ဟိုတုန်းကတော့ ကျောင်းဆရာ၊ ဆရာမဆို သိပ်မျက်နှာငယ်သည်။ အခုတော့ လူအုပ်ကြီးကို ကြည့်ပြီး ကျွန်တော် ဖြုံသွားပါသည်။ စဉ်းစားကြည့်ဗျာ အမှတ် ၁၆ ကျောင်းရှေ့က ကွင်းကြီးတစ်ခုလုံး အပြည့်အလျှံ။ အဲဒါ အခု ဘွဲ့ရတွေကိုခေါ်တဲ့ ကျောင်းဆရာမဝင်ခွင့် ရေးဖြေအောင်စာရင်း ထွက်တာတဲ့။ မြန်မာပြည်ရဲ့ အထင်ကရ ပညာရေးဋ္ဌာနကြီးက လုပ်တာဆိုတော့လည်း သိပ်စနစ်ကျသည်။ ယနေ့ထွက်မည့်အောင်စာရင်းကို မနေ့ကညဦးပိုင်းကမှ အတွင်းလူတစ်ယောက် လှမ်းပြော၍ သိရသည်။ တစ်ရက်ထဲမှာ ယခုပင်အောင်စာရင်းထွက်မည်၊ အောင်လျှင် ခဏနေ ဆယ်နာရီမှာ နှုတ်ဖြေတဲ့။ ဝရုန်းသုန်းကား မီရာကားနဲ့လိုက်လာတဲ့ အနယ်နယ်အရပ်ရပ်က လူတွေဆိုတာ နည်းတာမဟုတ်။
အနှီလူအုပ်ထဲ ကျွန်တော်ရောက်နေတာက အိမ်ကမိန်းမကြောင့်လေ။ သူက ကုမ္ပဏီတစ်ခုမှာ စာရင်းစစ်။ ကံဆိုးပြီး ကျွန်တော်နဲ့ညားတော့ ဂုတ်ဝဲနောက် ဘိုကေပါရိုး ထုံးစံမရှိသလို၊ သူ့လိုအလုပ် ကျွန်တော်မလုပ်တတ်တော့၊ ကျွန်တော်နဲ့တူရာ အစိုးရဘက်ကို ပြောင်းကွာဆိုပြီး မိန်းမကို ဆရာမ လျှောက်ခိုင်းလိုက်မိတော့၊ အခု ဝရုန်းသုန်းကား လူစုထဲမှာ ယောင်ပေပေနဲ့ ကျွန်တော်ရောက်နေရတာပါပဲ။ မြင်းခြံ၊ ပြင်ဦးလွင်၊ ကျောက်ဆယ်၊ မန္တလေး က လျှောက်သမျှလူ အကုန်ဒီနေရာမှာပဲ စုပြုံကြည့်ဆိုပြီး၊ အောင်စာရင်းသင်ပုန်းလေး နှစ်ခုပဲ ချထားပေးတော့ ဘယ်ကလောက် ပြုံနေမတုန်းဆိုတာ စဉ်းစားသာကြည့်ဗျာ။ နောက်ပြီးအောင်ရင် ချက်ချင်းပဲ ဆယ်နာရီမှာ နှုတ်ဖြေဆိုတော့ ကြော်ငြာသင်ပုန်းရှေ့က လူအုပ်ကြီးကို ကြည့်ပြီး ကျွန်တော် ဘယ်လောက်ဖြုံသွားမယ်ဆိုတာ စဉ်းစားသာကြည့်ပေတော့။
ဘယ်ရမတုန်း တကယ်လိုအပ်လာပြီဆိုတော့ ဂျင်းတဲမန်း မျက်နှာဖုံးကို ခဏခွာချတဲ့ပြီး ကိုယ်တွေလည်း လူအုပ်ထဲ ပိတ်ကန်တိုးရတော့တာပေါ့။ ပျော့တဲ့လူ နေရာဖယ်ပေးစတမ်းလေ။ ငရဲပွက်တယ် ဆိုတာ အဲသည်မှာတကယ်ဗျ။ စစချင်းတော့ ချွေးလေးနည်းနည်းစို့လာတယ်။ တဖြည်းဖြည်း တပြိုက်ပြိုက်ကျပါရော။ အဲနောက်တော့ အသက်ရှုပါကြပ်လာတယ်။ ကျွန်တော့် အရပ် ငါးပေခွန်တောင် အသက်ရှုကြပ်မှတော့ ဆရာမအလောင်းအလျှာလေးတွေ ဆိုတာ လူထဲမှာ ခေါင်းလေးတွေမော့လို့၊ ဟပ်ပဲ့ ဟပ်ပဲ့၊ အသက်ရှူနေရရှာတာလေ။ ခမြာလေးတွေလည်း ဇွဲတော့အကောင်းသားဗျ၊ အောင်မျိုးတို့လို မိန်းမခိုင်းလို့၊ ကောင်မလေးအတွက်၊ ကိုယ်တိုင်အတွက် အမျိုးမျိုးသောအကြောင်းတွေနဲ့ ဇွတ်တိုးနေတဲ့ သူကောင်းသားတွေကြားမှာ အားသွန်ခွန်စိုက်ကို တိုးရှာတာ။ အချိန်က နီးပြီးကိုး။ ပါရင် နှုတ်ဖြေဆက်ရမှာလေ။
"ဦးလေးကြီး၊ သမီးရှေ့ကို ဘာမှ မမြင်ရတော့ဘူး၊ ဦးလေးခါးကိုကိုင်ထားမယ်နော်"
ကောင်မလေး ပုပုလေးတစ်ယောက်က ချွေးသီးချွေးပေါက်တွေ ကြားမှ ခပ်ယဲ့ယဲ့လေး အကူအညီတောင်းရှာသည်။ ကျွန်တော်လည်း ကြော်ငြာသင်ပုန်းနားရောက်ရေးသာ အားကုန်စိုက်နေတာမို့ "အေးအေး" လို့ သူ့ကို ပြောရုံသာပြောနိုင်ပြီး ဘယ်ယိမ်းလိုက်၊ ညာယိမ်းလိုက်၊ ကိုယ်ကို ဒေါင်လိုက်ချလိုက်၊ ပြားလိုက်ချလိုက်ဖြင့် အဟုတ်ပင် ဇွတ်တိုးရနေရတော့သည်။
ကောင်မလေးကလည်း ကျွန်တော့်ကို ခွင့်တောင်းတယ်သာဆိုသည်၊ သူ့ခမြာလည်း မွန်းမသေအောင် အနိုင်နိုင်လူအုပ်ကြား ခေါင်းကိုအပေါ်မော့ထားရတာမို့ ကျွန်တော့် အေးအေး ဆိုသော ခွင့်ပြုစကားကိုမှ ဆုံးအောင်မစောင့်နိုင်၊ ခါးပုံစအထုံးကို မြဲမြဲကိုင်ထားရှာသည်။
လူအုပ်များပြီဆိုတော့ ထုံးစံအတိုင်း ဟေးလား ဝါးလား တွေပါလာသည်။ ညာသံပေးပြီး လှုပ်ကြသည်။ ရံခါ ကျွန်တော်ပင် ခြေထောက်နှင့် မြေကြီးထိတယ်မထင်တော့။ စွေ့ခနဲ့ တစ်ချက်ယိမ်းအထိုးမှာ ဝေ့ခနဲ့ လူအုပ်ကြီးအလှုပ်၊ ကျွန်တော့်ခါးပုံစကို ကိုင်ထားသော ကောင်မလေးလက်လွတ်ထွက် သွားသည်နှင့်အတူ ကျွန်တော့်ပုဆိုးလည်း ပြေကျသွားသည်ကို ခံစားလိုက်ရသည်။ ပြေကျသွားသော ပုဆိုးကို ဘယ်လက်နဲ့အသာထိန်းကိုင်ရင်း၊ ကလေးမကို ကြည့်လိုက်တော့ ကျွန်တော်နောက် မမီမကမ်းလေးမှာ ပြုံးပြရှာသည်။ ပါးစပ်ကလည်း
"မတလ- ( ၅၄၅ )ပါရင်ကြည့်ပေးကြပါရှင်" ဆိုပြီး စိုးရိမ်စွာ တစာစာအော်ရှာသည်။
ဆယ်နာရီက ထိုးတော့မည်။ ကျွန်တော့်ရှေ့မှာ လူနှစ်တန်းစာလောက် ပိတ်နေသေးသည်။ အောင်စာရင်းစာရွက်ကို သေချာမမြင်ရ။
ကျွန်တော်ရှေ့သို့ အားစိုက်တိုးလိုက်ပြန်သည်။ လူအုပ်ကြီးကလည်း ဟေးဆို ဟိုတွန်းဒီတိုက် ယိမ်းလိုက်ကြ၏။ ထိုအခိုက် ကျွန်တော့် ခန္ဓာကိုယ်အောက်ပိုင်းကို တစ်ခုခုက ဖျစ်ဆွဲလိုက်သလို ခံစားလိုက်ရပြီး ကျွန်တော့်မျက်လုံးတွေ ပြူးထွက်သွားရသည်။ နောက်ပြန် ငုံ့ကြည့်လိုက်တော့ စောစောက ကလေးမ။ ကျွန်တော့်ကို ပြုံးပြရှာသည်။
"အဟီး ဦးလေးကြီး"
ကျွန်တော်သူ့ကို နောက်ပြန်ကြည့်ရင်း နာကျင်မှုကြားမှ စကားတစ်လုံးချင်းစီကို ကြိုးစားပြီးပြောချလိုက်ရ ပါသည်။
"သမီးရယ် သမီးအခု တအား ကိုင်ထားတာ ဦးရဲ့ ခါးပုံစထုံးမဟုတ်ဘူးကွဲ့"
ထိုအခိုက် လူအုပ်ကြီးက "ဟေး" ဆို ယိမ်းလိုက်ပြန်ပါသည်။
"အောင်မလေး သေပါပြီဗျာ"
မဖြစ်၊ ဒီလိုတော့ ဘယ်နည်းနဲ့မှ မဖြစ်။ ကိုယ့်ဟာ(ပုဆိုးစ)လေးကိုယ် အနိုင်နိုင်ကျွတ်ပါမသွားအောင် ကိုင်ရင်း နာရီကို ကြည့်လိုက်မိသည်။ ဆယ်နာရီ ထိုးကာနီးပြီ။ ကျွန်တော့်ရှေ့မှာ ခပ်တောင့်တောင့် အမျိုးသမီးနှစ်ယောက်။ သူတို့ကို ဘော်ဒီတိုက်ဖို့ကတော့ ဘယ်လိုမှ ကျွန်တော်နိုင်ကိန်းမရှိ။ ဒီတော့ ကျွန်တော်လည်း တော်တာ၊ မတော်တာ၊ ရှက်တာတွေ အသာထားပြီး၊ သူတို့နှစ်ယောက်ကြား ခေါင်းတစ်ဝင်စာ နေရာလပ်ဖြစ်နေသော ရင်ဘတ်အောက်နား ခါးနေရာလေးက လူနှစ်ကိုယ်ကြား အပေါက်လေးကို မှန်းပြီး ခေါင်းတိုးဝင်ပစ်လိုက်သည်။ မမများကလည်း အရှေ့ကို မဲနေတာဆိုတော့ ဒီလောက်တစ်ကြပ်နေသည့် လူအုပ်ကြားမှာ ကျွန်တော့်လုပ်ရပ်ကို သတိထားမိဟန်မရှိ။ သူတို့လည်း အောင်စာရင်းအတွက် ရင်မောနေကြမှာလေ။ သူတို့ရှေ့မှာလည်း လူက တစ်တန်းစာလောက် ရှိသေးတာကိုး။
ကျွန်တော့်လုပ်ရပ် အဆင်ပြေပါသည်။ လူတစ်ပိုင်းတော့ တန်းကျော်တက်သွားသည်။ သို့သော် ခက်တာက သူတို့နှစ်ယောက်ကြား ညပ်မိနေသော ကျွန်တော့်မှာ ထလို့မရ။ ဒီတော့ လူအုပ်ကြားမှာ မွန်းမွန်းနှင့် ရှေ့လူရဲ့ ပုခုံးရှိရာလောက်ကို မှန်းပြီး သူ့ပုခုံးကို အားယူဆွဲလိုက်သည်။ ထိုလူ့ပုခုံးကြီး အိခနဲ့ ကျွန်တော့်လက်ထဲ ပါလာသည်နှင့်အတူ ကျွန်တော်လည်း လူအုပ်ကြားမှာ အသက်ရှုဖို့ ခေါင်းပြူလို့ ရသွားသည်။
"အား ရှင်ဒါဘာလုပ်တာလဲ"
"ဟင် ခင်ဗျားကလည်း ဘာလို့ အောင်စာရင်းကြည့်တာ၊ ဟိုဘက်လှည့်မနေဘဲ၊ ဒီဘက်ပြန်လှည့်နေတာတုန်း"
"ကျမက ကြည့်ပြီးလို့ ပြန်ထွက်လာတာလေ၊ ရှင်ကဘာလို့ လူကိုဟိုနေရာ ဆွဲရတာတုန်း"
"မဟုတ်ရပါဘူးဗျာ၊ ဘုရားပေးပေး ကျမ်းပေးပေး၊ ကျွန်တော် အောက်မှာ အသက်ရှူကြပ်လွန်းလို့ ရှေ့ကလူပုခုံးဆိုပြီး ဆွဲမိဆွဲရာ ဆွဲလိုက်တာမှာ၊ ခင်ဗျားက ဒီဘက်လှည့်နေတော့"
လူအုပ်ကြီးက "ဟေး" ဆို ညာသံပေး ယိမ်းလိုက်ကြပြန်ပါသည်။ ဗြုန်းဆိုဟန်ချက်ပျက်ပြီး ကျွန်တော့် အင်္ကျီအိတ်ကပ်ထဲမှ ဖုန်းလေးလွတ်ကျသွားသည်။ ကွဲရချေသေးရဲ့လို့ စိတ်ကတွေးမိသွားသည်နှင့်အတူ အကျင့်ပါနေသော လက်က ဖုန်းလမ်းကြောင်းကို မှန်းပြီး အောက်ထဲဆတ်ခနဲ့ နှိုက်ဖမ်းလိုက်သည်။
"အား အင့်ဟယ်၊ အင့်ဟယ် အပေါ်ရော အောက်ရောကတော့ လွန်တယ်"
လူကြားထဲမှာ အိနြေ္ဒမပျက်အောင် စီးထားသော ဖိနပ်ခွာနှင့် ခြေချောင်းလေးတွေကို ပွတ်ခြေနင်းသွားသော အကြင်သဘောကောင်းရှာသူ အမျိုးသမီးကို ကျွန်တော်က ကျေးဇူးတင်လိုက်ရပါသေးသည်။
ထိုနေ့က အနယ်နယ်အရပ်ရပ်မှ ဆရာမဖြစ်ချင်ရှာသူ အလောင်းအလျှာမလေးများ၏ ဂစ်တာရှိတ်တွေကြား ကုန်းကုန်းကွကွနှင့် ဖုန်းပျောက်ရှာမိသော ကျွန်တော့်ကို တလွဲထင်မိသူများရှိပါက ဤစာဖတ်ပြီး အမျက်တော်ပြေကြဖို့ ပြောချင်ပါသည်။ တကယ်တော့ ဤမျှ ပူလောင်အိုက်စပ်ပြီး ငရဲတမျှပွက်လှသော လူအုပ်ကြား ကျွန်တော့်မှာ ဟိုစိတ်သည်စိတ်တွေလည်း မထားနိုင်ပါခင်ဗျာ။
အောင်စာရင်းကြည့်ပြီး ဒဏ်ရာများဖြင့် ကွတ ကွတ၊ ထော့ကျိုး ထော့ကျိုးပြန်လာသော ကျွန်တော့်ကိုယ်မှာ နှုတ်ခမ်းနီရာတွေ တွေ့သည်ဆိုကာ အရိပ်ထဲမှာ ရပ်စောင့်နေသော မိန်းမက "ရှင်ဒီရောဂါကို မပျောက်ပါဘူး" ဆိုပြီး ပေါင်တွင်းကြော ဆွဲလိမ်ပါသည်။ လောလောလတ်လတ် နဂိုဒဏ်ရာအခံလေး ရှိတော့ နာလိုက်တဲ့ ဖြစ်ခြင်းဗျာ။ ခါးပုံစအမှတ်ဖြင့် ဆွဲမိ ဆွဲရာ ဆွဲရှာသော ကလေးမကိုလည်း ယခုစာဖတ်မိ၍ တာဝန်ရှိသည်ဟု ယူဆလျှင် ကျွန်တော့်အနာအတွက် ဆေးဖိုးဝါးခလေး ပေးစေချင်ပါသည်။
ကျွန်တော့်မှာ ယခုစာကိုပင် ခေါင်းအုံးဖင်ခုထိုင်ပြီး ကြွတ ကြွတ ဖြင့်ရေးလိုက်ရခြင်းဖြစ်ပါသည်။ ပညာရေးဖြင့် ခေတ်မီဖွံဖြိုးတိုးတက်သော နိုင်ငံတော်ကြီး တည်ဆောက်မည့် ပညာရေးဋ္ဌာနကြီး၏ လူသစ်ရေးဖြေစာမေးပွဲတွင် အချိန်းအချက်မရှိ ဗြန်းစားကြီး အောင်စာရင်းကပ်သည့် စနစ်ကြောင့် မသိလိုက်၍ လူတွေ့မဖြေလိုက်ရသူများ အသည်းတွေကွဲနေနိုင်သလို မဆီမဆိုင် မောင်ငမျိုးတို့လည်း ဟိုသင်းတွေကွဲမတတ် နာကျင်ခံစား ခဲ့ရကြောင်းပါခင်ဗျာ။
အောင်မျိုးသူလွင်
၂၅/၀၅/၂၀၁၅
တနင်္လာ
ည ၁၀:၀၀
