"မောင် မနဲ့ မင်းကောင်မလေး ဘယ်သူ့ကို ပိုချစ်တုန်း ပြော"
စိတ်လိုလက်ရရှိသည့်အခါ မ က ကျွန်တော့်ကို မောင်ဟု တစ်လုံးတည်းခေါ်တတ်သည်။ အထူးသဖြင့် နှစ်ယောက်တည်းရှိသည့်အခါ ယခုလို ကြာမူပါပါ မကြာမကြာ မေးတတ်သည်။ မ ၏ အမေးမှာ မရေရာမှုမပါ။ အားငယ်မှု နတ္ထိ။ ယုံကြည်မှု အပြည့်ရှိသည့် ပုံမျိုး။
ကျွန်တော်က မ အမေးကို နှုတ်ဖြင့်ဖြေလေ့မရှိပါ။ ဤမေးခွန်းမျိုးကို မည်သို့ဖြေအပ်သည်ကို ကျွန်တော် ကောင်းစွာသိပါသည်။ မ ကကျွန်တော့်အတွက် အရာရာဖြစ်သည်။ မ သည် ကျွန်တော့်ကို လောင်မြိုက်မှုပေးသော စွမ်းအင်ဖြစ်သလို၊ မ သည် ကျွန်တော့်အား အေးချမ်းမှုပေးသော အငြိမ်းဓါတ်လည်းဖြစ်သည်။ ရေစက်စက်ကိုယ်ကို အမွေးပွ တဘက်ဖြင့် ခပ်ဖွဖွပတ်ရင်း ရေချိုးခန်းထဲမှ ဟန်ပါပါ ထွက်လာတတ်သော မသည် ကျွန်တော့်အတွက် စွမ်းအင်တစ်မျိုးဖြစ်သလို၊ အိပ်ရာတစ်ခုကို အတူမျှသုံးရင်း အချစ်လှိုင်းတံပိုးတွေကြား တက်ကုန်ဖွင့်၊ ခြေပစ်လက်ပစ်ကျသော ညများမှာ အတူတူ သောင်ကမ်းရောက်တော့ ယဲ့ယဲ့လေးပြုံးပြသော မ မျက်နှာက ကျွန်တော့်ကို အငြိမ်းဓါတ်ပေးပြီးကြောင်း သင်္ကေတဖြစ်သည်။
မ နှင့် ပတ်သက်မိပြီးကတည်းက အီစီကလီ၊ အတည်အကြည် မည့်သည့်ရည်းစားကိုမှ ကျွန်တော် သွားမတွေ့ဖြစ်တော့ပါ။ ထို့အတွက် ကျွန်တော့်ကို သစ္စာရှိသူဟု ဆိုအပ်သည်လည်း မထင်မိ။ သိဝိမင်းသည် ဥမ္မဒန္တီကို မြင်ပြီးရူးသကဲ့သို့၊ နတ်သုဒ္ဓါစားမိသော မင်းသား လူ့ပြည်က အစာတွေကို ခံတွင်းမလှိုက်တော့ သလိုမျိုး၊ ကျွန်တော်သည် မ မှလွှဲ၍ အခြားကို မနှစ်သက်နိုင် သောကြောင့်သာ ဖြစ်သည်။ မသည် ကျွန်တော့်အတွက် ခန္ဓာဗေဒ လိုအပ်ချက်တစ်ခုဖြစ်သလို၊ မ သည် ကျွန်တော့် ဆန္ဒလှိုင်းကြမ်းများ ကွန်းခိုရာ သောင်ကမ်းတစ်ခု။ မ မှာ နှစ်သိမ့်တတ်သော နူးညံ့မှုတစ်ခု ရှိသည်။
-------
ကျွန်တော်နဲ့ ပြန်တွေ့တော့ အနှင်းပြောတာ သိပ်ပျော်တာပဲတဲ့။ အဲဒီတုန်းက စစ်ကိုင်းတံတား အနောက်ဘက်ခြမ်းက လေညှင်းခံနေရာလေးမှာ။ အကို့ အရင်ရည်းစားနဲ့ ပြတ်သွားပြီလားဆိုတော့ ကျွန်တော် ခေါင်းညိတ်မိသည်။ အနှင်းကို ဘာလို့လာတွေ့တာတုန်းဆိုတော့ သတိရလို့ပေါ့ ဟုပြန်ဖြေမိသည်။ ဧရာဝတီမြစ်ပြင်ကို ဖြတ်တိုက်လာသော လေသည် ကျွန်တော်တို့ နှစ်ယောက်ကြားမှ ခပ်သုတ်သုတ်လေးဖြတ်တိုးသည်။ အနှင်းက ထိုလေကို မရှုစိမ့်လေဟန်ဖြင့် ကျွန်တော့်ဘက်ကို တိုးကပ်လိုက်တော့ ကျွန်တော့်လက်က သူ့ခါးပေါ်ရောက်ပြီး၊ သူ့ဆံပင်လေး ကျွန်တော် ငုံ့နမ်းမိတာ သတိရသည်။ ကျွန်တော်တို့ နှစ်ယောက် ရည်းစားဖြစ်ဖို့ ချစ်တယ်ဆိုသော သမားရိုးကျ စကားမလိုပါ။ အရင်ရည်းစားနှင့် ပြတ်သွားပြီဟူသော ကျွန်တော့် စကားက အနှင်းအတွက် သိက္ခာ ဖြစ်သည်။ သို့သော် လက်ရှိ မ နှင့် တွဲနေပါသည်ဟူသော အဖြစ်ကမူ မမျှော်လင့်ဘဲ ကျွန်တော်၏ ဝှက်ဖဲတစ်ခု ဖြစ်နေခဲ့သည်။ ကျွန်တော့်ဘက်က သစ္စာတရားအဖြစ် ယခုလို လိမ်ကွယ်ပြောရန် တမင် မရည်ရွယ်ကြောင်းနှင့် ထိုအချိန် အနှင်းဆံပင်နှင့် ကိုယ်နံ့သင်းသင်းလေး၏ ဖျားယောင်းမှုကို တပ်မက်ခဲ့မိကြောင်း ဘယ်အချိန်မဆို ဝန်ခံရန် အသင့်ရှိပါသည်။
အနှင်းက "အကို့ကို တစ်သက်လုံး ဒီလိုပဲ ဖက်ထားချင်တယ်" တဲ့။ အနှင်းကို သိပ်ချစ်တာပဲ ဆိုတော့၊ အကို့ ကိုလည်း ချစ်နေတာ ကြာပေါ့တဲ့။ သူလိမ်မပြောကြောင်း ကျွန်တော်ယုံပါသည်။ ကျွန်တော်နဲ့ အနှင်းတွေ့ကြတိုင်း တောင်ပေါ်ဘုရားမှာ တရုတ်စကားနံ့လေးတွေ သင်းလို့။
--------
မ က ကျွန်တော့်ကို "မောင်က အိပ်ရာထဲမှာ ကျားပဲ" တဲ့။ "ဂါး" ဆို ကျွန်တော်က လူသားစားလိုဟန် အမူအယာလုပ်တော့၊ အဟုတ်ပဲ ကိုက်လိုက်တော့မှာ ကြောက်ဟန်ပြုပြီး မ က ကျွန်တော့်ကို တွန်းလွှတ်သည်။ ငြိမ့်ငြိမ့်လေး မျောမလား၊ ကြမ်းကြမ်းလေး စီးမလား အချစ်အာဏဝါကြောမှာ လေအေးစက်နံ့လေး သင်းလို့။
မ နဲ့ ကျွန်တော့်ကြားမှာ ခြားထားအပ်သောအရာမရှိ၊ ပကတိနားလည်မှုတွေရှိခဲ့သည်။ ကျွန်တော်နဲ့ အနှင်းအကြောင်း မ ကိုဖွင့်ပြောပြီးနောက်ပိုင်း မ ကအခုလို ခဏခဏ မေးတတ်သည်။
"မောင် မနဲ့ မင်းကောင်မလေး ဘယ်သူ့ကို ပိုချစ်တုန်း ပြောစမ်း" တဲ့။
တစ်ခါတလေတော့ ကျွန်တော့်စိတ်ထဲ သိပ်ခံစားရသည်။ မ က ကျွန်တော်အချစ်ကို မယုံဘူးလား။
"မ မျက်လုံးတစ်ဖက် မှိတ်ထားပေး"
"ဘာလို့တုန်းမောင်ရဲ့"
"မှိတ်ပါဆို"
"အင်း"
"မောင့်ကို မြင်ရလား"
"ဒီဘက် မျက်လုံးက ဖွင့်ထားတာပဲဟာ မြင်တာပေါ့မောင်ရဲ့"
"အဲဒါဆို အဲဒီဘက် မျက်လုံးမှိတ်၊ ဟိုဘက်မျက်လုံး ပြန်ဖွင့်၊ မြင်ရလား မောင့်ကို ပြော"
"မြင်ရတာပဲလေ မောင်ရဲ့"
"ဒါဆို မ ကို မောင်မေးမယ်"
"အင်း"
"မ ဘယ်ဘက်မျက်လုံးနဲ့ ညာဘက်မျက်လုံး မှာ ဘယ်ဘက်က ပိုကြည့်ကောင်းပြီး၊ ဘယ်ဘက်က ပိုသန်တုန်း"
"အို့ မောင်ကလည်း မျက်လုံးပါဆို၊ လက်လို ဘယ်သန်ညာသန် ဘယ်ရှိမတုန်း၊ နှစ်ဘက်လုံး အတူတူ မြင်တာပေါ့လို့"
"မ ရော အနှင်းပါ ကျွန်တော့်အတွက်တော့ မျက်လုံးတွေလိုပဲ မရဲ့။ မျက်လုံးမှာ ဘယ်သန်၊ ညာသန် မရှိသလို၊ ကျွန်တော့်မှာ ဘယ်သူ့ကို ပိုချစ်တယ်ဆိုတာ မရှိဘူး၊ ဘယ်တစ်ယောက်ကို အဆုံးရှုံးခံနိုင်တုန်းလို့ မေးရင်လည်း ကိုယ့်ခန္ဓာကိုယ်မှာ ဘယ်မျက်လုံးကို အလိုမရှိဘူးတုန်းလို့ မေးတာကို ဖြေရမလိုပဲ၊ အဲဒါကြောင့် မောင့်ကို ချစ်ရင် အဲဒါမျိုး မမေးပါနဲ့လား၊ တစ်ယောက်ယောက်မရှိတဲ့ဘဝမှာ မောင်ဟာ တစ်ဖက်လပ်ကြီးလို ဖြစ်နေမှာပဲ၊ မောင်က မကို ချစ်ပါတယ်၊ မ က မောင့်မျက်လုံးလေ၊ မ မရှိရင် မောင့်ဘဝ မပြည့်စုံနိုင်ဘူးပေါ့"
"ကျားပေါက်ကလေးဟာ စကားလည်း သိပ်တတ်တာပဲ" တဲ့။ မ က ကျွန်တော့်ကို တင်းတင်းဖက်ရင်း ပြောတာလေ။
--------
ခံစားချက်ရှိတော့ စကားဆိုတာ အလိုလိုထွက်လာတာပါပဲ မရယ်။ ဒါပေမယ့် အနှင်းကတော့ ငယ်တယ်လေ။ ငယ်တာမှ ကျွန်တော့်ကို ချစ်တာကလွဲရင် ဘာမှ နားမလည်လောက်အောင် ငယ်တာကလား။ ကလေးလေးကို တစ်ခုခု ဖုံးကွယ်ထားရတာ ကျွန်တော် စိတ်မလုံခဲ့ဘူးပေါ့။ မ လောက့် အနှင်းမှာ ရင့်ကျက်မှုမရှိသလို၊ တကယ်လို့ အခြေအနေကို အရင်းအတိုင်း အနှင်းသိသွားတဲ့အခါ မ လောက် တည်တည်ငြိမ်ငြိမ် လက်ခံတတ်ပါမလား၊ လောဘကြီးတယ်ပဲ ဆိုဆို စိုးရိမ်စွာ ကျွန်တော်တွေးမိသည်။
အနှင်းရယ်၊ ကျွန်တော် ရယ်၊ မ ရယ် သုံးယောက်တွေ့ကြမယ့်နေ့က မ ရဲ့ နားလည်နိုင်မှုကို ကျွန်တော့် နှလုံးသားမှာ အခုထိ သတိရနေတုန်း။ အနှင်းက ကျွန်တော့်ဆီ ဆိုင်ကယ်နှင့်လာသည်။ မ ကတော့ သူစီးနေကျ ကားနဲ့ပေါ့။ တစ်နေရာရာကို သွားဖို့ဆို အနှင်းကတော့ မ ကားပေါ် ဘယ်နည်းနဲ့မှ တက်လိုက်မှာ မဟုတ်ဘူးလေ။ ဒါဆို….။
"မောင် ဆိုင်ကယ်မောင်းပေးခဲ့လေ၊ လမ်းမှာ ကားရှုပ်တယ်"
မလို မိန်းမမျိုးနှင့် ချစ်ခဲ့မိသော ကျွန်တော်ဟာ တစ်ချိန်က ကံအကောင်းဆုံး လူသားတစ်ယောက် ဖြစ်ခဲ့ဖူးပါသည်။
"အကို့ကို သိပ်ချစ်ခဲ့တာပဲ၊ လက်ထပ်မယ်ဆို ဘာဖြစ်ဖြစ် အနှင်းက ချက်ချင်းအကို့ဆီ လိုက်လာမယ်တောင် စိတ်ကူးခဲ့တာ"
"အနှင်းမှားတာပါ၊ အနှင်းက အကို့အကြောင်းကို သေချာမှ မမေးဘဲနဲ့ ….."
အနှင်းစကားတွေကို လက်ခံဆွေးနွေးဖို့ ကျွန်တော့်မှာ စကားလုံးမရှိပါ။ အနှင်းကို လက်ခံလာအောင်လည်း ကျွန်တော် ပြောမပြတတ်ပါ။ အနှင်းမျက်ရည်ကျလျှင် ကျွန်တော့်စကားတွေ ဆွံ့သွားတတ်သည်။ ကျွန်တော်က အနှင်းကိုပျော်အောင်ပဲ ထားချင်တာလေ။ အနှင်းကို ကျွန်တော် သိပ်ချစ်တာပေါ့။
တစ်ရက်တော့ အနှင်းက ကျွန်တော့်ကို မချစ်တော့ဘူးတဲ့။ သူပြောတာကို ကျွန်တော်မယုံပေမယ့် အနှင်းက ကျွန်တော့်ကို အတွေ့မခံတော့ပါ။
မ က ကျွန်တော့်ကို ဒီည နောက်ဆုံးလို့ မှတ်ရအောင် မောင်ရယ်တဲ့။ ကလေးမလေးက မောင့်ကို သိပ်ချစ်တာဆိုပဲ။ ကျွန်တော်က မ ကို တစ်ခါဖူးမှ မချော့ဖူးတော့ အဲသည်အချိန် မ ကျေနပ်အောင် ဘာပြောရမှန်းမသိ။ ဒါဆို မ ကလည်း ကျွန်တော့်ကို မချစ်တော့ဘူးလား ဆိုတော့ မျက်ရည်တွေကြားမှာ မ က ပြုံးလို့။
ကျွန်တော်ဟာ အခုဆို အချစ်နဲ့ ပတ်သက်တဲ့ မျက်စိတွေ စုံးလုံးကန်းသွားပေါ့။ မ နဲ့ အနှင်းမှ မဟုတ်တဲ့ ပတ်သက်မှုမျုိးတွေမှာ ကျွန်တော်စိတ်တွေ ကောင်းကောင်းပျော်ဝင်လို့ မရ။
တစ်ခါတလေ သိပ်လှတဲ့ ကောင်မလေးတွေ တွေ့တဲ့အခါ ချစ်ကြည့်ဖို့ ကျွန်တော် ကြိုးစားကြည့်တယ်။ ဒါပေမယ့် သူတို့က ဘာလို့ အနှင်းလောက်မလှတာတုန်း။
စိတ်ထဲ လှိုင်းတံပိုးတွေ ထတဲ့အခါ မလို ဆီးပြီးနှစ်သိမ့်ပေးမည့် သဲသောင်နုနုမျိုးကို ကျွန်တော်အခုထိ ရှာလို့မတွေ့တော့။ ကျွန်တော့်မှာ အချစ်နဲ့ ပတ်သတ်လို့ အမြင်တွေ ကွယ်နေပြီကိုး။
လောကဆိုတာ အကျယ်ကြီးတဲ့။ မနုဿတ္တဘာဝ ဒုလ္လဘဆိုပေမယ့် ဒွိယံဒွိယံ တွဲစရာ ဆန့်ကျင်ဘက် လိင်တွေ ကျွန်တော့်ပတ်ဝန်းကျင်မှာ အများသား။ သူတို့ကို ကျွန်တော် ဘာလို့ အနှင်းလောက် လှတယ် မထင်မိတာလဲ။ ဘာလို့ မ လောက် နှစ်သိမ့်တတ်လိမ့်မယ် တွေးလို့မရတာလဲ။
---
တပည့်က ဆရာ့ကိုမေးတယ်။ ဟောဟို သစ်ပင်နဲ့ ရေပြင် ဘယ်ဟာက လှုပ်နေတာတုန်းတဲ့။ ဆရာက ပြန်ဖြေတယ်။ သစ်ပင်က လှုပ်တာလည်း မဟုတ်၊ ရေပြင်က လှုပ်တာလည်း မဟုတ်၊ မင်းစိတ်က လှုပ်နေတာတဲ့။ ဒါဆို အနှင်းလောက်မလှတာလည်း မဖြစ်နိုင်၊ မ လောက် နှစ်သိမ့်မှုမပေးတတ်တာလည်း မဖြစ်နိုင်။ ကျွန်တော့် အချစ်နဲ့ပတ်သတ်တဲ့ အမြင်က ဝါးနေတာပဲ ဖြစ်ပေမည်။
ကျွန်တော် အနှင်းကို နှစ်သက်စွာ ချစ်ခဲ့သလို၊ ကျွန်တော် မ ကို တပ်မက်စွာ ချစ်ခဲ့ပါသည်။ အချစ်သည် ကျွန်တော့်နှလုံးသားကို ခပ်ပြင်းပြင်းလှုပ်စေခဲ့သည်။ ကျွန်တော့်မှာ ရည်းစားနှစ်ယောက် ရှိခဲ့ဖူးပါသည်။
သူတို့နှစ်ယောက်ထဲက ဘယ်သူ့ကို ပိုချစ်လဲလို့သိချင်တဲ့အခါ ခင်ဗျား ဘယ်မျက်လုံးနဲ့ ညာမျက်လုံး ဘယ်တစ်ခုက ပိုသန်တုန်းစဉ်းစားပြီးမှ ကျွန်တော့်ဆီလာပါ။ ဘယ်သူ့ကို အဆုံးရှုံးခံနိုင်တုန်းလို့ မေးချင်တဲ့အခါ ခင်ဗျားကိုယ်က မလိုချင်တော့တဲ့ မျက်လုံးတစ်လုံးနဲ့အတူ ကျွန်တော့်ကို လာမေးပါ။ အခု ကျွန်တော်ဟာ အချစ်မျက်မမြင်တစ်ယောက်ပါ။
အောင်မျိုးသူလွင်
၀၆/၀၅/၂၀၁၅
ဗုဒ္ဓဟူး
