သည်။ နေမကောင်းလျှင် သမီးလေးက အင်မတန် 'အီ' သည်။ သူတို့ အသက်အရွယ်နှင့် ဒီသမီးလေးကို ခက်ခက်ခဲခဲ မွေးထားခဲ့ရသော ကြောင့် အေးကြည်က သမီးကို အလွန်သည်း သည်။ သူနဲ့ အေးကြည် က အိမ်ထောင်ပြု နောက်ကျခဲ့တာ တော့ မဟုတ်။ မှတ်မှတ်ရရ သူတို့ အိမ်ထောင်သက် သည် သူ့ လုပ်သက်နှင့် အတူတူ နီးပါးဖြစ်သည်။ သူအလုပ် စဝင်သောနှစ်မှာ အေးကြည် နှင့် အိမ်ထောင်ကျသည်။

ငွေကြေးလေး အဆင်ပြေနိုး ဖြင့် စောင့်ရင်းက ကလေးယူဖို့ နောက်ကျခဲ့ရသည်။ သူ့မှာရှိသည့် တက်ကြွမှုတွေ၊ မျှော်လင့်ချက်တွေ သာပြောင်းသွားသည်။ သူသည် ဒီ တီဘီဋ္ဌာနမှ မပြောင်းရသေး။ သူသည် တီဘီဋ္ဌာနမှ ပြောင်းလိုသည်။ အထူးသဖြင့် သမီးလေးကြောင့် ပို၍ ပြောင်းချင်မိသည်။ အခုလို သမီးလေး နေမကောင်းဖြစ်ကာ ချောင်းဆိုးတိုင်း တီဘီများလား ဆိုသည့် အတွေးက သူ့ကို နှိပ်စက်လှသည်။ သူတို့ တီဘီဋ္ဌာနမှာ၊ ဓါတ်ခွဲမှူးဆိုတာက ဘာမှ အကာအကွယ်မရှိ၊ အလုပ်လုပ်ကြရသည်။ အချိန်မရွေး ကူးသွားနိုင်သည်။ ကိုယ်တိုင် အတွက်ရော၊ သမီးလေးအတွက် သာမက၊ အေးကြည် ကိုလည်း တီဘီဖြစ်မှာ စိုးမိသည်။ လူနာတွေက စည်းကမ်းမရှိ။ ချောင်းဆိုးလျှင် အကာကွယ်မဲ့ ဖြစ်ကတတ်ဆန်း ဆိုးတတ်သည်။ ဓါတ်ခွဲခန်းမှာက နှာခေါင်းစည်းလေးက အစ ကိုယ်တိုင် ဝယ်သုံးရသောကြောင့် လူနာတွေကိုထား၍ ကိုယ်တိုင်အတွက်ပင် ဖောဖောသီသီ မရှိ။ ထို့ကြောင့် သူ့ဓါတ်ခွဲခန်းကို သမီးနဲ့ အေးကြည် လာလည်မှာ အင်မတန် စိုးသည်။

မနက်က အိမ်ကထွက်တော့ သမီးလေးက အေကေ ကိတ် တစ်လုံးဝယ်ခဲ့ဖို့ မှာလိုက်သည်။ ထို့ကြောင့် အိပ်ကပ်ထဲမှာ ငါးရာတန် တစ်ရွက်ကို သတ်သတ် ခွဲချန်ထားလိုက်သည်။ သမီးလေးက အချိုတော့ တော်တော်ကြိုက်သည်။ ကိတ်တစ်လုံးကို သုံးရက်မျှစားရန် မနည်း ဘရိတ်အုပ်ထားရသည်။ လကုန်လျှင်တော့ သမီးလေးအတွက် နို့ဆီတစ်ဗူးလောက် ဝယ်ရဦးမည်။ မဟုတ်လျှင် တစ်နေ့ တစ်နေ့ ဝမ်းတီးနို့ဆီ အထုပ်လေးတွေ ဝယ်ပေးရတာ မသက်သာ။

အေးကြည်ကို တစ်နေ့ တစ်နေ့ ဈေးဖိုးပေးရတာလည်း မလွယ်။ အေးကြည်သည် အမြဲ လိုငွေသာ ပြတတ်သည်။ ဈေးတွေ တက်တယ်ဟု အေးကြည်က ဆိုတတ်သည်။ ကုန်ဈေးနှုန်းတက်သော်လည်း သူတို့ တီဘီပိုး စစ်ခတွေက လိုက်တက်၍ ရသည်မဟုတ်။ သူရောက်စကလည်း ဒီအတိုင်း၊ အခုလည်း ဒီအတိုင်း။ ဒီအတိုင်း ဆိုတာက လူနာများ၏ သဒ္ဓါကြေးကို ဆိုလိုခြင်းဖြစ်သည်။ အေးလေ သဒ္ဓါကြေးပါဆို ဘယ်မှာ တက်လို့ ဖြစ်ပါမလဲ။ ဒါတောင် ကိုယ်တွေမှာ တရားဝင် ကောက်လို့ရတာမဟုတ်။ ခိုးကြောင် ခိုးဝှက်သာ။ 

ခိုးကြောင် ခိုးဝှက်ဆိုလို့ အဲဒါ တိုင်းပြည်ပိုက်ဆံ ခိုးတယ်၊ ပြည်သူကို ဘာလုပ်တယ် ညာလုပ်တယ်လို့ စွပ်စွဲလည်း ခံရမှာပါပဲ။ ပြောပိုင်သူတွေက ပြောကြပါစေပေါ့။ 'သုမန ကျောက ဒါဏ်ရာ' သူတို့မှ မသိတာ။ သေချာတွေးတတ် ရင်တော့ 'ပေါက်ပင် ဘာကြောင့် ကိုင်းရတယ်' ဆိုတာ လောက်တော့ တီးခေါက် မိကြမှာပါ။

တကယ်တမ်း ဋ္ဌာနက တရားဝင် ထောက်ပံ့သော ပစ္စည်းချည်းသာ သုံးပြီး ရောဂါစစ်ရမယ်ဆို ပစ္စည်း မပြည့်စုံ၍ အဖြေလည်း ထွက်လာစရာမရှိ။ သူသည် ဒါတွေ 

တွေးတိုင်း ဤဋ္ဌာနမှ ပြောင်းလိုသည်။ တချို့ကလည်း 'ပြောင်းလိုလျှင် ရေလောင်းပါလား' ဟု အကြံပေးကြသည်။ ရေလောင်းလို့ ရတာ မရတာ အသာထား ခက်တာက တီဘီဋ္ဌာနမှာ ဓာတ်ခွဲမှူးများသည် ကြပ်တည်းကုန်းမှာ နေသောသူလို အင်မတန် ရေရှားလေသည်။ ရေရှားသောကြောင့် ဤဋ္ဌာနကို မည်သူမျှ မလာလို၊ မည်သူမျှ မလာလို၍ လက်ရှိလူတွေ အပြောင်းခက်သည်။ သူကတော့ သူတို့ ဋ္ဌာနကို ဝန်းထမ်းများ၏ ရပ်ပစ်ရှစ်ပါးတွင် ထည့်လိုသည်။

တစ်နေ့တာအတွက် သူမပြောချင်ဆုံး "ဒီမှာ အလှူငွေလေး ထည့်ပါဦး" ဆိုသည့် စကားကို နောက်ဆုံး ပြောပြီး၊ လုပ်လက်စအလုပ်ကို လက်စသတ်၍ ဈေးဘက်ကို သူထွက်ခဲ့သည်။ ကိုကျော့် သား အငယ်ကောင် မင်္ဂလာဆောင်အတွက် လက်ဖွဲ့ ဝယ်ပြီး အိမ်မှာသွားဖွဲ့ရန်ဖြစ်သည်။ မနက်က ဆေးရုံက ဝန်ထမ်းတွေနှင့် စုပေါင်းဖွဲ့ ကြသည့် အထဲမှာသာ ထည့်ထားရသေးသည်။ ကိုကျော့် သားဆိုတော့ ဒါလောက်နဲ့ ပြီးလို့မရ။ ကိုကျော်ဆိုတာက သူနှင့် အင်မတန်ခင်သူတွေ။ ကိုကျော်က မတ္တရာ မန္တလေး လိုင်းကားတွေ ထောင်ထားသည်။ သူ မန္တလေး သွားတိုင်း ဘယ်တော့မှ ကားခ မပေးရ။

လျှပ်စစ်မီးပူ တစ်လုံးဝယ်ပြီး လက်ဖွဲ့ရန် ထုပ်ပိုးခိုင်းလိုက်သည်။ သမီးလေးအတွက် အေကေ ကိတ်တစ်လုံးလည်း ဝယ်ခဲ့သည်။ကိုကျော်တို့ အိမ်ဝရောက်တော့ အလှမွေး ခွေးလေးတွေ တပြုံကြီး သူ့ကိုထွက်ဟောင်သည်။ ဟောင်သည် ဆိုသော်လည်း ခွေးလေးများသည် ချစ်စရာပင် ကောင်းနေသေးတော့သည်။ ကိုကျော့် မိန်းမ ထွက်လာပြီး ငေါက်လိုက်မှ ခွေးလေးတွေ ငြိမ်သွားသည်။ ကိုကျော့် မိန်းမက ခွေးချစ်သူ ဖြစ်သည်။

ကိုကျော်နှင့် အိမ်ပြင်တန်းလျားမှာ ဟိုအကြောင်း ဒီအကြောင်းလေးတွေ ပြောဖြစ်သည်။ ခဏနေတော့ ကိုကျော့်မိန်းမ နို့မှုန့်ဗူးကြီး ကိုင်ပြီးထွက်လာသည်။ နို့မှုန့်တွေ ဖျော်သည်။ ခွေးလေးတွေ ခေါ်သည်။ လက်ထဲမှာလည်း ကိတ်မုန့် လှီးပြီးသားတွေ ပန်းကန်ပြားတစ်ချပ်လိုက်။ သားရေ၊ သမီးရေ ပါးစပ်က တစာစာအော်ရင်း က ခွေးလေးတွေကို အစာကျွေးနေသည်။

နို့ဖျော်နှင့် ကိတ်မုန့်။ ထိုကိတ်မျိုးသည် သူ့လက်ထဲက အေကေ ကိတ်ထက် ပိုဈေးကြီးမှာ သေချာသည်။ လက်ထဲက ကိတ်မုန့်ကို ကိုကျော်က ဘယ်သူ့ဖို့တုန်း မေးမှာကို စိုးရွံ့စွာ သူ မသိမသာ ဝှက်မိသည်။ေ

ခွးလေးတွေ တော်တော် စားကြသည်။

မဆီမဆိုင် ၊ သူ အိမ်က သမီးလေးကို သတိရသည်။

နောက်တော့ သူဟာသူလည်း ဘာဖြစ်သည်မသိ။ သူသည် မြင်ကွင်းကို မျက်နှာလွှဲမိသည်။ သူသည် ခွေးလေးများအပေါ် ဣဿာ များဝင်မိနေသလား။ မဖြစ်တန်ကောင်းပါ။ မိမိက 'မနုဿတ္တ ဘာဝ ဒုလ္လဘ' ကို ရတောင့်ရခဲ ရထားသူ။

သမီးလေးမျှော်ရော့မည်။ ကိုကျော့် ကိုနှုတ်ဆက်ပြီး သူ ထထွက်လာခဲ့သည်။ ကိုကျော်က 'ဒီတစ်ခါ ဆရာ ပြန်တာ စောတယ်' ဟုဆိုသည်။

တစ်လမ်းလုံး သူ ဘာတွေ တွေးကာ လျှောက်လာခဲ့သည် မသိ။ အိမ်ရောက်တော့ သမီးလေးက သူဝယ်လာသော ကိတ်မုန့်ကို ဝမ်းသာအားရ ပြေးယူသည်။ သူ့ရင်ထဲ နင့်သွားသည်။ အေးကြည်က အိမ်ရှေ့မှာ ဆန်ရွေးနေသည်။

"မိန်းမရေ၊ မင်း အမေတို့ ဆီက ပိုက်ဆံ နည်းနည်းလောက် ပြောကြည့်လို့ ရဦးမလား"

"အရင်ဟာတွေတောင် မကြေသေးဘူး တော့၊ ဒါနဲ့ တော်က အရေးတကြီး ဘာလုပ်မလို့ တုန်း"

"ငါ တင်ထားတဲ့ အပြောင်း အရွှေ့လေး၊ အခြေအနေသိရအောင် ရန်ကုန်ဆင်းမလား လို့ပါကွာ"

အေးကြည် သက်ပြင်းချသည်။ သမီးလေးကတော့ သူစားချင်သော ကိတ်မုန့် စားရ၍ ပျော်နေသည်။ ခါတိုင်းလို ထိုအပျော်သည် သူ့ဆီကို ဘာကြောင့် မြန်မြန် ကူးစက်မလာသည် မသိ။ သူသည် သက်ပြင်း တစ်ချက် ခပ်နက်နက်လေး ခိုးရှိုက်မိသည်။

အောင်မျိုးသူလွင်

၂၀/၀၄/၂၀၁၄

တနင်္ဂနွေ

နံနက် ၁၂:၅၈

(ဆေးဘက်ဆိုင်ရာ ဓါတ်ခွဲစစ်ဆေးသူ များ လူမှုကူညီရေး အသင်း နှစ်လည် မဂ္ဂဇင်း)

လိပ်ပြာ

အိမ်၏ အနောက်ဘက် စည်းတန်းကို ခြတွေတက်နေသည်။ ခြ သည် တဖြည်းဖြည်း အတွင်းလှိုက်စား တတ်သော သတ္တဝါဖြစ်သည်။ သူတို့ကို သနားလှလို့ မဟုတ်သော်ငြား သူများအိုးအိမ်ကို မဖျက်စီးကောင်း ဟူသော စိတ်ဖြင့် ကျွန်တော်သည် ဝင်းထရံလည်း သိပ်မပျက်သေး သည်မို့ နေသာစွာ ထိုအတိုင်းပင် ထားမိသည်။

ဟိုဘက်ခြံက မိသန်းအေး အိမ်လာလျှင်တော့ ခြတွေကို အမြင်မတော်စွာ ဝါးခြမ်းပြားနှင့် ရိုက်ချပေး သွားတတ်၍ သူ့ကို ကျေးဇူးတင်ရသည်။ မိသန်းအေး လေး အတော်လှသည်။ သိပ် ပြင်နိုင် ဆင်နိုင် မရှိသည့် ကြားမှပင် သူ့အလှက နည်းနည်း ပေါ်လွင်နေတတ်သည်။ ရပ်ကွက်ထဲမှာ မိသန်းအေးကို ပိုးပန်းသူ ပေါသည်။ သို့သော် မည်သူမျှ လာရောက်ကြောင်းလမ်းသည် ဟုမူ မကြားရ။

"အချောင် ရမလားလို့ သက်သက် သွေးတိုးစမ်း နေကြတာပါ တော်" ဟု မိသန်းအေး အမေ ဒေါ်ပေါ က တခါတခါ ဒေါပါပါနှင့် ခပ်ကြမ်းကြမ်း ဆိုတတ်သည်။ သူက ရပ်ကွက်ထဲမှာ ကျပန်း လုပ်သည်။ အချေး အငှားလည်း ထူသည်။ သူ့ဝါသနာက နှစ်လုံး သုံးလုံး။ တစ်ခါ တစ်ခါ ဘာမသိ၊ ညာမသိ ဘောလုံးပါ လောင်းလိုက်သေးသည်။

မိသန်းအေးလေး လှသလောက် သူတို့အိမ် စီးပွားရေးက ခြူခြာလှသည်။ မိသန်းအေး တို့အိမ် သာမဟုတ် ရပ်ကွက်ထဲမှာက အားလုံးလိုလို သူလို ငါလိုတွေပင် ဖြစ်သည်။ ထို့ကြောင့် မိသန်းအေးသည် ထူးပြီး စိတ်မဆင်းရဲတာလည်း ဖြစ်မည်။ သို့မဟုတ် ဆင်းရဲခြင်းမှာ နေသားကျနေတာလည်း ဖြစ်နိုင်သည်။ ဤသည်မှာ ကျွန်တော့် အထင်သာဖြစ်သည်။

"တစ်နေ့ တစ်နေ့ လုပ်ရတာ ဖတ်ဖတ်သာ မောရော အလင်မီတယ် ကို မရှိပါဘူး ဆရာရယ်" ဟု ဒေါ်ပေါ က တခါတရံ ကျွန်တော့် ရှေ့ ထုတ်ညည်းတတ်သည်။ သို့သော် သူသည် ချဲ၊ နှစ်လုံးထိုးတာကိုတော့ နည်းနည်းမှ မလျှော့။ "ဘဝ ပြောင်းလို ပြောင်းငြားပေါ့တော်" ဟုသာ ဆင်ခြေကန်တတ်သည်။

မနက် မနက် အီစမန့် ဆိုင်မှာ သူတို့အိမ် အတွက် မနက်စာ ပလာတာ လာဝယ်သော မိသန်းအေးကို ကောင်လေးတွေ ကွမ်းယာဆိုင်မှ လှမ်းနောက်ကြ သည်။ ကြာတော့လည်း ဒါမျိုးက ရိုးနေပြီမို့ မိသန်းအေး ထူးပြီး ခြေလှမ်းမှား လောက်အောင် ဖြစ်မနေတော့ပါ။ ဒီလိုပဲ ကောင်လေးများသည် မိန်းကလေးတစ်ယောက် တည်းလမ်းလျှောက်လာ တာမြင်လျှင် တဝေးဝေး တဟေးဟေး စနောက်တတ်ကြသည်မှာ ဤ ရပ်ကွက်၏ အစဉ်အလာလို ဖြစ်နေပြီ။ ဘယ်သူမှလည်း ဒါကို ဆိုးသည်ဟု မမြင်တော့။

ကျွန်တော်ကတော့ မနက် မနက် မိသန်းအေး ပလာတာ လာဝယ်တိုင်း အီစမန့် ဆိုင်ထဲမှနေ၍ ဘာရယ်မဟုတ် နည်းနည်းတော့ ငေးမိသည်။ မိသန်းအေး အိမ်လာလျှင်တော့ ကျွန်တော် မငေးရဲပါ။ အမေ့ အာ ကို ကျွန်တော် ကြောက်ပါသည်။ အမေသည် စိတ်ချရသော မိသန်းအေးကို လုပ်စရာ ရှိလျှင် ခေါ်ခေါ် ခိုင်းတတ်သော်လည်း တခြား သားရှင်များ နည်းတူ ကျွန်တော့်အား မိသန်းအေးနှင့် ရောသည်ကို မကြိုက်တတ်ပါ။ အမေက ကျွန်တော့်ကို ဂုဏ်ချင်း မသာလျှင်တောင် မျှသူနှင့်သာ သဘောတူသည် ထင်ပါသည်။ ကျွန်တော်ကတော့ ဘာရယ်မဟုတ် ကျွန်တော့်ထက် ငယ်လွန်းလှသော မိသန်းအေးကို ကိုယ့်ဘက်က စ ရမှာ အနည်းငယ် တွန့်ဆုတ်စွာပင် အဝေးမှ မသိမသာ သာ ငေးမိပါသည်။ ဤ သည်မှာ ကျွန်တော် ကိုယ့်ကိုယ်ကို ပေးသော ဆင်ခြေလည်း ဖြစ်နိုင်သေးကြောင်း နောင်သောအခါ ကျွန်တော် တွေးမိပါသည်။

အီစမန် သည် နံနက်တိုင်း မိသန်းအေး ထံမှ ပလာတာ ဖိုးလျှော့ယူ တတ်သည်။ ဒါသည် သူ့ဆိုင်ကို ရောင်းအားမြှင့် တာ ဖြစ်နိုင်သည်။ ဒေါ်ပေါ နှစ်လုံးထိုးဖို့ ပိုက်ဆံ မရှိလျှင်လည်း အီစမန်က ထုတ်ချေးပေးတတ်သေးသည်။ ရံခါလည်း အလုပ်လေး ဘာလေးပါ ခေါ်ခိုင်းတတ်သည် ဆိုသည်။ ပန်းကန်ဆေး၊ အဝတ်လျှော် စသဖြင့် ဖြစ်ပေမည်။ ကျွန်တော် သေချာမသိပါ။ မှန်း၍ ပြောပါသည်။ အဘယ်ကြောင့် ဆိုသော် အီစမန့် မိန်းမကို သူ့ဆိုင်မှာ တစ်ခါမျှ ကျွန်တော် မမြင်ဖူးသောကြောင့် ဖြစ်ပါသည်။ မန္တလေးမှာ နေသည် ဆိုသည်။ အီစမန်သည် မကြာမကြာ မန္တလေးကို ပြန်တတ်သည်။

တစ်ခါ တစ်ခါ မိသန်းအေးသည် ကျွန်တော့်ကို အဓိပ္ပါယ် ပါပါ ကြည့်တတ်သည်။ သူတို့ မိန်းကလေးများသည် ယောင်္ကျားများ သူတို့ကို ကြိုက်နေသည်ကို ဝမ်းတွင်းပါစိတ်ဖြင့် ရိပ်မိ တတ်သည် ဆို၍ ကျွန်တော် နည်းနည်းတော့ ရှက်ပါသည်။ သူက ကျွန်တော့်ထက် အပုံကြီးငယ်သည်။ ကျွန်တော် သူ့ကို ဖွင့်ပြောရ ကောင်းလေမည်လား။

ရပ်ကွက်ထဲက ကောင်လေးတွေ မိသန်းအေးကို စ လျှင် ကျွန်တော် မကြိုက်တော့ပါ။ မိသန်းအေး ပလာတာဝယ်မည့် အချိန် မှန်းပြီး အီစမန့်ဆိုင်ကို ကျွန်တော် သွားဖြစ်သည်။ မျက်လုံးချင်း မရဲ တရဲ စရံရိုက်သည်။ ထို့ထက် ပို၍တော့ ကျွန်တော် ရှေ့ မတိုးဖြစ်။ မိသန်းအေး ကတော့ နောက်ပိုင်း ကျွန်တော့်ကို မချင့်မရဲ ဖြစ်လေသလားမသိ။ 

တမင်တကာ ပင် ကျွန်တော့်ကို ရှောင်နေသည်ဟု ကျွန်တော်ထင်သည်။ သို့သော် ၎င်းမှာလည်း ကျွန်တော်က မိမိဘက်ကို မိမိ ပိုပိုသာသာလေး တွေးမိတာ ဖြစ်နိုင်သေးသည်။ ဘာပဲ ပြောပြော အမေ့ အာ ကိုတော့ ကျွန်တော်က ကြောက်ပါသည်။

ဒီလိုနှင့် ကျွန်တော်တို့ ဇာတ်မျောကြီးမှာ ရက်ကို လစားကာ၊ လကို နှစ်စားပြီး၊ အီစမန့် ဆိုင်က ပလာတာတွေကို ကျွန်တော်တို့က စားရင်း အချိန်တွေ ကုန်သွားသည်။ 

နောက်တော့ ကျွန်တော်လည်း နေပြည်တော်ကို လဝက် သင်တန်းသွားသည်။ အပေါင်းအသင်းများ၏ မင်္ဂလာဆောင်တွေ ဆက်နေသည်။ ရပ်ကွက်ထဲမှာ ကျွန်တော် သိပ်မနေဖြစ်။ 

'အောင်မျိုး ခရီးသွားနေသည်' ပေါ့။ 'သောက်သောက်စားစား လူ့မင်းသား' ဖြစ်ကာ ကြက်များလို 'ချေးကျရာ ပျော်' နေသည်။ အိမ်က အမေကိုလည်း သတိမရဖြစ်။ မိသန်းအေး ကိုလည်း မူးနေချိန်မှာ သတိရပြီး၊ အရက်နာကျနေချိန်မှာ မေ့နေသည်။ သို့သော် မိသန်းအေးသည် ကျွန်တော်အား သူ့ကို ကြာကြာ မေ့နေစေရန်ထိ ခွင့်မပြုပါ။

"မိသန်းအေး အီစမန် နဲ့ ယူတော့မယ်တဲ့ ဆရာ"

ကျွန်တော် သိပ် မယုံချင်ပါ။

"ဟ အီစမန်မှာက မိန်းမ ရှိတယ်လေကွာ"

ကျွန်တော်သည် မဆီမဆိုင် ဤသတင်း ပြောလာသူကို အော်မိ သည်။ နောက်တော့မှ အားနာ သွားရင်းက စကားပြေလေး ပြောမိသည်။

"နို့ သူ့မိန်းမ ကရော လက်ခံ သတဲ့လား"

"လက်ခံ တယ်တဲ့ ဆရာ၊ ကြည်ကြည်ဖြူဖြူ ပဲတဲ့၊ သူတို့ က တရားဝင် မိန်းမ လေးယောက်တောင် ယူလို့ ရသတဲ့ဆရာ"

"အခု မိသန်းအေး ရပ်ကွက်ထဲမှာ သတင်းကြီး နေလေရဲ့ ဆရာရေ"

နောက် သူဘာဆက် ပြောသည်ကို ကျွန်တော် ကောင်းကောင်း မမှတ်မိ နိုင်တော့ပါ။ ရပ်ကွက်ထဲမှာ အချို့က မိသန်းအေးကို အမနာပ ပြောကြ၍၊ တချို့လည်း နင့်နင့်သီးသီးတွေ တံဆိပ်ကပ်ကြသည် ဆိုသည်။ သူတို့ မိသန်းအေးကို ပြောသမျှသည် ကျွန်တော့်ကို ပြောနေကြသကဲ့သို့ ခံစားနေရသည်။

ကျွန်တော်သည် ဘယ်လိုက ဘယ်လို ရပ်ကွက်ထဲ လမ်းလျှောက်ကာ ရောက်လာမိခဲ့သည် မမှတ်မိပါ။ ကိုယ့်ကိုယ်ကို အပြစ်ရှိသူ တစ်ယောက်လို ပြစ်တင် မောင်းမဲ စွပ်စွဲရင်းက စိတ်ပေါက်ပေါက်နှင့် မျက်စိအောက် ရောက်လာသော အချိုရည်ဗူးခွံကို တအားကျုံးကန် မိသည်။ အချိုရည်ဗူးသည် ကျွန်တော့်ကို အာခံ လိုသည် ထင့်။ ဝေးဝေးသို့ မပြေးမူဘဲ လည်ကန် လည်ကန်နှင့် အနားနီးနီးက ခြေထောက် တစ်စုံ ရှေ့မှာ ရပ်သွားပါသည်။

မိသန်းအေး။

ကျွန်တော်သည် ဆွံ့အ သူ တစ်ယောက်လို ထိုနာမည်ကို စိတ်ထဲက ရွတ်ဆိုလိုက်မိ သော်လည်း နှုတ်ဖျားမှ အသံ ဖြစ်မလာပါ။

မိသန်းအေးသည် ကျွန်တော့်ကို အဓိပ္ပါယ် ပါပါ ကြည့်ပြန်ပါသည်။ ဒီတစ်ခါ သူ့အကြည့်မှာ ကျွန်တော် မသာယာနိုင်ပါ။ ထို့အတူ သူလည်း ရွှင်ပြစွာ ရှိမနေပါ။ ကျွန်တော်သည် 

အပြစ်ရှိသူ တစ်ယောက်လို ခေါင်းငုံ့ လှည့်ထွက်ခဲ့မိ ပါသည်။

*****

အိမ် အနောက်ဘက် ခြံစည်းရိုးမှာ ခြတွေ တစ်နေ့ တခြား များလာသည်။ ခြံဝင်းကတော့ သိပ် ပျက်သည် မထင်ရသေး။ ခြ သည် အတွင်းကို လှိုက်စားတတ်သော သတ္တဝါဖြစ်သည်။

အခု မိသန်းအေး မရှိတော့ပါ။ ကျွန်တော်သည် ဤခြများကို ကိုယ်တိုင်ပင် ဖယ်ရှား ရပေတော့မည်။ မဟုတ်လျှင် ခြံစည်းရိုးသည် ဘိုင်းဘိုင်း လဲပေတော့မည်။ အိမ်မ ဘက်ကိုလည်း ကူးလာနိုင်သည်။ နောက်ဆိုလျှင် ခြမတက် နိုင်စေရန် ခြံစည်းရိုးကို ရေနံ သေချာသုတ်မှ ဖြစ်တော့မည်။

အောင်မျိုးသူလွင်

၀၅/၀၄/၂၀၁၄

စနေ