"မိန်းမရေ၊ ငါသည်နေ့ ရွှေဘဲမှာ နေ့လည်စာ စားခဲ့တာဟေ့"
ခပ်ကြွားကြွားလေး ကျွန်တော်ဆိုလိုက်တော့ မော်လေးက ကျွန်တော့်ကို မော့်ကြည့်ပါသည်။
"ဘဲကင်ရယ်၊ ဆိတ်သားရယ်၊ ငါးကိုအကောင်လိုက် ထည့်ပြုတ်ထားတဲ့ဟင်းချိုကို မီးဖိုကြီးလိုက်ချပေးတာရယ်ကွာ၊ နောက် ဂဏန်းကိုလုံးကြော်ထားတာလား ဘာလားမသိတဲ့ဟာတစ်ခုရယ်ကွ"
မော်လေးက ဆိတ်ဆိတ်သာ နားထောင်နေပါသည်။
"ပိုက်ဆံရှင်းတော့ တစ်သောင်းတန်တွေကို ဖွေးခနဲ့ပဲကွာ၊ ငါတို့လင်မယား လဝက်စာ အသုံးလောက်တော့ အသာလေးရှိမယ်ကွ"
သူသည် စိတ်ဝင်စားဟန်ဖြင့် အနည်းငယ် လှုပ်လှုပ်ရှားရှား ဖြစ်သွားပါသည်။
"ခင်ရာမင်ကြောင်း မိတ်ဆွေလေးတွေ မန္တလေးကို လာတုန်း၊ သူတို့က ကျွေးသွားတာပါကွ"
"သိပါတယ်၊ ရွှေဘဲဆိုကတည်းက ကိုကြီးပိုက်ဆံနဲ့ မစားနိုင်မှန်း"
"ဟာ မင်းကလည်းကွာ၊ ငါအခုပြောမှာ အဲသည်အကြောင်းပဲကွ၊ တို့မြန်မာနိုင်ငံမှာ လူတန်းစားကွာဟမှုကို သုံးသပ်ပြမလို့"
ကြားနေကျပုံပြင်တစ်ပုဒ်ကို ကြားရတော့မည်ကဲ့သို့ သူ့ထံမှ ထူးခြားသော စိတ်ဝင်စားမှုကို ကျွန်တော်မရပါ။ ထိုအတွက် ကျွန်တော်က သူ့ကို စာဖတ်သက်နုသည်ဟု အရှက်ပြေ တံဆိပ်ကပ်ထားပြီးသားမို့ ကိုယ့်စကားကို သူစိတ်မဝင်စားခြင်းအတွက် ထူးပြီးလည်း ရှက်မနေတော့ပါ။ ကျွန်တော်ပြောသော စကားများသည် သူ့အတွက် နည်းနည်း မြင့်ကောင်းမြင့်နေပါလိမ့်မည်ဟု တွေးယူပါသည်။ တကယ်လည်း မော်လေးက စာဖတ်သက်နုပါသည်။
"ဒီလိုကွာ မင်းစဉ်းစားကြည့်၊ ငါတို့စားခဲ့တဲ့ဟင်းတွေမှာ ငါးပြားတစ်ကောင်ငါးဆယ်သားလောက်ကို မင်းဈေးမှာဝယ်ရင် ဘယ်လောက်ပေးရမတုန်း၊ အလွန်ပေးရလှ ခြောက်ထောင်ပေါ့"
"ဆိတ်သားက တစ်ဆယ်သားလောက်ကိုထောင့်နှစ်ရာလောက်ပေါ့ကွာ"
"ဘဲက လွန်ရောကျွံရော တစ်ကောင်ကိုသုံးထောင်"
"ဂဏန်းကလည်း သုံးထောင်လောက်ထား၊ ထမင်းရောပေါင်းမှ ငါတို့အကုန်လုံးစားတာ အရင်း တစ်သောင်းခွဲ၊ နှစ်သောင်းထက်မပိုဘူးရယ်"
"အခု သူတို့ ပိုက်ဆံရှင်းတော့ ငါကြည့်လိုက် တာမှာ တစ်သောင်းတန် ငါးချပ်ထက် မအောက်ဘူးရယ် သေချာတယ်"
"အဲဒါဘာဖြစ်တုန်း"
"ဟ မင်းစဉ်းစားကြည့်လေကွာ၊ ဒီလောက်စားစရာကို ဒီလောက်ဈေးတင်ထားတာဟာ တော်ရုံလူမစားနိုင်အောင်လုပ် ထားတာပေါ့ကွ"
"မင်းနဲ့ငါ အလုပ်ပြန်တိုင်း ရွှေဘဲရှေ့က နေ့တိုင်းဖြတ်နေတာ ဘယ်မှာဝယ်စားနိုင်လို့တုန်း၊ အခုငါတောင် သူများကောင်းမှုနဲ့ စားရတာ"
"တကယ်က အဲဒါ လူတန်းစားကို သက်သက်ခွဲပစ်လိုက်တာပဲကွ၊ ငွေနဲ့လေ ငွေနဲ့"
"နားမလည်ပါဘူးကိုကြီးရယ်"
"ဒီလိုကွာ မင်းနားလည်အောင်ပြောရရင်၊ အခုမင်းမှာ ဖုန်းရှိတယ်၊ ငါ့မှာလည်းရှိတယ်မို့လား"
"အင်းလေ"
"အရင်ကဆို ငါတို့ ဘယ်မှာ ဖုန်းကိုင်နိုင်လို့တုန်း"
"ဒါကတော့ အရင်က ဈေးကြီးတာကိုး ကိုကြီးရဲ့"
"အေး အဲဒါ လူတန်းစားခွဲထားတာပဲကွ၊ မင်းမြင်အောင်ကြည့်၊ ဖုန်းဈေး တက်တယ် ကျတယ်ဆိုတာ သူ့တို့ ပါးစပ်ထဲမှာရှိတာ၊ ဖုန်းဈေးကို မတန်တဆလုပ်ပြီး ခါးမှာဖုန်းချိတ်ထားတာနဲ့ ဒီကောင်ဘာကောင်ဆိုပြီး တန်းသိအောင်လုပ်တာဟာ ဒါလူတန်းစားခွဲပစ်လိုက်တာ၊ မင်းအဲသည်လောက်အထိ မြင်အောင်ကြည့်ဖို့လိုတယ်ရယ်"
"လူတစ်စုပဲ သုံးဆောင်ခံစားနိုင်အောင်လုပ်ထား တာဟာ၊ လူတန်းစားခွဲတာပေါ့နော်"
"ဟ ဒါပေါ့ကွ၊ အဲဒါမျိုးကိုခွဲတယ်မခေါ်ရင် ဘယ်ဟာကို ခေါ်မတုန်းကွ"
မော်လေးသည် တွေတွေလေး ဖြစ်သွားပါသည်။ အသိဉာဏ်နုရှာလေသူ မယားအလှကို အားရအောင် ဆုံးမပြီးသည်နောက် ကျွန်တော်သည် အာခြောက်ရန်ကောဟု ရေသောက်ကာအမောဖြေမည်ဟု ရေဗူးကိုဖွင့်ပါသည်။ သို့သော် မိုက်မဲရှာသူ မော်လေးသည် ကျွန်တော့်တရားကို နားမျှမတင်၊ နည်းနည်းမှ နားဝင်ပီယံမဖြစ်လေဟန်ဖြင့် အတွန့်တက်ပါလေတော့သည်။
"ဒါဖြင့် ကိုကြီးတို့ စာပေသမား ဆိုတဲ့သူတွေရော ဘာလုပ်နေတုန်း၊ ထူးမခြားနားပဲဟာကို"
"ဘာလိုကွ၊ မင်းပြောတာ ငါနားမရှင်းဘူး၊ သေချာပြောစမ်း၊ ငါတို့ စာပေနဲ့ စာနယ်ဇင်းလောက က လူတွေဟာ မြန်မာပြည်မှာ အခုလို လူတန်းစားကွာဟချက် ကြီးမားလာတာတွေကို လျှော့ကျသွားဖို့ ငါတို့ပိုင်တဲ့ ကလောင်ကိုယ်စီနဲ့ လူတန်းစားတိုက်ပွဲလုပ်နေတာလေကွ၊ မင်းဒါလေးတောင် ရိပ်ဖမ်းသံဖမ်း မသိဘူးလား"
ကျွန်တော်သည် မိမိကိုယ်ကို စာပေသမားဟု ကိုယ့်ဟာကိုယ်သတ်မှတ်ထားသူမို့ စာပေသမားကို ထိတော့ မခံချိလေဟန် ဆတ်ဆတ်ခါနာပြသည့် စာပေမာန်လေးလုပ်ကာ သူ့ကို ဟောက်မေးမေးလိုက်ပါသည်။
မော်လေးကတော့ ကျွန်တော့်ကို ထူးပြီးကြောက်မပြပါ။ သူသည် ကျွန်တော့်စာအုပ်စင်ကို လျှောက်သွားကာစာအုပ်နှစ်အုပ် သုံးအုပ်ကို ရွေးထုတ်ယူလာပြပါတော့သည်။
"ကဲပါ ကိုကြီး လက်ဆောင်ရထားတဲ့ ဟောဒီစာအုပ်ထဲက စာတွေကို မော်လေးနားလည်အောင် ရှင်းပြစမ်းပါ၊ ဒါတွေက ပညာရှင်ဆောင်းပါးတွေ မဟုတ်ဘူးနော်၊ နိုင်ငံရပ်ခြား စာပေတွေလည်း မဟုတ်ဘူး၊ လူထုအတွက်ဆိုတဲ့ ရသစာပေလို့ တန်းဝင်တယ်လို့ ကိုကြီးပြောတဲ့ စာပေတွေပါပဲ"
"မြေခွေးဟာ ဘဏ်ထဲကထွက်လာပြီး လမ်းဖြတ်ကူးနေတုန်း၊ ၃၆ ဘတ်စကားပေါ်က သူငယ်မဟာ မူးဝေစွာ အံချလိုက်တယ်ဆိုတာ ဘာ အဓိပ္ပါယ်တုန်းပြော"
"ဟ ဒါတော့ မင်းနားမလည်တိုင်း မကောင်းဘူးလို့ စွတ်ရွတ်မပြောနဲ့လေကွ၊ ဒါခေတ်သစ်စာပေဟန်ကွ၊ တော်ရုံလူနားမလည်ဘူး၊ ဒါက စာဖတ်သက်နဲ့ဆိုင်တယ်"
"အဲဒါဆို ကိုကြီးနားလည်လား"
ကျွန်တော် အဖြေရခက်လှပါသည်။ အကယ်တိ ကျွန်တော်က နားလည်ပါသည်ဟုရမ်းပြောလိုက်ပါလျှင် မော်လေးသည် သေချာပေါက် ထိုစာတစ်အုပ်လုံးကို ကျွန်တော့်အား အဓိပ္ပါယ်ဖွင့်စေပါတော့မည်။ ထိုအခါ ကျွန်တော့်မှာ ဒုက္ခလှလှတွေ့ရပါတော့မည်။
"ဒီလိုရှိတယ်ကွ၊ တစ်ချို့စာပေ အယူအဆတွေဟာ နောင်နှစ်တွေ အများကြီးကြာမှ လူတွေလက်ခံလာတတ်တာမျိုး။ ဒါမျုိးကိုနားလည်ဖို့ဟာက ပါရမီခံလည်းရှိပါမှ၊ ပြီးတော့ မင်းတို့လို ပါချီပါချက် စာဖတ်သက်မျိုးနဲ့ သွားမဖတ်နဲ့၊ ငွေတစ်မတ်နဲ့ ကြက်သားတက်ကိုင်သလိုဖြစ်နေမယ်"
"အဲဒါပြောတာပေါ့၊ ကိုကြီးတို့စာပေသမားဆိုသူတွေမှာလည်း လူတန်းစားခွဲတဲ့စိတ်ရှိတယ်ဆိုတာ"
"ဘယ်လိုကွ"
"ဟုတ်တယ်လေ စောစောက ကိုကြီးပဲ ပြောတယ်မို့လား၊ ရွှေဘဲမှာ သာမာန်လူတွေမစားနိုင်အောင် ဈေးမြှင့်ထားတယ်ဆိုတာရယ်၊ မိုဘိုင်းဖုန်းကို ကိုင်နိုင်တာကို ကြည့်ပြီး ဒီလူဘာကောင်တုန်း ခွဲလို့ရအောင်လုပ်တယ်ဆိုတာရယ်၊ …. ဟော အခု ကိုကြီးတို့လည်း ဘာထူးတုန်း၊ စာတွေကို မော်လေးတို့လို သာမာန်စာဖတ်သူတွေ နားမလည်အောင်ရေးတယ်၊ ဒါကိုဘဲ ရေးဖော်ရေးဘက် ကိုယ့်အချင်းချင်းပဲ နားလည်တာရယ်လို့ စာပေကို လူတစ်စုစာ ခံစားနိုင်အောင်သာ လစ်မစ်လုပ်ပြီး၊ ကိုယ့်ဟာကိုယ် စာပေ ဉာဏ်ရင့်သူ လူတန်းစားတစ်ရပ်လိုလို အထင်ရောက် ဂုဏ်ယူနေကြတာလေ"
"ဟေ့ ဒါကတော့ Arts for no sake တဲ့ကွ၊ စာပေဆိုတာ စာပေပဲ၊ ဘယ်သူ့အတွက်မှ ဖြစ်စရာမလိုဘူးရယ်၊ မင်းတို့လို စာတစ်ပုဒ်စ နှစ်ပုဒ်စ ဖတ်ပြီး၊ အခုလိုလိုက်ဝေဖန်နေသူတွေကြောင့်သာ မြန်မာစာပေလောကအတွက် အတိုက်အခံတစ်ခုဖြစ်နေတာ"
"အမယ်လေး ကိုကြီးရယ်၊ ဒီကလည်း ကိုယ့်အတွက်မဟုတ်တဲ့ စာပေကို အချိန်ကုန်၊ ပိုက်ဆံအကုန်ခံပြီး မဖတ်ပါဘူး၊ အဲသည်တော့လည်း ကိုကြီးတို့က မြန်မာစာဖတ်သူလူတန်းစားက နိမ့်နေလို့သာ ကိုကြီးတို့စာအုပ်တွေ မရောင်းရတာဆိုပြီး ပရိတ်သတ်ကို အပြစ်တင်ကြသေးတာ"
"ဒါတော့ ဒီလို စာကြီးပေကြီးတွေက မင်းတို့လို စာဖတ်သူတွေနဲ့ မကိုက်သေးလို့ပါကွာ"
"မော်လေးကတော့လေ အဲလိုစာတွေထက်စာရင် ဟောဟို လမ်းထိပ်က အမှိုက်မပစ်ရဆိုတဲ့ ဆိုင်းဘုတ်ထဲက စာကမှ အသိတစ်ခုခုပေးနိုင်သေးတယ်လို့ ထင်မိတာပါပဲ"
မော်လေးသည် သာမာန်စာဖတ်သက်သာ ရှိသော၊ သူသူငါငါ လူတကာလို စာဖတ်သူတစ်ယောက်သာ ဖြစ်ပါသည်။ ကျွန်တော်က သူ့ကို ယခုထက်ပို၍ ဖိပြီးဆိုရန် မသင့်တော့ပါ။ ထို့အတူ သူနားမလည်သော စာပေအမျိုးအစားကို သူ့အားနားလည်အောင် ရှင်းပြရန်အထိ ကျွန်တော်ကလည်း မစွမ်းနိုင်ပါ။ ထို့အပြင် ထိုစာပေမျိုးကို နားမလည်ဟု ပွင့်ပွင့် ဆိုမိလျှင် အပေါင်းအသင်း စာပေသမားများမှ ကျွန်တော့်ကို အထင်သေးကြမည် စိုး၍ နားလည်ဟန်ပြု၍သာ နေရပါဦးမည်။ သို့သော် ကျွန်တော်သည် စာပေသမားဟု ကိုယ့်ဟာကိုယ်ထင်နေသူတစ်ယောက်မို့ စာဖတ်သက်နုသူများအပေါ် စာပေအယူအဆနှင့် ပတ်သက်၍ အမြဲတဆေ အထက်စီးမှ ပြောနိုင်အောင်တော့ အချိန်အားတိုင်း စကားလုံးရှာထားပါသည်။ စာပေသည် ကျွန်တော့်အတွက် တစ်ခုတည်းသော သိလောက သဘောဖြစ်လေသည်မဟုတ်ပါလား။
အောင်မျိုးသူလွင်
၁၀/၀၄/၂၀၁၅
သောကြာ
ညနေ ၀၅:၁၁
