ပလစီဗိုလ်များ

မြို့မှာတော့ မသိဘူး၊ ကျွန်တော်က တောသား။ ကျွန်တော်တို့ ခပ်ငယ်ငယ် စစ်အစိုးရခေတ်တုန်းကတော့ ဒီရာသီဆို ကျွန်တော့်အမေကျောင်းဆရာမနဲ့ ကျွန်တော်တို့ရပ်ကွက်လူကြီး ကိုဟန်တင် ခဏခဏရန်ဖြစ်ကြတယ်။ အဲဒီခေတ်က ရပ်ကွက်ထဲနေရင်းထိုင်ရင်းကို ဘာကြေးညာကြေးတွေက တအားများတာ။ ကိုဟန်တင်က အဲဒါတွေကို ရပ်ကွက်ထဲမှာ စက်ဘီးတစ်စင်းနဲ့ တစ်အိမ်ဝင်ထွက် လောက်ကောက်ပေးတဲ့သူ၊ ရပ်ကွက်လူကြီး။

အမေတို့ ကျောင်းဆရာမတွေက အဲဒီတုန်းက လစာအပြင် ဆန်လည်းရသေးတယ်။ ဝန်ထမ်းဆန်ခေါ်တာပေါ့။ နာမည်ကြီးဆန်ပါ။ စားဖူးသူတိုင်း ဘယ်လောက်ဆိုးလဲ သတိရကြမယ်ထင်ပါရဲ့။ ကျွန်တော်တို့လို အူကြမ်းတဲ့တောသားတောင် မျိုမကျဘူး။ အဲလိုဆန်တွေကို ဝန်ထမ်းတွေအတွက်ပေးတာ။ လကုန်လို့ လစာရတော့လည်း ရတဲ့ငွေလေးကို- ဟိုးမန္တလေးက ကိုယ်တစ်ခါမှ မမြင်ဖူးတဲ့ တိုင်းပညာရေးမှူးကြီးသမီး မင်္ဂလာဆောင်မို့ လက်ဖွဲ့ဖို့ ဖြတ်လိုက်ပြန်ပြီ၊ ဘယ်လူကြီးဖြင့် ပင်စင်ယူလို့ ဘာကြေး စသဖြင့်ပေါ့ခင်ဗျာ စုံလို့ပါပဲ။ စကျင်သားတစ်ယောက် ငှက်ပစ်လို့ရတော့ ပြောတဲ့စကားလို လစာဆိုတာလည်း - အမြီးနှုတ် ခေါင်းနှုတ်နဲ့ အဖုတ်(ကိုယ်မွေး) ကျန်တာပဲ။

ဒါထဲ ရပ်ကွက်ထဲနေတော့လည်း ကိုဟန်တင်တို့လို ရပ်ကွက်လူကြီးတွေဆီကတဆင့် ကောက်လိုက်တဲ့ကြေးတွေဆိုတာ ခဏခဏ။ အခုလိုရာသီရောက်ပြီဆိုမှဖြင့် လာပါပြီခင်ဗျာ မီးကင်းကြေး။ ဘယ်လောက်အနိုင်ကျင့်တဲ့ ကြေးလဲဆို မကျေနပ်ရင် ကိုယ်တိုင်လာစောင့်တဲ့။ အဲဒါ အမေတို့ ကျောင်းဆရာမတွေကြားမှာ အဲဒီတုန်းက ဟာသတစ်ခုတောင် ဖြစ်သွားသေးဗျ။ အမေ့သူငယ်ချင်း ကျောင်းဆရာမက ရပ်ကွက်လူကြီးကို ပေးစရာမရှိ၊ စိတ်တိုလို့ ကိုယ်တိုင်သွားစောင့်မယ်ဆိုပြီး လွှတ်ခနဲ့ပြောလိုက်တာ၊ ငိုအားထက်ရယ်အားသန်ပေါ့ခင်ဗျာ…

“ဟဲ့…မီးကင်းတဲပေါ် နင်ကိုယ်တိုင်သွားစောင့်လို့ကတော့ ကျန်တဲ့ကောင်တွေက အကြိုက်ပေါ့ဟဲ့” လို့ အမေတို့ကပြောပြီး စကြတယ်။ ကျပ်ကျပ်တည်းတည်း ဘဝတွေထဲက ရင်နာစရာ ဟာသတွေပါခင်ဗျာ။ တကယ်လည်း ညညဆို မီးကင်းတဲပေါ်မှာ ရပ်ကွက်ထဲက ကျူးကောင်တွေ မီးကင်းကြေးယူပြီး အရက်စုသောက်နေကြတာပဲ။

ကိုဟန်တင် ရပ်ကွက်လူကြီးလုပ်ရတာလည်း ဒီအကြောင်းလဲပါမယ်။ သူက အရက်ရောင်းတယ်လေ။ ရပ်ကွက်လူကြီးလုပ်တော့ သူ့အရက်ဆိုင်လေးအတွက် အဆင်ပြေတာပေါ့။ အခု ဒီမိုကရေစီ အစိုးရခေတ်မှာ ပြဿနာဖြစ်နေတဲ့ ကျူးတွေဆိုတာလည်း အဲဒီကတည်းက အမြစ်စတွယ်လာခဲ့တာ။ ဘယ်ကလူတွေလဲ မသိ၊ ကျွန်တော်တို့ရပ်ကွက်ထဲ လူမနေတဲ့လမ်းဘေးမြေတွေမှာ တဲလေးထိုး၊ ယာယီနေကြရင်း

“ဒန်ဝယ်တယ်၊ ကြေးဝယ်တယ်၊ ပလတ်စတစ်ဝယ်တယ်၊ လစ်ရင်သုတ်တယ်၊ ချောင်ရင်ခိုးတယ်” ပေါ့ခင်ဗျာ။ ဒီကောင်တွေက ကိုဟန်တင့်ဆိုင်မှာ အရက်သောက်၊ မီးကင်းဘာညာလည်း သူတို့နဲ့တွဲပြီး ဘယ်သူမှမစောင့်ချင်တော့ အခကြေးငွေယူပြီး သူတို့ပဲစောင့်ပေါ့။ ညညဆို အရက်ကလေး တမျှားမျှား။

အောင်မယ် လစ်ရင်သုတ်တယ်ဆိုပြီးလည်း ပလတ်စတစ်ကောက်တဲ့လူကို ဘယ်သူမှ အထင်မသေးရဲပြန်ဘူး။ ကျွန်တော်တို့နယ်မှာရှိမှန်းတောင် ဘယ်သူမှ မသိတဲ့သစ်တွေကို စစ်အစိုးရက ဖမ်းလိုက်တာမှာ စုံထောက်ဟာ ပလပ်စတစ်ကောက်တဲ့ကောင်တဲ့ဗျ။ သစ်တွေထားတဲ့နေရာကလည်း အကျဗျ၊ ပုံမှန်ယာခင်းကို ကျင်းကြီးတူးပြီး စကွဲယားတုံးတွေစီထည့်ကာ ပလတ်စတစ်တွေဘာတွေအုပ်၊ အပေါ်က မြေပြန်ဖုံးပြီး ပဲပင်တွေဘာတွေ တောင် စိုက်ထားလိုက်သေးတာ။ အဲဒါကို ပလတ်စတစ်ကောက်ဟန်ဆောင်ထားတဲ့ စစ်စုံထောက်က သိအောင်စုံစမ်း၊ မိအောင်ဖမ်းသတဲ့ဗျာ။

အဲဒီတုန်းကတော့ စုံထောက်တွေကိုလည်း ကြောက်ရတယ်လေ။ နိုင်ငံရေးဘာညာဆိုတာလည်း ဘယ်သူမှ မပြောဝံ့၊ မပြောရဲကြပါဘူး။ ယုတ်စွအဆုံး ကိုယ့်မိတ်ဆွေနိုင်ငံရေးလုပ်တဲ့သူတစ်ယောက်ယောက် အချိန်မတော်မို့ ကိုယ့်အိမ်မှာ တစ်ညတလေ ဝင်တည်းခိုသွားရင်တောင် ကိုယ့်ကိုစောင့်ကြည့်ခံရတတ်တယ်။ အဲ… စုံထောက်တွေ စောင့်ကြည့်ခံရပြီဆိုရင်လည်း လွယ်တော့ မလွယ်ဘူးပေါ့။

ကိုဟန်တင်က အမေ့ကိုတော့ ကျောင်းဆရာမမို့ ညှာပါတယ်။ ညှာတယ်ဆိုတာ မီးကင်းကြေးတွေဘာတွေ နောက်ကျမှထည့်လည်း သိပ်မပြောဘူးပေါ့။ သို့သော် တစ်ခါတလေ ကျောင်းပိတ်ရက်မို့ နေ့လယ်နေ့ခင်း ခေါက်ဆွဲလေးဘာလေး လုပ်စားချင်ရင်တော့ မီးသတ်ဆိုတဲ့ ငနဲတွေကို ကြောက်ရပါတယ်။ နွေဦးရာသီဆို သင်းတို့တွေက မီးသုံးချိန်ကို ကန့်သတ်ပစ်လိုက်ပြီး ခွင်ဖန်တာလေ။ သူတို့ မသုံးနဲ့ ပြောထားတဲ့အချိန် သုံးချင်ရင် ကြေးတစ်ခုပေးရတယ်။ ဒါက နို့ချက်လုပ်ငန်းရှင်တွေကို ညှစ်တာ။ အရပ်ထဲကျ နေ့တိုင်းအလှည့်ကျ ဘယ်အိမ်မီးသုံးနေလဲလိုက်စစ်ပြီး ဒဏ်တပ်တာပေါ့။ နောက်တော့ အဲဒီ ယူနီဖောင်းဝတ်ကိုကိုတွေပဲ စွမ်းအားရှင်တို့ ဘာတို့ အရေခွံလဲကြ ဘာညာပေါ့။ ညည သူတို့စောက်မြင်ကတ်တဲ့အိမ် ဧည့်စာရင်းဝင်စစ်တာလည်း ဒီလူတွေပါပဲ။

ကျွန်တော်က စစ်အစိုးရခေတ်မှာတုန်းကလည်း ဝန်ထမ်းဖြစ်လိုက်သေးတယ်။ ဝန်ထမ်းဆန်တွေဘာတွေလည်း ရဖူးတယ်။ စစ်တပ်ကလူတွေ ဌာနဆိုင်ရာတွေထဲ ယူနီဖောင်းတကားကားနဲ့ သူတို့အကုန်လုပ်တတ်တယ် ထင်နေကြတဲ့ အထာတွေကလည်း တကယ်ဖြစ်ခဲ့တာ။ ပါးရိုက်ပစ်မယ် ဘာညာကလည်း သူတို့တကယ်ပြောကြတာ။ ဗမာပြည်စစ်ပညာဟာ ပါးရိုက်တဲ့ ဂျပန်ပြည်က သင်လာကြတယ်ဆိုကိုး။

နောက်တော့ တဖြည်းဖြည်း အစိုးရပြောင်း ဦးသိန်းစိန်ကြီးတက်တဲ့ခေတ်တော့ အားလုံး ပူပူးနွေးနွေးမို့ မှတ်မိကြမှာပဲ။ ကျွန်တော်က ဦးသိန်းစိန်ကြီးခေတ်တော့ တော်တော်ကြိုက်ဗျ။

ဘာလို့ဆို အင်တာနက်တွေဘာတွေ ကျွန်တော်တို့ပိုသုံးခွင့်ရလာတယ်။ အရင် စစ်အစိုးရတုန်းကလူတွေ သက်သက်ညစ်ပြီး မပေးတဲ့ ဖုန်းတွေဘာတွေ ကိုင်နိုင်လာတယ်။ စသဖြင့်ပေါ့လေ။ မန္တလေးမှာ မီးတွေပျက်တော့ ဖယောင်းတိုင်းထွန်း ဆန္ဒပြကြတဲ့ လူအုပ်ထဲ နှစ်ပြလောက်တောင် လိုက်ခဲ့ဖူးသေးဗျာ။ ဘာရယ်မဟုတ်ဘူး၊ အရင် စစ်အစိုးရခေတ်မှာ ဒါမျိုးလုပ်ရင် ထောင်ကျတာဆိုတော့ လုပ်ခွင့်ရတုန်း အတွေ့အကြုံရအောင် လုပ်ကြည့်လိုက်တာ။ နှစ်ပြလောက်လျှောက်ပြီးတော့ ညောင်းလို့ ဆက်မလိုက်ဖြစ်ပါဘူး။

အဲဒါ စစ်အစိုးရခေတ်နဲ့ ဒီမိုကရေစီအစိုးရ(ဦးသိန်းစိန်+ လက်ရှိ)ခေတ် အများကြီးကွာသွားပြီ၊ ကျွန်တော်တို့နိုင်ငံ တိုးတက်လာပြီလို့ ဆိုတော့ ကျွန်တော့်ကို ပလစီဗိုလ်တွေနဲ့မိတ်ဆက်ပေးတဲ့လူက လက်မခံပါဘူး။

“မင်းတို့အခုလိုပြောနေတဲ့ အယူအဆတွေကြောင့် ငါတို့ရဲ့ တော်လှန်ရေးကြီး မအောင်မြင်တာ” တဲ့။ ကျွန်တော်က

“တော်လှန်ရေးက အခုထိမပြီးသေးဘူးလား၊ စစ်အစိုးရလည်း ဆင်းသွားပြီ၊ ဒီမိုကရေစီပေမင့် စစ်တစ်ပိုင်းအစိုးရလို့ သမုတ်ခံရတဲ့ ဦးသိန်းစိန်အစိုးရလည်း ပြီးခဲ့ပြီ၊ လက်ရှိ ဒေါ်အောင်ဆန်းစုကြည် ဦးဆောင်တဲ့ ပြည်သူ့အစိုးရတက်လာနေမှ မဟုတ်လား၊ ဘာကိုတော်လှန်ရဦးမှာလဲ” ဆိုတော့

“စစ်တပ်သို့မဟုတ် အစိုးရတစ်ခုခုကို တော်လှန်မှ တော်လှန်ရေးလား” တဲ့။

“ငါတို့တွေ တော်လှန်ရေးလုပ်ခဲ့ကြတာ စစ်အစိုးရကိုမို့ ဆိုတာမျိုးမဟုတ်ဘူး။ ပုဂ္ဂိုလ်ရေးမပါဘူး။ တော်လှန်ရေးရဲ့ ပန်းတိုင်ဟာ တို့နိုင်ငံတိုးတက်ဖို့ပဲ။ ဒီပန်းတိုင်ကို တို့က ဒီမိုကရေစီဆိုတဲ့ လမ်းစဉ်နဲ့သွားရမယ်လို့ ယုံလို့ ဒီမိုကရေစီအရင် ရအောင်လုပ်ခဲ့ကြတာ၊

အခုကျ တချို့တော်လှန်ရေးသမားတွေက ပလစီဗိုလ်တွေထဲမှာ ပိတ်မိကုန်ကြပြီ။ ပလစီဗိုလ်ဆိုတာ မင်းသိလား”

“မသိဘူး”

“တကယ်မဟုတ်ဘဲ လူစိတ်ကျေနပ်အောင် လုပ်ထားတဲ့ ဆေးဝါး၊ အစီအမံတစ်မျိုးမျိုးပေါ့။ ဥပမာ ရာသီတုပ်ကွေးမိတဲ့ကလေးကို အာနိသင်မရှိတဲ့ သကြားအုပ်ဆေးတစ်မျိုးမျိုးပေးသောက်လိုက်တာမျိုး။ မဟုတ်လည်း ရာသီတုပ်ကွေးက သူ့အချိန်တန်မှ ပျောက်မှာပဲ။ ဒါကို ကလေးစိတ်မှာ ဆရာဝန်ကို ကျေနပ်သွားအောင် ပေးသောက်ခိုင်းလိုက်တာ။

နောက်တစ်ခု ဓာတ်လှေကားက အဆင်းအတက် ခလုတ်လိုပေါ့။ မင်းက ဓာတ်လှေကားနဲ့ အပေါ်တက်ဖို့ စောင့်နေမယ်။ ဓာတ်လှေကားက ဟိုးအပေါ်ဆုံးထပ်ကနေ ဆင်းလာနေမယ်။ ဆင်းလာနေကြောင်းလဲ အဆင်းမြားမီးလေး တရိပ်ရိပ်တဖြည်းဖြည်းလင်းပြီး ပြနေမယ်။

သို့သော် မင်းက မင်းစိတ်မှာ ဒီဓာတ်လှေကားဟာ ဆင်းလာတာ ကြာလိုက်တာလို့ ခံစားရပြီး၊ စိတ်မရှည်လို့ မင်းအနားက အဆင်းမြားခလုတ်ကို ဆက်ကာဆက်ကာနှိပ်တဲ့အခါ စောစောကမြင်နေရတဲ့ (ဓာတ်လှေကားဆင်းလာနေကြောင်းပြတဲ့) အချက်ပြမြားမီးလေးဟာ ပိုပြီးမြန်မြန် တရိပ်ရိပ်အဆင်းပြလာမယ်။ အဲဒါ ပလစီဗိုလ်ခလုတ်လို့ ခေါ်တယ်။ တကယ်တော့ ဘာအကျိုးသက်ရောက်မှုမှ မရှိဘူး။ ဓာတ်လှေကားတွေမှာ ဘယ်အချိန်တံခါးပိတ်မယ်။ ဘယ်အချိန်မှာ ဘယ်အရှိန်နဲ့အဆင်းအတက်လုပ်မယ်ဆိုတာကို သူ့အာရုံခံစနစ်တွေနဲ့ တစ်ခါတည်း စီစဉ်ထားပြီးသား။

သို့သော် မင်းကတော့ ဒါကိုမသိဘဲ မင်းဒီခလုတ်ကို မြန်မြန်နှိပ်လိုက်လို့ အချက်ပြမီး တရိပ်ရိပ်မြန်လာတာကြည့်ပြီး ဓာတ်လှေကားပါ မြန်မြန်လိုက်ဆင်းလာတယ်အမှတ်နဲ့ ကျေနပ်နေတော့တာ၊ ကမ္ဘာမှာ ပလစီဗိုလ်တွေက အများကြီးပဲ။ စောစောက ပြောတဲ့ ဓာတ်လှေကားအတက်အဆင်းခလုတ်တွေအပြင်၊ ဓာတ်လှေကား တံခါးအဖွင့်အပိတ်ခလုတ်တွေ၊ မီးပွိုင့်တွေမှာ လမ်းလျှောက်သူတွေအတွက် ထားပေးတဲ့ မီးစိမ်းခလုတ်တွေ စသဖြင့်ပေါ့။ အဲဒါတွေဟာ ပလစီဗိုလ်တွေပဲ”

“အဲဒီ ပလစီဗိုလ်တွေနဲ့ ကျွန်တော်တို့စောစောက ပြောတဲ့တော်လှန်ရေး၊ ဘာပတ်သက်တုန်း”

“ပတ်သက်ပါသကော…၊ ပြီးခဲ့တဲ့ ဦးသိန်းစိန်အစိုးရလက်ထက် ပြည်ပက စက်ရုံတွေရင်းနှီးမြှုပ်နှံဖို့ ဝင်လာကြတယ်။ မြေနေရာ ပြဿနာတွေတက်တယ်။ ဆန္ဒတွေပြကြတယ်။ အစိုးရက ဖြေရှင်းမပေးနိုင်ခဲ့ဘူး။ နောက်- လျှပ်စစ်မီးပြဿနာ၊ ဒါက တော်တော်ကြီးတယ်။ အစိုးရက လုံးဝဆောင်ရွက်မပေးနိုင်ခဲ့ဘူး။ ဒီတော့ နိုင်ငံခြားကဝင်လာတဲ့ ရင်းနှီးမြှုပ်နှံမှုတွေ၊ စက်ရုံကြီးတွေအကုန် အောင်ဖျာလိပ်ပြန်သွားကြရော။ ဒါကြောင့် ဦးသိန်းစိန်အစိုးရကို ငါတို့မကြိုက်ခဲ့ဘူး။ ငါတို့ရည်မှန်းချက်က တိုင်းပြည်တိုးတက်ဖို့ပဲ…။ ဒါ ငါတို့တော်လှန်ရေးပဲ…

ဟော…အခုကျရော မီးမပျက်ဘူးလား။ ပျက်တာပဲ။ သို့သော် အရင် စစ်အစိုးရတုန်းကလို မဟုတ်တော့ဘဲ ပလစီဗိုလ်လေးတွေနဲ့ ပျက်တယ်”

“ဘယ်လို ပလစီဗိုလ်နဲ့ ပျက်သတုန်း”

“လျှပ်စစ်ဌာနတွေက ဖေ့ဘုတ်အကောင့်တွေဖွင့်ပြီး မီးဘာကြောင့် ပျက်ရကြောင်း အသည်းနာနာ အကဲပါပါ လျှောက်ရေးပြနေတဲ့ စာတွေဟာ ပြည်သူတွေအတွက် ပလစီဗိုလ်တွေပေါ့၊ မင်းတို့ကျေနပ်တယ် မဟုတ်လား။ မင်းတို့ထင်တာ အရင်ကလို အာဏာရှင်ဆန်ဆန် မီးမပျက်တော့ဘူးပေါ့၊ အဲဒါ တော်လှန်ရေးအတွက် သိပ်အန္တရာယ်ကြီးတဲ့ ပလစီဗိုလ်တွေပဲ။ လူတွေဟာ အဲဒီ ပလစီဗိုလ်တွေမှာ သာယာကျေနပ်ကုန်ကြတာ…

နောက်ပြီး မင်းအခုဏက ပြောတဲ့ စစ်အစိုးရခေတ်တုန်းကဆို ဘယ်လို၊ အခု ဒီမိုကရေစီအစိုးရခေတ်ကျ လွတ်လပ်လာတယ်၊ အင်တာနက်တွေရလာတယ်၊ ဖုန်းတွေရလာတယ် ဆိုတာတွေကလည်း တကယ်တော့ အထင်ကြီးစရာမဟုတ်သေးဘူး”

“ဒါတော့ အမှန်တရားမဟုတ်ဘူးလား၊ အရင်က မရှိတာတွေ အခု ရှိလာတာလေ”

“ဆိုတော့ကာ အဲဒါ မင်းတို့တော်တော်များများ မြင်နေကြတဲ့ အမြင်ကိုးကွ၊ တကယ်က မိန်းခလေးတစ်ယောက် အရွယ်ရောက်လို့ အပျိုဖော်ဝင်လာတော့ ရှိရမယ့်အဖုအထစ်လေးတွေ ထွက်လာတာမျိုးကို ဖွံ့ဖြိုးမှုမခေါ်ဘူးကွ။ ဆိုချင်တာကကွာ ကမ္ဘာမှာခေတ်အခါအရ ဒီပစ္စည်းတွေပေါ်လို့ ကိုယ့်ဆီမှာလည်း ဝယ်သုံးနိုင်နေတာမျိုးကို တိုးတက်တယ်မခေါ်သေးဘူး။ အမျိုးသမီးတစ်ယောက် အိမ်ထောင်ကျလို့ အချိန်တန်တော့ ကိုယ်ဝန်ရလာတာမျိုး အဆင့်ပဲရှိတယ်။

ငါတို့လိုချင်တဲ့ တိုးတက်မှုမျိုးဆိုတာ စောစောကမိန်းခလေးဥပမာနဲ့ဆို - အရွယ်ရောက်လို့ အပျိုဖော်ဝင်တာနဲ့အတူ အပျိုနဲ့တန်တဲ့ အလှမျိုး၊ အဆင်အယင်မျိုးနဲ့ တို့နိုင်ငံကို ဂုဏ်တင့်စေချင်တာ။ ကိုယ်ဝန်သည် ဥပမာနဲ့ဆို ဝဝဖီးဖီး လူစဉ်မီတဲ့ ကလေးမျိုးမွေးနိုင်တဲ့ သားသည်မအေမျိုး ဖြစ်စေချင်တာ။ အဲဒါ ငါတို့ တော်လှန်ရေးအစကတည်းက ထားခဲ့တဲ့ ငါတို့ရဲ့ ပန်းတိုင်ပဲ။ အခုကျ တို့တော်လှန်ရေးသမားတချို့လည်း ပန်းတိုင်ကိုမေ့ပြီး လမ်းစဉ်ဖြစ်တဲ့ ဒီမိုကရေစီဆိုတာမှာတင် သာယာနေကြပြီ။

ဘာလို့လဲ

တို့တော်တော်များများ ပလစီဗိုလ်တွေနဲ့ ပိတ်မိကျေနပ်နေကြလို့ပဲ။

မီးမလာဘူး။ လျှပ်စစ်ဌာနခွဲပေါင်းစုံက ရေးပြတဲ့ ထိုးဇာတ်တွေ၊ ချိုးပြတဲ့ ဒရာမာတွေနဲ့တင် ဪ…ခေတ်ပြောင်းသွားတော့ ခမျာတွေလည်း ငါတို့ကို မီးပျက်တာတောင် ဂရုစိုက်ဖော်ရသားဟဲ့လို့ ကျေနပ်သွားကြတာမျိုး။ နောက်… ကျန်တဲ့ အပိုင်းတွေလည်း လျှပ်စစ်နဲ့အတူတူပဲ။ နေရာတကာ ပလစီဗိုလ်တွေနဲ့တင် သာယာနေကြတာ၊

တကယ့်တော်လှန်ရေးအစစ်ဆိုတာ အခု ကိုယ်လိုချင်တဲ့အစိုးရမျိုးရပြီ၊ ဒါက အစိုးရပိုင်း အပြောင်းအလဲ၊ ပြောရရင် လမ်းစဉ်ပိုင်းအပြောင်းအလဲ ပြီးသွားတာ၊ လမ်းခင်းပြီးသွားတာ။ တကယ်လျှောက်လှမ်းတဲ့အပိုင်းကို မရောက်သေးဘူး။ တို့တွေ တိုင်းပြည်တိုးတက်အောင်ထိ ဆင်းရဲခြင်းတွေ၊ နည်းပညာမဲ့ခြင်းတွေ၊ အသိပညာမတိုးတက်ခြင်းတွေကို တော်လှန်ပစ်ရဦးမှာ”

“တဖြည်းဖြည်းတော့ ဖြစ်လာမှာပေါ့ဗျ”

“ဒါကမင်းကိုယ်မင်း စိတ်သက်သာအောင် ပလစီဗိုလ်တွေက တွေးခိုင်းထားတဲ့ အတွေးပါ။ ကဲ… အခု လူစိတ်ဝင်စားမှုအများဆုံး ဖြစ်တဲ့ လျှပ်စစ်ကဏ္ဍနဲ့ပဲ ပြောကြည့်ရအောင်။ ဥပမာ - အိမ်နီးချင်းဖြစ်တဲ့ ထိုင်းမှာ ဆောက်လုပ်ရေးအတွက် သုံးတဲ့ နည်းပညာတွေ၊ ပစ္စည်းပစ္စယတွေအကုန် လျှပ်စစ်မှာ အခြေခံတာ။ ဒါကြောင့် အကယ်တိသူတို့က သနားလို့ - ရော့ကွာ ကိုဗမာ၊ မင်းဒါတွေယူပြီး မင်းတို့ပြည်ဆောက်လုပ်ရေးမှာ သုံးစမ်းဆိုတောင် တို့မှာက လျှပ်စစ်အခက်အခဲကြောင့် သုံးလို့ အဆင်မပြေသေးဘူး။ ဒီနေ့ ကမ္ဘာမှာ စက်ရုံ၊ အလုပ်ရုံ၊ ကုန်ထုတ်လုတ်မှု အကုန်လုံးက လျှပ်စစ်ဓာတ်အားကိုပဲ အခြေခံသုံးထားတာ၊ ဆိုတော့ကာ ပြည်ပက ရင်းနှီးမြုပ်နှံမယ့်လူတွေကလည်း ဒီနိုင်ငံ လျှပ်စစ်မီးမရဘူးဆိုရင် ဆောဒီးပဲပေါ့…

ကဲ…ဟုတ်ပြီ၊ ဒါက အခက်အခဲ၊

တို့က ဒါကို တော်လှန်ပစ်ရမယ်။ ဒါက တော်လှန်ရေးရဲ့ တစ်စိတ်တစ်ပိုင်းပဲ။ ဆိုတော့ကာ ခေတ်အဆက်ဆက် တို့ရဲ့ တော်လှန်းရေးစိတ်တွေက အခုကျ ပလစီဗိုလ်တွေထဲ မြုပ်ကုန်ပြီ။ လျှပ်စစ်ဆင်းရဲတဲ့ တို့နိုင်ငံ လျှပ်စစ်ပြည့်ပြည့်ဝဝရဖို့ နောက်ငါးနှစ်လောက်အတွက် ဘာအစီအစဉ်ရှိလဲ၊ သို့မဟုတ် နောင် ဆယ်နှစ်လောက်အတွက် ဘယ်လိုစီစဉ်ထားလဲ… အဲဒါ မင်းတွေးကြည့်။

တို့တွေ နောင်ဘယ်နှနှစ်အထိ လုတ်ရှိတို့၊ ဝန်အားမျှတယ်တို့၊ သစ်ပင်ခုတ်လို့၊ မိုးရွာလို့စသဖြင့် ဒရာမာတွေထဲ ဝဲနေရဦးမှာလဲ”

“ဒါတော့ဗျာ၊ အရင် စစ်အစိုးခေတ်တုန်းကဆို”

“မင်းက တို့နိုင်ငံ မိန်းမပျိုလေးကို အပျိုဖော်ဝင်ချိန်တန်လို့တောင် မဝင်နိုင်အောင် အာဟာရဖြတ်ထားခဲ့တဲ့ လူတွေအကြောင်းပဲ ပြောနေတော့တာကိုး၊ ဒါလည်း မင်းစိတ်သက်သာရာ ရကောင်းရနိုင်ပါတယ်။ ဒါကြောင့်လဲ လူတွေဟာ ပလစီဗိုလ်တွေကို နှစ်သက်ကြတာပဲ…

သို့သော် ငါပြောချင်တဲ့ တော်လှန်ရေးမျိုးအတွက်တော့ ပလစီဗိုလ်တွေဟာ ရန်သူပဲကွ၊ နေရာဌာနအသီးသီးမှာ ပလစီဗိုလ်တွေများလေလေ၊ ကိုယ့်ဆင်းရဲတွင်းကို တော်လှန်ပစ်ရမယ့် တော်လှန်ရေးစိတ်တွေ နည်းသွားလေလေပဲ၊ တော်လှန်လိုစိတ်နည်းရင်တော့ လက်ရှိအခြေအနေကြီးမှာ သာယာချင်သာယာနေနိုင်တာပေါ့။ သို့သော် ကမ္ဘာကြီးကတော့ တို့ကို ရပ်စောင့်နေမှာ မဟုတ်ဘူး”

အဲဒီနေ့က အဲဒီ ပလစီဗိုလ်သမားကြီးနဲ့ စကားပြောလိုက်ရတာ လူလည်း တော်တော်မောသွားတယ်။ ကိုယ့်ရဲ့ အရင်စစ်အစိုးရကို နှိုင်းရသဘောလေးနဲ့ အပြစ်တင်တွေးလေး တွေးတွေးပြီး လွမ်းရတဲ့အလွမ်းလေးလည်း ကြက်ပျောက်ငှက်ပျောက် ပျောက်သွားတယ်။ တကယ်တော့ ကိုယ့်ဟာကိုယ် အတွေးလေးနဲ့ သာယာနေရင် အကောင်း၊ ပလစီဗိုလ်တွေ ဝင်နှောင့်ယှက်မှ အတွေးပေါင်းစုံနဲ့ ရောက်ယက်ကိုခတ်လို့။

တကယ်ဆိုရင် အခုလို ပူအိုက်ပြီးမှောင်မိုက်တဲ့ညတွေမှာ လုတ်ရှိနဲ့ ဝန်အားမျှဒရာမာတွေကြောင့် ဇာတ်နာနေကြတဲ့ခင်ဗျားတို့ကို ကျွန်တော်ဟာ ပလစီဗိုလ်တွေအကြောင်း ပြန်မပြောသင့်ဘူး ထင်ပါရဲ့။

မေတ္တာဖြင့်-

အောင်မျိုး